Eng awmna thim

A khuhhawnna: Khawnvar mit tawh chu a tihnun leh theih a, tukverh bulah bati a alh phe hlep hlep thei a; thli leh tui tha chaknate chu lo kiam ta deuh ṭhin pawh ni se, >ng zawng an la chhuah leh ngei dawn tih hriatna nen beiseina >ng kan chhi zui zel thei a. Ni >ng hnuaia thimin a zin hnante erawh chuan kuta khawih theih leh tem theih pawh an hmu thei lo va, ri bak hriatthiam an nei ve lo.

Zan hian sualna a hring an ti a, thimah hian ramhuai a hnai nia hriatna-in mihringte hi min bawh a. Mi zinga khawsa tlak ve lo nia kan hriat, misual tawngtawraw-te hremna anchhia atan thim kan ruat a, >ng reng reng awm lohna hmun pikah kan inkhar hnan ṭhin.

Thim ti thei lo ber pawl leh zan ngam lo ber pawla chhiar tur ka ni ang a, khawvelin a hmuh theih tawh loh tura khur thim chhunga kan liam hma hian hmuh theih loh khawvel hmachhawn ngaiin kan awm ang tih hi ka hlau hlel lo.

Thim thuneihna hian mihring hi a tibuai a, mahse vai >n theih a ni. Nun thim zingah pawh >ng a luh hun a awm leh ṭhin a; mahse chuti maia keini'na kan chhit >n ve theih ngawt loh tur - Bible-in "taksa khawnvar" a tih meuh erawh hi chu kharkhipin a awm ve palh ang a, vunin a hup beh mit kan pu palh hlauh ang tih hlauhna hian min tibuai ve ta fo mai.

Kan mu kan han harh a, kan han meng ngawt mai hi malsawmna chhiar sen loh a ni, tih lam pawh ngaihtuah pha reng reng lo hian vawi eng zah nge ka thawh tawh ang? Kum sawm d^wn chu tarmit nen khawvel ka thlir ve ta a, min enkawltu daktawr chuan a tehna aṭanga teh chuan "mitdel" ka nih tawh thute min hrilh a, tarmit phen aṭang ngawt hi chuan khawvel hi ngam s^rh a har zual ta.

Kan taksa khawnvar ber a buai nak tawh chinah hi chuan mi hriat loha chhungril leh pawn lama harsatna han tawh zauh zauh chang a lo tam a; rualpawl lo sa deuh hian rual hi kan pawl lo lehzual fo mai. A chang chuan ngaihtuahna hi a vir mup a, beidawnna thli hian beiseina chhum a chhem bo ṭhelh ṭhelh ṭhin a, khaw hmuh a fiah loh ang bawkin nun khaw hmuh a chian loh chang a awm a, tarmit nen chuan kan khawthlir hi a chiang lo fo mai.

Ṭum khat chu ṭhian pakhat inah kan chawl a. Ka hriat ngai loh leh ka hmuh ngai loh ka hmu a - ṭhianpa fapa chu. Tukverh bulah khua a lo thlir a, ka pel mai a. Mahse a khawsazia leh ṭawngkam aṭangin tukverha d^k chung khan pawn lam khawvel leh in chhungah khan eng nge awm tih hi a hre reng reng lo tih ka hre ve ta chauh a. Mit tel lovin, hnar leh beng chauhin, hriatna khawngkhawbaiin khawvelah hian a kal ve chhet chhet chauh a lo ni a. Ri chu hriatthiamna pe theitu awmchhun ni tlawng mai. A chhungrilah khawharna-in a tuam ang em, tih ka ngaihtuah nghal zawk a, keimah zawk chu a khawharah ka ṭang a!

Thimin a tuam hnan tlat a, chu thim zing aṭang chuan eng tak chu suangtuah ṭhin ang maw? An ina chuangkai ṭhin naupangte'n phengphehlep an um thu an sawi lai khan phengphehlep chu eng nge a niha a rin ang? A aw hriat ṭhan em emte chu eng ang pianhmang pu nge an nih ang a, aw lo chhuahna k^ ringawt maia pawh chu engtin nge a awm ang?

He leilung mawina chauh ni lo, ama taksa ruang^m ngei ngei maia pawh chu hmuh ve theih a va chak ṭhin dawn rua em!

Mit ṭha lo ta n^ chu, kalkawnga tute'n emaw mitdel an rawn kaih hian en liam mai harsa ka ti ṭhin a, pa lung no deuh chi leh awmnem tih takah, ka mawih ru deuh sup ṭhin!

Engtik kum nge ka hre ta law, nipui khaw tlai lamah hian kawng sira mitdel ṭhu ṭhin hian a tih dan pangngai t> bawkin a ṭingṭang a lo tum leh a. Chumi ni chuan khua a thiang nuam em em a, chu mitdel ṭhutna aṭanga chil pik phak lekah chuan khiang kung ^wn d^ mai hi a chawr no nghel a. Kawnga mi zi huai huai karah khawvel chu a lunglenthlak ruih hian a hriat a, nun hi a muang siah mai hian a lang a. Mitdel chuan muang f^n ruih hian a hla chu a tum a - ka hla ngainat zinga mi a ni.

"Pathian angchhung thianghlimah chuan..." tih hla ngei mai kha a ni.

Muangchangin ka kal a, ka han ding leh rih ṭhin a. Ka hawi ka hawi a, chu hla chu ni dang zawng aiin a runthlak ta hian ka hria a -

"Ṭingṭang tumte,
Vanah a tawp tawh lo vang...."
Chu mitdel chuan engtin nge mitdel chungin
ṭingṭang chu a tum thiam, ka ngaihtuah lo. Mitdel chunga mite rilru hneh tura ṭingṭang a tum thei zawk chu ka ngaihtuah a. Kei mit ṭha lo satliah ve mai hian a chang chuan khawvel hi ka hmu ṭhim ṭhin a ni lo'm ni! Ka mit hian khua hmu lo ve ta se, ṭingṭang tum thei rilru ka pu pha ve ang em? Ani, mitdel erawh kha chuan mitdel chungin, a khawvel thim takah khan >ng a chhi lui tlat a, nui chungin leilung hi a luah lui ve tlat a, mi dang ngaihthlak turin rimawi a la chhuah thei cheu zuk nia!

Zing ni chhuak sara ruam hnawha lapaw chhunkhawm ang maia ṭiauchhum inchap var tup mai te; ni tla tur inphan suar suar kara van han ze rang ruai mai te leh ruah han phingphisiau ringawt mai te pawh hi, hmu thei ve tawh lo tura han indah chhin rikngawt pawh hian thaw a pik thei nghal a. Leilunga pian tirh ata thimin a zin hnan tisa put nge rapthlak ang a, khaw >ng hmuh ve zuk tawh hnua thimin a zin hnan tisa put chu rapthlak zawk ang, tih ngawt maite pawh hi ka ngaihtuah fo mai.

Chuti ang ngaihtuahna chu thil ṭul lo, hun khawhralna atthlak tak a ni maithei. Chutih rualin, tute emaw hi chuan ni tla tur kan lo thlir tam tawk lo te; rala tlang inkhawh kham ruak te; thlifim ruala thing hnah che leih leih te; lui luang leh van thiang kuk te; thla eng no ruai leh arsi de sep sep thlir nachang hre lova kan vanneihna ni kan lo hmang liam ta mai maite kha pamhmai kan la ti vawng vawng maithei asin! Khawchin kan hriat loh tluk bawk hian kan chin hi tumah hian kan hre lo va, kan taksa khawnvar hi vanduai thilah a thim palh hlauh a nih teh chuan...maw!?

He mit hian malsawmna hi a hmuh thiam loh em ṭhin avangin vuivaina tur leh lungngaihna tur hi a hmu a, a thlir ta fo zawk ṭhin a nih hi maw le! Buaipuitlak nia kan hriat thilte hi van sanga chhum ang an ni a, an tawlh bo leh ṭhin a. Buaipui nachang hre lova kan hmuh k^nte hi khaw daifema tuikhur ang mai an lo ni - kan nunah ṭh^l khua a lo thleng fo si a.