Ṭhenna biahthu reng kan sawi lo'ng!

A khuhhawnna: A khawi mualah emaw chuan ngaihruat ngaihna pawh ka hriat loh mihring pakhat a awm a. Chu hmeichhe ngainatawm (eu!) chuan ka harsatna leh ka buaina mi chinfelsak ta hlauh tih hi zep ka tum buangbar lo mai teh ang. Chu tuaitiri thinlungah chuan hei hi a awm a; mihring i nih ngai chuan a engemawti zawng tal chuan i kawchhung naute a khawih chet loha leh, i thinlung naute hawiher zawng a tuai danglam ngei ang le!

Tunah chuan hun a lo kal ve ta duai mai. Kei hi chhungte leh ṭhiante bula pangchan nuam ti mi tak mai hi ka ni roh a. Ka nun hi hmangaihna, hlimna leh duhsakna tinrengin min ch^wm ṭhin. Tuna ka sawi tur zawka erawh chu, ka ṭhian pakhat nena kan nun hman dan a ni. Ka hriatchhuah apiang hian kan inzawm dan mak leh danglam chuan ka nun hi a khawih nawn fo mai.

College-a ka kal tirh ni a ni a. Chemistry class-a ka awm tur ka'n lut chu, mi dang chu an lo ṭhu ṭhap tawh a, ka ni hmasa berah chuan ka'n tlai nghal kau mai pek a! Ṭhutna chu a khat vek tawh ni maiin ka hria a, ka hawi nasa mai a. Mahse hmeichhe pakhat hian, "H>tah lo kal rawh, a la ^wl," tiin mi lo au va. Ka pan phei a, ani chu a lo nui seih a, a ngainatawm kher mai.

Kan zirlai chu kan zo va, a ṭhutna bula ṭhu tura mi lo auh avangin lawmthu ka hrilh a, "Eng tham a ni lo ve," a ti mai a. Kan titi zui ta a, darkar hnih vel ngawt kan inkawmdun n^in, hun chu thli ang maiin a kal chak ni mai hian ka hria a.

Chu chu Rachel-i nena kan inhriat ṭan dan chu a ni. Duhawmna riau leh mi hneh rukna riau hi a nei a, ka ngain^ nghal sa at mai a, chumi ni aṭang chuan ṭhianṭhaah kan invuandun ta nghal r>ng bawk a. Kan inzui nasa ta ngiang mai. Pawlah kan ṭhudun a, chaw kan f^kdun a, kan hun ^wl hlekah tawh chuan kan inkawp chawt a. Kan zirna kaihhnawih thil reng rengah chuan kan inpui chawt a, kan chanchin a chhia a ṭha-in kan inhrilh a, chutiang tluka inṭhianṭhatna duhthusam chu a awm kher awm lo ve.

Kan inkarah initsikna them pawh a awm lo va, mi dang a biak emaw, keiin mi dang ka han biak fal deuh emaw paw'n rilru kha kan pu ngai lo. Kan inhrethiam tawn em em a, kan inṭhianṭhatna vang chuan hunte hi liam duak duak mai hian ka hre ṭhin.

Kan zirlaiah te, thathawha zirna kaihhnawih khawih a ngaih chang te leh ekzamnaah thlengin min pui a. College kum tawp kan thlen chhoh phei chuan MBA ti tura ka inpuahchah tel bawk avangin Rachel-i chuan ka awm loh hlana an thil lo zir chu min hrilhchhawng ve nghal zel a.

Chutianga zirlaia thil thar a awm apiang chuan chawlhkar khatah vawi hnih emaw hi kan inzirtir chhawng ve leh ṭhin a. Ekzamnaah pawh kan ṭhudun a nih chuan hmui phunte talin chh^nna kan la inhrilh zui ta zel a ni.

Rachel-i chu ka mi hriat tawha mi danglam ber mai a ni. A rintlak a, a fim kar mai a, a tih tawhah reng reng a tawp a thleng rak a, a ngaihawm em em mai bawk si... Mihringa a ṭha lai hi a kawl vek a ni ber e!

Kan college nun a lo tawp a, kei chu MBA zir turin kan khua aṭanga mel 200 vela hlaah ka liam ta a. Ka B.Sc mark sheet ka en apiang hian Rachel-i nena kan college nun chu a tharin ka thinlungah a lo nung leh ṭhin. Amah avanga he'ngte hi nei thei ka ni si a...

Chutia MBA zir theia ka han awmte chu min lawmpui bertu-ah a ṭang a, kan khua aṭanga khaw danga lehkha zir zawm tura ka liam hnute pawh chuan phone-in kan la inbe zui ta zel a. Kum khat vel ka chhuah bo hnu chuan kan khuaah haw lehna remchang a lo awm ta a. Rachel-i nena inhmun hlan ngawt chu ka nghakhlel a, chu chu June thla a ni. June thla chu kan pian thla a ni ve ve a.

June ni 2-a piang ka ni a, MBA ka zirna, kan khuaa a taka ka hman chhinna (internship) pisa aṭanga ka haw hnuin ka pian champhaphak chu min lawmpui hmasa zawktu-ah a ṭang a. Tlai lamah kan inhmu a, sawi tur kan ngah hle. Ani chuan MBA ka zirna chungchang te, kan college vel te leh kan thawh dan te min zawt siam siam a, ani pawh kan khuaah chuan zirna sang zawkah lutin, master's degree a beih ve mek dante min hrilh a, a va nuam em!

June ni 18 a ni ta. Rachel-i pian champhaphak chu ni hnih chauhin a dang tawh a. Tlaiah phone-in min rawn bia a, a pian cham' kan lawmna tur hmunte kan sawidun a, hmun pakhat, hmun satliah ve angreng taka lawm kan rawt ta a. A tuk a lo ni a, pisa lamah hnaa kal a ngaih loh avangin inah ka nuṭa nen hun awl chuhin video games-te kan kheldun vel mai mai a, Rachel-i mawlh chu hmuh ka ch^k tawh a.

Chumi ni chuan ka phone a rawn ri leh a, Rachel-i'n min rawn phone a ni. Ka'n chh^ng a; mahse Rachel-i a ni hauh lo, a nuṭa a ni.... A nuṭapa chuan Rachel-i thih thu a sawi ta tlat mai!

Rachel-i a thi! Ka awih thei lo! Ka pawm thei lo! Rachel-i unaupa chu min tihder lo turin ka'n ti chiam a; mahse a aw aṭangin a min tihder lo va, a ti fiam lo tih a hriat - a aw chu a pangngai tlat si lo a ni!

Chutah, ka cell phone chu ka dah a, ka bulah ka nuṭapa pawh a rawn phei ve nghal a, ring zet mai hian, "Nuuuuu...!!!" ka ti ta vak a.

Ka nu chu a rawn tlan vat a, phone chu a la a, Rachel-i nuṭapa chu a be ta a. Lehlam aṭang chuan Rachel-i unaupa chuan ka hnena a sawi ang tho chu ka nu chu a rawn hrilh ve leh a, Rachel-i vuina hun an puahchah mek thu te chu... Kei chu Rachel-i ṭhianṭha ber ka nih avangin thlana an zalh hmain a hmel chu hmu ve ngei turin min rawn ti a ni.

Ka nu chuan phone chu a dahhlum a, Rachel-i chu accident-in a thi tih a sawi ta a ni. Ka tiril zawng zawng hi a kh<r a. Ka ṭap vak vak a, ka mitte chu a sen r<m a, engmah ka sawi thei lo. Ka ṭap a, ka ṭap zawih zawih a, thang awk anga chu thil lo thleng phut chu ka hrethiam thei mawlh lo a ni!

Ka nu chuan hun kan neih tam loh thu leh, Rachel-i vui liam a nih hmain darkar khat chauh hun kan neih tawh thu a sawi a. Rachel-i vuina lam chu kan pan ta a. Kawngtluanin mi chuang sa chuang ang mai niin ka inhria. Minute 45 vel kan tlan hnuin Rachel-i vuina hmun chu kan thleng a, a nu leh a nuṭapa chu an ṭap bang thei lo.

Kuang chu ka va hnaih a, puan zai sin var thianghlim tak ha hian Rachel-i chu a mu a, a dai riai mai. Hahdam tak hian a mu a, muhil rawn harh leh mai tur ni hian ka hria a. Mahse hun a han kal det a, Rachel-i chu an han chawi k^ng a, a taksa chu ka'n khawih a, tho leh tur a awm tawh lo tih ka hre ta! A bulah ka awm a ni tih pawh a hre ta lo...! Ka awm a ni tihte tal han hre thei se la aw....!!

Rachel-i chu kan thlah liam ta! Ka thinlung luah tlattu mihring duhawm chungchuang chu a awm ve ta lo! Englai mai pawh hian ka thinlungah a riak a, a nui hmelte chu ka mitthlaah a ch^m reng a, ka tana engkima inhuama min puih lai te... Ka mit ka han chhin ch^ngte hian ka bulah a awm ni hian ka hria a, ka lungngaih ch^ng ni apiangin ka kiangah lo kalin, ka lungngaihte chu min hnem tumin a lo awm ṭhin ni hian ka hria a...

Ni e, ka bulah hian a awm reng asin! Hmu ve lo mah ila, min en reng a, a nui sen sen reng a... Kan inzawmna thuk tak chu thihna hian a pawtchat zo ve lo! Inṭhen tawh mah ila, kan inhmangaihna chu a nung reng a, englai pawhin ka bulah a awm reng a ni!