Bihchianna: Kan hlim thei lo!

A khuhhawnna: Hlimna thlakhlelh vangin khawvel hma­sa chu mihring hmasate khan an lo "hralh" tawh a. Hlimna thlakhlelh vang bawkin mihring inthlah pungte'n khawvel hnuhnung chu "thim thuah tam" ni turin kan hralh leh mek zel bawk a. Kan hlim thei nganga kan inhre lo hi kan hlim loh chhan a nih lam reng reng thlu lo hian, hlimna lam ngawt um hian kan phe a, kan ngaihtuahna kan seng a, kan tha kan khawh ral a, kan thlarau phei chu kan va dahkham sang ngam teh lul ṭhin si em!

"Nei" leh "Nei lo" kan inthliar mekna khawvel ram zauah hian a tehna ki pui lek ngun pawl tak chu keini Zofate bawk hi kan ni leh nulh ang em, tihte ka ngaihtuah chang ni hian, Kumpinu leh vai thluak kan hmelhriat hmaa Zofate khawvel nun tluangtlam tak, inngaihthlawmna leh hmangaihna te'na ro a rel ṭhinna hun rangkachak kha tawn ve mawlh ka chak ṭhin a. Kha hun hlui duhawm rii riaiah khan let leh rual a awm tak loh hnu, hun thim pik ru ang reng takah hian hun rangkachak tawng tur chuan zahtheih loh fe te, pawisak neih loh fe te, Mizo loh fe te hi a lo ngai reng mai ni hian ka hre ve roh a. Lehkhathiam em em te, rinawm em em te, taihmak em em te hi he hun thimah hian kori tu ber ber a ni ta lem lo ni-te hian a lang ta fo mai chu a ni a, keini ang (eng khaw hre lo leh tawng lo) tan chuan a hahthlak dana hi a namailo va, beidawn luatah tute emaw chhiat rawpna tur khawpa ṭawngka emaw tharum emaw-a va che ta rum rum pawh ni i la, mahni chauh tal hi chu thiam kan inti hle dawn ta niin a lang ve fo mai.

Han en thuak a, ṭha thuak hi chu an awm chiang a lawm! Kan ṭawngkam tuallenga "nei" kan tih ang chi hi eng rilru pu nge an nih phei chu ka hre chiah law, "nei ber" th^wka mi ṭhenkhat an han thaw puar pap pap ka hmuh hi chuan "I va dawthei" tih hi ka rilru-ah a lo lut ṭhin.

Mi dawthei tak tan lo chuan kan tunlai rorelna hnuaiah hian hmuh theih nawmsakna hi a h^w meuh dawn em maw ni, tih theih tura kan khawsak tak vang mai chu a ni a.

Khawpui leh khaw t>, thingtlang leh khaw per tesep chen hian han en la, a mi chenga-te chin chhiarin ngunthluk takin han chip ru neuh neuh la, chuti ang hmuna "hlim" thei ber hmel pu anga inlan fo leh mi awh rawn ni awm tak anga langte chu x-ray khawl ruai lem lo paw'n mi pamham ru ang reng fe an ni ang tih i hre thei deuh zel mai ang em aw? 

Chu'ng zawng zawngah chuan "rorelna dik, luipui anga luang ta lo zel" pawiziate pawh a duh tan chhut theih a ni ang chu.

Mahse, heti mai maia khawsak hautak leh hun khirh kan tawn mek lai hian, hmanlai mite nun duhawm riai ang kha a ral hlen thei chuang lo vang. Tute thinlungah emaw chuan hlimna dik hian ro a la rel reng a, an thawm a na lovin, an langsar lovin, hlim hmel te pawh an pu lo mai chauh zawk a ni. Chumi letling hlauha khawsak rel mek, ni tin "manna" baka belhchhah beisei lo tura ngaihte hian chhang leh sa dang kan melh a, dahṭhat kan duh a, kan suangtuahna luahtu berah kan hmang a, kan buai ni tin a, kan mangang hma mai ṭhin a ni lo'm ni?

Kan hlim theih loh chhan hi eng dang vang a ni lo, nun leh hun siam belh thei chuang si lo hian mahni leh mahni hi kan indang bet a, kan inchelh ding a, kan indawm kun a, engkim mai hi kan hmu thim ṭhuap a ni lo'm ni?

He thawnthu, naupang thawnthu mai ni awma lang hi a naupanthlak loh ngawt asin...

Hmanlai hian lal pakhat, nawmchen ngaina zet mai hi a awm a; mahse a hlim thei tak tak ngai lo va. Ni khat chu, hnathawk chungin a chhiahhlawh pakhat hi a lo zai ar ar mai a, lal chuan mak a ti hle a. Khawvela lal ber ni chung si a, a chhiahhlawh hlim ang zah tal pawha a hlim ve pha si lo chu mak a inti a.

A chhiahhlawh a ko va, eng vanga hlim em em mai nge a nih a zawt ta a. A chhiahhlawh chuan, "Aw lalber, chhiahhhlawh mai ka ni a, kei leh ka chhung te hian chhiahhlawh neih awm chin tawk aia tam kan beisei ngai lo va; ruah leh ni sa laka min vengtu in chung leh rilṭam laia ei tur chaw kan neih chuan, a tawk khat viauah kan ngai mai a ni," a ti a. Lalber chuan a chhiahhlawh thusawi chu a hrethiam hauh lo. Chumi hnu ni hnihah a mi rin ber pakhat hnen aṭangin thur^wn a dawng ta a. 

Lal chuan a chhiahhlawh chanchin chu thurawn petu hnenah chuan a sawi a. Thurawn petu chuan 'The 99 Club' an tih zingah chhiahhlawh chu a tel ve loh vang mai mai niin a lo hrilh a. '99 Club' chu lal chuan a awmzia a hre lo. Mahse thurawn petu sawi angin, chhiahhlawh kawngka bulah chuan zanah rangkachak tlang 99 fun hi a rukin a dahtir ta a.

Chhiahhlawhpa chu zingah a lo harh a, a kawngka bul maia rangkachak ip lo awm chu mak a ti khawp mai a. In chhungah la lutin a han hawng a, a hlim lutuk chu a au khek tuar tuar mai a.

Rangkachak chu a han chhiar a, rei tak a chhiar hnuah, a vaiin 99 a ni tih a hre thei a. 100 a tling lo chu mak a ti khawp mai a, a in chhehvelte chu a en kual phah vak vak a; mahse rangkachak tlang khat dang hmuh belh tur reng reng a awm si lo. A tawpah chuan, rangkachak tlang khat neih belh dan a hre ta a, a hmaa a lo thawh aia rimin hna a thawk ta chiam a, nakinah chuan rangkachak 100 a nei thei ta a.

Rangkachak 100 a neih ni aṭang chuan chhiahhlawh nun chu a danglam ta vek mai. Hna chu a hma ang bawkin la thawk rim mah se, tunhma ang lo takin a thinchhe ta tlat mai a. A hausakna kawngah chuan a chhungte chuan an pui ve reng reng lo nia ngaiin, a ^nkhum leh chiam chiam mai ṭhin bawk a. A hnathawhna hmunah pawh a zai ngai ta lo. 

Chu chu lal chuan a lo hre ve vek a, amah thurawntu chuan, "Aw lalber, chhiahhlawhpa hian The 99 Club chu a zawm ve ta a nih hi," tiin a hrilhfiah a. 99 Club chu hlima nui hawk hawk thei tur khawpa hausate an ni. Mahse chu'ng mite chu an hlim thei tak tak ngai lo thung a. An rangkachak chu hmang phal lovin, an tlin loh tlang khat neih belh dan ringawt an ngaihtuah a, "Neih belh thei i la chuan ka hlim ngawt ang" an ti ṭhin a ni.

Kan neih tawk t>-ah hian hlimna a awm a, chhe t> kan neih belh hian a aia tam kan duh belh zel a, kan lungngai ṭhin. Duh belhna thinlung kan neih tawh chuan kan mu thei lo va, kan hlim thei lo va, kan rilru a n^ a, mi dangte pawh kan ti-na tel zel ṭhin - The 99 Club member kan nih phawt chuan!

The 99 Club member ni ve lo tur 'koh hran' member hi han tam hle phawt mai i la...