Nu kan hmu!

A khuhhawnna: Eng kum nge ka hre ta lo, kum thum chu a liam tawh awm e. Chumi kum May ni 8 zet chu le, Chawlhni leh Nu-te Ni a han innang fuh teh kher bawk nen, Facebook lamah nu thlalak han vawm bei ve mai kha, a hmanz^wngah pawh kan hman ni tak mai kha a nih hlawm hmel a, nu an tlar thla thluai mai! Nia, nute'na thi leh thau leh thlantui bakah, thih huam tak meuha khawvel >ng hmu tura an hrin chhuah leh mual >ng hmu ve ngei tura an chawi len kha kan ni tlang bawk a; Valentine's Day-ah min hmangaihtute hmel han pho lante chu remchang lo ru riau hek le, Mother's Day-ah chuan insumkar hlek lovin min hmangaihtute hmel kan han pho lang tliar tliar a, hmangaihna thu pawh "A kuang a fawn liam e" tih ang vel kha a nih ber mai kha maw!

Kan Zo nunah "Ṭawngkam ṭha-in sial a man" tih thute nei bawk mah i la, "Pangpar angin ka chetzia" tih ang deuh hi  kan inlan tam dan hi a ni ve a. Hmangaihna leh inkungkaihna ṭha ngawt lo chu tuma engmah bat tum lo ang ziazanga hmasang ata khawsak lo rel tawh ṭhin he hnam hian sapho ang a, a th^wk a phita "Ka hmangaih che" han tih liam puat puat hi kan khawrz^wng tak mai leh kan ze khelh loh dan deuh mai hi a ni a. Nu leh fa inkarah "Ka hmangaih che" tih thu hi dam chhungin vawitekhatmah ri lo tluan parh mah se la, chhungkua leh vantlang nun inkilkawina kawngah erawh hian zawng, kan Zo nun hlui kha khawvela nun duhawm ber zinga mi a nih tho tho hmel. Hmangaihnaa nu-te'n an fate nupui pasal tur an dappui a, an zawnpui dan leh fate'na hmangaihna vang v>ka nu-te 'mi zawn' an ṭawmpui theih ṭhin dan ze ropuite chu keia sawi pawh a ngai lo ve.

A enga pawh chu ni se la, chetze piah rama hringtunu hmaihma ngei maia "Ka hmangaih che" han tih ve sapte chu a bomb thawh dan pawh a dan zawng a dang ngei ang. Hmanlaiin chuti'n an ti ngai lo ve, tih ngaihdan han sahuai thing vawn tlut pawh chu hemi kawngah hi chuan a ṭha ber chuang hauh lovang a, intih-tunlaina ang vel thuarthama ṭawngkaa nu-te han hmangaih der lek phei chu a tiha tih sa loh.

Khawfing chah aṭanga zan muthmun thleng a, mut mamawh ve reng reng lo ang hrim a, kan tana mut mawh hnar mawha neiha min thawhsak ṭhintu, nu-te lakah hi chuan fate chauh lo paw'n, chhungkhatpa ber thleng hian ni tina lawmthu sawi ^wl lo tur hi kan ni sa ve reng reng a. "Chhungpuinu" han tih ngawt maite hian khawvel leh a chhunga chengte thawnthu hi a phuar khawm tamin, leilung leh a ke chheh kual vel dana hi a inbilh khawm <r mai nia! Awmpui kuta chhungpuinu hna chanve vel thawth^ng dah ngam ta sak, nu ṭhenkhatte erawh hi chuan kan tunlai intlansiakna ram zauvah hian an phalna ngeiin an hlutna an hloh hiau hiau mai ang tih erawh zawng ka hlauhthawnpui ve ṭhin mai mai ngawt mai.

Kan tana thawh sen loh awm tlata ngai a, ngaihtuahna leh tha sen 'leave' nei ve thiang lova inngai a, rulh let leh hmangaih let ph<ta thinlung leih baw ve ngai lo va, thih ngam lu pu pawha engtik lai pawha min dinsak ngam ngat tur - nu-te thahrui hian khawvel hi a chawi kang a, Pathian ang mai hian an laka kan tha bat han s<t let barh theihna hun remchang awm thei lo khawpin, tui luang ang maiin 'chawlh ni' hi an nei ve duh der mai si lo!

Mahse an thu vawi khat t> chauh pawh kan zawm hian chawimawina parṭhi za tam awrhtir ang hialah min ngaihsak thei tlat mai pek a. An hna ṭul zinga holam t> kan lo thawhsak ve ngawt maite hian an tana hna ropui tak thawhsak ang hialah min ruatsak tlat zel mai a, keini'na an laka kan tih theih san ber chu an thu awih mai hi a ni - thu awih mai. Mahse chu erawh, ho t> angin lang mah se, har zawng a har fuat fuat teh e! An tana thu han ziah kur nguai te, rimawi nena an puala hla han sak chiam te, mi zinga han fak hlurh te, an thlalak han pho chhuah uaih uaih te hi chuan an kawchhung naute a khawih chet rei vak a rinawm lem loh hmel a. Hmana kan tih ṭhin ang tho khan - 

"Chawngzawng t>, chawngzawng t>,

Engtin nge i hram ṭhin?
Nu thu awih tur, pa thu awih tur;
Chirh, chirh, chirh..."
tih lam hawi zel kha a la nih hmel fan e!
Khatia Nu-te Ni-a thu ril leh ngaih la taktak kan chham f^n kual ngaihnobei em em lai leh, keini ang misual lukawlh tukhum pohte paw'na ni dang ai ngawta "Nu" kan hmuh chian thiam ni angah khan nu hmel hmu lo te, nu nei tawh lo te, nu chawilen tak loh te thinlungah kawlphe angin an rawn de zawr zawr a. Tihtak hmai pu a, hmaichhana "Ka hmangaih che" tih ve tur nu nei tawh lo tana Nu-te Ni khawharthlak turzia leh ṭahkhua sei thlawn mai mai tur te; leilung luah ve chhung zawnga nu hmel hmu lo ṭum tla tluan zak te; khawvela dawn theih zawng zawng zinga duhawm ber - nu hmangaihna dawng ve pha reng reng lo te nun fahrah turzia ka han ngaihtuahchhuak mauh mai pek a, ka nihlawhzia hre thar nawn awn awn lova fahrahte khawvel suangtuahna ringawta ka khat ta erawh kha chu a eng emaw ti zawng tak chuan a pawi lawi si ngawt mai.

Kan tuallaia Pu Sangthankima TNT chu lo dahṭha ta i la, Nu-te Ni angah-te kha chuan nu hlutna hria a, kan inchhungkhura mi chawimawina r^wl chauh chhuah lo va, Caroline Boudreax-te anga ngaihtuahna thar chet chhuahpui ve turte pawh ka ni awm asin.
May ni 8-ah a ni a, Caroline-i chuan nu-ah piantharna 'rau a dawn ni! Austin (Texas) ah TV station pakhatah account executive hna a thawk ṭhin a, fahrahte'n a mit an tihkeusak hma kha chuan nuamsingkhaw-in a lei hun bi a chhiar ṭhin kha a ni a. Sum-in a lei theih chin angah chuan tlakchham leh ngheiin a nun a khawih buai pha lo. Mahse chuti ngawta a hnawh khah theih loh - nun ruak kha a pai tel reng a, a thinlung kil khawi lai emaw ber kha a kim lo tlat reng a. Kum 2000 May thla nipui chawlh hmanga khawvel hrut chhuak tura a ṭhiannu Chris Monheim-i nena an thawh chhuah aṭang khan a khawvel kawrawng leh thawrawng ru tlat hnawh pinna tur remchang kha a hmu ta a. Chris-i'n India rama fahrah naupang a ralkhat enkawl ṭhin an tlawhchhuah ni, May ni 8, 2000 kumah kum 28 mi Caroline-i chuan fahrahte hmangin a hna tur dik tak a hrechhuak ta a ni.

Nu nei tawh lo fahrah naupang rilṭam, hlim thei zet zet lawi si - a za t>l teh mauh mai he khawvelah hian tlahlang leh baihvaiin an lo khawsa naw naw ṭhin tih a hriat ni aṭangin The Miracle Foundation a din ṭan a, tunah chuan fahrah mi 1,700 zet a enkawl ta. Nuamsa taka khawsa chung siin nun duhawm zawk leh famkim zawk a thlahlel ṭhin a, tunah chuan sum leh paia hlawkna hmuh tur awm si lovin fahrahte tan chaw, damdawi, zirna... a ropui ber hmangaihna sem zaitu a lo ni ta a. Mahni tan chauh ni lovin, tute tan emaw chet a ngai ṭhin tih zirtirna chu a takin a thawk a, mi thinlung a kai harh zel a, a thawh lai 'fak tlak' hna chu fahrahte ai mahin a nunna-in a hlawkpui ta zawk a ni!

Caroline-i sum chu en suh, a thinlung zawk chu en rawh. Sum chu inchhep v<m th<r mah se la, thinlunga luang liam a awm si loh chuan khawiah nge hlutna chu a awm si ang? Sum chu awm lo pawh ni se, thinlung a chet miau si chuan eng thil emaw hi chu a inthlak danglam dawn lo'm ni?  

Khawvela hmeichhia zawng zawng hian tangka ip aiin chhungril nun hi chuh hmasa zawk zel mai se la, nimin ai khan vawiin kan khawvel hi chu a nawm phah zawk hret zel hian ka ring ṭhin. Anni hi chu khawvel thai bingbilettu hi an ni miau mai si a le!