Suangtuahna pui roh hi

A khuhhawnna: Suangtuahna-in miin ramte an la a, an tawn ngam loh an dai a, an neih phak loh an nei a, an thlen phak loh ram an chuan a, ṭhuthmun leh muthmun aṭangin khawvel hi vawi tam an hel chhuak a, vanthengreng thleng thlengin an leu vel a. He suangtuahna pui roh hian mihringte hi min luah fo lo se la chuan mihring kan tling zo lo emaw a ni hial ang.

Suangtuahna tluka chak a awm lo an ti ṭhin. Tan-in leh rip chhungin a thunun zo lo va, kutkawla khirh zawh a ni lo va, thuneihna hmanga ramhuai anga hnawh bo theih a ni hek lo. He suangtuahna hian Genesis aṭang khan mihring hi min luh ve nghal a. Kan damlai ni-a thih hnu ram kan beiseina leh rinna pawh hi suangtuahna nen lo chuan eng ruai a ni dawn em maw ni le?

Suangtuahna aṭangin thiamna leh finna thar a lo piang a. Khawl leh a behbawm a lo chhuak a, suangtuahna-in tu pa emaw chu van sangah a inkap chhuak a, chu suangtuahna chuan a takah pawh a puitlintir a. Chutih mek laiin suangtuahna-in tu pa emaw chuan zu a sa a, veng mawng lamah an rawn bawr hut hut a, a suangtuah ang ngei chuan zu a zuar a, chuti ang suangtuahna chu amah chauh lo chuan tuma'n an thlak danglam thei lo.

Heti taka min chenchilhtu, suangtuahna-ina kan nun a khawih dan hi kan ngaihtuah khat pawl tak a ni mai ang em? Rinhlelhna leh beiseina tawngchham mai chauh kan neih laia suangtuah ram kan dinte hian awmzia an nei tehreng em?

A chang hi chuan kan duhdan danin thil kan han suangtuah a. Zalen takin, a hlimawm leh nuam thei ang ber turin kan han suangtuah a, ramri leh theih loh thil reng reng a awm lo. Kan awmdan atana kan duh ang ang thilte chu kan han mitthla vel a, a chhe lam thil reng reng hi chu a lang ngai hlek lo. Kan hriat loh chu, kan rilru-ah chu suangtuahna chuan engti angin nge ro a rel tih hi a ni. Kan duhthusam ram chu thleng turin kan che vel ṭhin tihte hi kan ngaihtuah lo maithei.

Suangtuahna vang hian kan tih ngai loh thilte pawh kan tih phah a, a chhan chu keimahni khawvel tualzawlah ṭheuha 'a kh>ltute' kan ni miau si a.

A chang chuan kan duh loh tawp thilin min d^l ṭhin a. Kan beisei leh kan suangtuah tel ve lo thilte chu a lo thleng ṭhin a. Mahse kan kawng d^lin rawn tla ṭhin mah se, chu'ng thilte chu kan theihna aiin a chungnung zawk dawn angin ngai hial ṭhin mah ila, a hnehtu zawk nih kan tum ve tlat a, a tlawm zawka ṭan chu kan duh bau lo. Tu-mah hian inkhelhnaa a chak lo zawk nih kan thlang lo vang a, hlawhchham hi tute mah hian kan duh lo vang.

Suangtuahna chu a zalen a. Mi tin hian suangtuah ram kan din a, duhthu kan sam fo a. Chu suangtuahna chuan a taka kan nih phak bak aia sangah min dah fo va, chu suangtuahna v>k chuan a taktakah pawh min chettir a, kan duhthusam thilte chu a taka puitlin thei turin zalenna kan nei r>ng a ni.

Mi pangngai hi chuan kan duh ang thilte puitlin turin suangtuahna kan s>ng ṭhin a, ṭhenkhat erawh hi chuan a mawi-hawih pawh thlu s>ng lovin an duh ang thilte an neih theihna'n suangtuah dan ṭha lo deuh deuhte pawh kan nei a ni.

Keimahah chuan 'ni ila' ka tih ang thilte hi ka mitthla ṭhin a. Engtikah emaw 'chuti ang chuan awm ila' kan tih ang thilte hi kan suangtuah a, ṭhenkhat chuan an suangtuahna chu mitthla mai duhtawk lovin, lehkhaahte an ziak a, an chhinchhiah thlip thlep fo a. Suangtuahna puangzar chi leh siamchhuak chi te kan kat nawk a, chu chu a ni lo'm ni, he leilunga hringfate chet velna ni ta ber zawka chu?

Kan ṭhiannu pakhat, pasal ṭhen tawh chuan a fate nena him leh thlamuang tak a, nuam ve tawk taka an khawsak theihna tur in sak a duh a. A suangtuahnaah chuan thlai leh thei chi hrang hrang phunin, pangpar leh an in hmunhma vel cheimawina tur thilte a lang uar uar a. Rante nena chenho del del a ch^k a ni. A suangtuaha chu kei paw'n ka lo ralkhat hlimpui ve nghal ngawt a. Mahse chuti ang suangtuahna chu a hlimpui rei ta tlat lo thung a. A suangtuahna hlim r^wl chu lungngaihna aw riin a thlak ta daih mai a. A suangtuahnaah chuan in leh a vel nuam taka chen a duh a. Mahse suangtuahna hi a tak ram chang thei lo, inkhualtelemna thil mai mai ni hian a hre ta tlat a. A suangtuah ram chu nuam hle mah se, a tak ramah erawh chuan a tana han puitlin theih chi rual ni lo hian a hria a, amaha a khawvel thar nuam a din meka chu a thamralin a zuzi zo leh ta a ni.

Mahse, a suangtuah ram aṭangin a tak ramah a lo kir leh a, "Keima tan chauh ka thawk thei lo va, ka chhungkua ka ngaihtuah tel a ngai a. Ka rilru a nuam dawn a nih chuan ka chhungte tan ka thawh a ngai a ni. Mahse mite angin vannei ve l>k l<k lo mah ila, ka neih chin ve ang angah erawh hi chuan ka hlim ve viau a. Ka chhungte nena hetia hlim taka kan han awm hian, ka chhungril hi a hlim a ni. Kan chhungkaw hun kal tate ka ngaihtuah a, ka fate'n an suangtuah ram an chen theihna tura ka lo pui theite hi ka lawm ta em em zawk mai a ni," a ti ta a.

Suangtuahna hian kan nunah ph<rna min pe a. He suangtuahna hian thahrui min pe a, min tihuaisen a, nun hi a >ng lamzawngin min chhawpsak a; dawhthei takin, beiseina nen kan hmalam hun chu kan thlir ṭhin a. Chutihrual erawh chuan kan suangtuah ram hi mumang angin chen thei dawn ta taktak ni ila, khawvelah hian chhung leh khat kan intiṭiavai zo vek zawk ang em, tihte ka ngaihtuah mai mai ṭhin. Suangtuahna chu mi tina awm a nih miau avangin ka thisen zawmpui hian ka suangtuah ramah chen a duh ve kher ang em? Lo cheng duh ta pawh ni se, chutah chuan hlimna leh himna ka tiam thei em?

Suangtuahna chu hlimawm hle mah se, nun hi a tawkt> zelin kan chen a lo ni zawk.

Eng pawh ni se, suangtuahnaah chuan hlawhchhamna-in hmun a chang ve lo va, kan hlimna turin thil kan suangtuah ṭhin. Mahse Pathianin ro min relsak tih hi hriat reng tur a ni: Ani chuan kan phu tawk ang zelin thil min pe si a.