Taxi-pu

A khuhhawnna: Kan dinhmun emaw kan tawn chin zelah hian keimahni tan chauh ni lo, mi dang nena kan hriat reng tur "hna ṭha" hi a lo thleng leh nawlh ṭhin. Chuti ang hun leh nun ze danglam chu va um a, va nghah a, va kherh a, va hui theih lam pawh a ni law, mumang ang mai hian kan rilruk sa loh deuhin a lo thleng ve mai ṭhin a nih hi. Kent Nerburn-a'na a tak ngeia a taxi khalh chanchin a sawi hi i'n ngaithla teh ang.

Kum 20 kal ta khan eizawnna'n taxi ka khalh ve ṭhin a. Zan khat chu, zanlai pelh tawhah hian in pakhatah mi lam tur ka nei a. Chu in bulah chuan ka han ding a, a thim ṭhiap mai — chhawng hnuai berah a >ng de ve v> v> tih mai loh chu. Chuti ang zan khaw thimah chuan dan naranin driver-te chuan vawi hnih khat vel ‘horn’ an han ti-ri a, an mi nghahte an rawn lan mai loh chuan an tlan sawn leh nghal mai ṭhin a. Ama'rawhchu, taxi tih chauh loh chu, han vahvelna tur lirthei nei ve lo mi rethei ka lo tawn fo tawh avangin chumi zan chuan tlan sawn nghal mai tumna rilru ka pu reng reng lo va. 

Nia, chumi ṭum chuan in ding thim deuh mup hmaah chuan rei iak ka ding a. Ka ngaih a ṭhat tak loh avangin ka mi lam turte chuan puih an ngai a nih ringin, an kawngkhar chu ka va kik ta ngawt mai a ni. Chhung lam aṭang chuan aw chaurau zet mai hian, "Min lo la nghak lawk rawh," a rawn ti a. Chhuata engemaw hnuh ri hi ka hria a, a reh leh vang vang a. Nakinah chuan kawngkhar chu a rawn inhawng a, pitar kum 80 mi vel, ruang^m tawngchham ve angreng tak hi ka hmaah chuan a rawn ding ta a. 

Kum 1940 chho vela movie-a hmeichhe ho inthuam dan ang deuh hian a inthuam a, sathaa siam suitcase lian lem lo tak hi kawngkaah chuan a rawn chhawp chhuak a. A chenna hmun chu rei tak luahlum tawh loh ang mai hian a chul deuh rup a. Bungruate pawh chu puanin a inkhuh deuh khup hlawm a. Bangah sana inkhai hmuh tur a awm lo va, choka bungbel leh chawhmeh han siamna tur dawhkan ilo fahran pawh hmuh tur a awm lo. Kil khata chhuar pakhatah erawh chuan thlalak leh darthlalang hmanga siam thilte a intlar dul thung a.

Pitar chuan, "Ka bungrua hi i motor-ah min lo va dahsak thei ang em?" a ti a. A suitcase chu motor-ah chuan ka va dah a, kaih a ngaih ka rin avangin ka let leh thuai a. Ka banah a vuan a, muangchangin ka motor dahna lamah chuan kan phei a, chutia kan kal pah chuan lawmthu min hrilh mawlh mawlh a. "Eng tham mah a ni hleinem, ka pi," ka ti a, "Ka passenger-te hi chu ka nu angah ka ngai vek che u alawm," ka'n ti kual deuh duah a. Ani chuan, "Aw khai, a ni maw! Naupang fel tak i nih chu maw le!" a lo ti hluai a. Ka motor-a kan lut chu, a chenna hmun ziahna min pe a, "Khawpui chuanhnuai lamah min hruai thei ang ti raw?" a ti a.

"A hnai lo teh mai a nia," ka lo ti thuai a. Pitar chuan, "A pawi hleinem. Ka hmanhmawh hran lo ve. Ka thlenna tur hmun ka thlente chuan a tawk mai alawm," a lo ti sam ve et a. Ka motor darthlalang (rear view mirror) aṭang chuan ka'n en ru zauh a, a mitah chuan mittui a hn^m tih ka hria. Ka ngawi a, amah zawk chuan, "Chhungte ka nei tawh hauh lo asin," a rawn ti chhuak hlawl a. Chutah, "Daktawr chuan ka dam rei tawh vakin a ring lo va," a ti zui leh ta zel a, sawi tur hre lovin ka ngawi ran mai a.

Mahse, a ngaihtuahna hruai pen ṭha-in ka hria a, "Khawi lamah nge kal i duh le?" tiin ka'n zawt lumlam a, kan titi pawh a pangngai leh ta deuh a. Darkar hnih hnu velah chuan khawpui pawnah kan tlan chhuak ta a. In pakhat hi min kawhhmuh a, chutah chuan inchung lama inkhaichhohna enkawltu a lo ni ṭhin hi a lo ni a. Chu a hnathawhna ṭhin bul lawka in pakhat chu a pasal nena an inneih hlima an chendunna ṭhin a ni.

Chumi piah lehah chuan thing mistiri kutchhuakho dahkhawmna in a awm a, chu chu hmanah chuan intihhlimna hmun a ni ṭhin. Ani pawh chuan a vanglai nun ^m takin chu hmunah chuan a lo hmang ve tawh ṭhin a, an l^m ṭhin lai chanchinte a sawi luam a. In dang a lo awm leh a. Chu in zawna kan tlan lai chuan muangchanga tlan turin min ti a. Engmah sawi lovin kawmchar thim lam chu a thlir vang vang a. Chu hmunina a nun a khawih dan chu ka hriatpui ve ta lo.

Chutih lai chuan khawchhak lamah ni chhuak tur zungz^m chu a rawn ṭai darh ṭan a, k^wl chu a sen riai a. Pitar chuan, "Ka chau ta ngei mai... Ti rawh, i kal zel ang le," a ti a. Ngawi rengin kan tawlh sawn ta a. Kan tum ram chu kan thleng ta. In chhawng sang vak lo hi a ni a. Mi chakvak tawh lote enkawlna hmun a ni. Kan thawm an hriat veleh in aṭang chuan tirhkah pahnih an rawn tlan chhuak nghal a, bungrua an hlang thla a, pitar chu puih an chak zek zek ni hian a lang. Chu hmuna a thlen hlan chu an lo nghakhlel hle tawh a nih hmel.

A chau deuha an hriat avangin tirhkahte chuan pitar chu nawrlirh (wheelchair) ah an ṭhuttir a. An nawr det det lai chuan pitar chuan ka lam a lo hawi a, "Eng zah nge ka pek dawn che?" tih pahin a pawisa ip chu a'n zen nghal rak rak a. Kei chuan, "A ngai lo ve," ka lo ti a. "Eitur leina'n i mamawh ang chu," a ti a. Kei chuan, "Passenger dang an la tam alawm," tiin ka chhang a. Chutah, a eng chu nge ka rilru-ah lo awm, tih pawh ka hre bik lo: a sirah chuan ka ṭhingṭhi a, ka kuah a, ani paw'n mi lo kuah let a. 

Aw zangkhai vah hian, "Pitar pakhat tan hlimna hun tawi t> i thlen a nih hi," a ti a. "Ka lawm e," ka ti a. A kut chu ka han hmer vawng vawng a. Tichuan amah hnuchhawn zawngin, zawimuangin chu zing ni chhuak dul reih hnuaiah chuan ka motor lam pan chuan ka pen phei hnak hnak a. A chenna tur in chhunga an innawr lut thawm leh, kawngkhar khar ri chu ka hre reng a. Khawvel dam chhung ni a hman rei tawh dawn loh avangin, chu kawng kh^r ri chu a nunna kawng kh^r ri a ni ngei tawh ang.

Ka rilru a luah hneh em avangin passenger dang han phurh leh pawh chu ka ph<r ta lo va, tumah phur lovin khawpui lamah chuan ka inkhalh haw a. Kawngpui chu ka zawh ve tak n^-in, pan tum leh thlen tum lam ka neih pawh ka hre lo — ka inkhalh mawl ve mawp mai a ni. Khunkh^nin engmah ka ngaihtuah thei lo. Chumi nileng chuan a ṭawng pawh ka ṭawng lo tluk a ni e — ṭawng tha r>ng a tho lo.

Kha pitar khan driver thinchhe deuh lo hmang ta zawk se emaw, a thlenna tur hmuna hruai peih lotu tawng ta se engtin nge a awm ang? Kei khan lo kalpui ta lo i la emaw, horn vawi hnih khat ti-riin, a lo chhuah mai loh avangin tlan sawn leh ta mai i la, engtin nge a tih ang le? Ka ngaihtuah let leh chiam chiam a, nizana ka thiltih ang tluka pawimawh kha ka hun kal ta zawng zawngah khan ka tih ngai pawh ka la hre lo.

Eng hun pawimawh emaw tak tawng tur hian kan nun hi a lo vir vel reng mai ni hian ka hre ta a. Chu hun pawimawh chu a lo thlen hun tur erawh hre lovin kan nung a, kan inrin loh laiin a lo thleng ṭhin a lo ni. Nia, thil naran mai nia kan lo hriatte hi kan tana hun pawimawh leh chhinchhiahtlak thlentu a lo ni fo mai zuk nia!