Ka thi deuh a!

A khuhhawnna : Zei leh zei loh lam a lo ni lo - thih hi! Thih dawn hnaihah hian engtia awm tur nge ni a, engti ang chiaha inbuatsaih tur nge, tihte phei hi chu thih hnua hriat fiah chauh chi a lo nih hmel! Chuti chung chuan, peihsam mang lo chung chungin thi mai tur angin ka rilru chu ka'n siam ve teh ta poh a! Ngaihtuahna a v^k darh nuaih nuaih a, ka ba chin fel loh tam takte chuan min tilungngai hran lo; mahse min hre zui reng reng lo turte han thihsan tur meuh chuan ka rilru hi a inpeih lo a ni!

Warning pe lovin
Kum riat dawn a vei ve tawh ang, Vanglaini office-a chanchinthar ka ziah mawlh mawlh laiin, tlai lam thingpui kan in zawh hnu lawkah 'warning' pawh inpek awm eih lovin thihna khan min rawn 'mawlh' ṭan a. Boruak awm lohna hmuna chho zawnga tlan ang mai hi niin ka hria - thaw a sak tlat. Ṭan ka'n la ngial a, computer hmel tim^wk hawk thei tur khawpa n^-in thaw ka'n la a, ka kawchhunga oxygen ka lo khawlkhawm sa ve rauh rauhte chu thawklehkhatah ka'n thaw chhuak hawk a; nakin lawkah ka la mamawh leh dawn tihte chu hre sa ni ila chu, a s<mte pawh ka ins<m ve deuh mahna!

Min mawlhtu chuan mawlh satliah mai pawh ni lovin, a bawrh-in min bawrh zui leh ta nghal mai ni hian ka hria. Chhungril lam fel lo chu pawn lam lan dana chin fel theih a nih beiseiin, bathroom-ah ka tlan lut a, ka lu ka'n su ringawt a, lu phut bak thil dang eng mahin an hlawkpui lo vang e!

Ka ke ler aṭanga ka chhip thlenga min ṭh^m veltu chuan nuai takt> hian, kei, nuai tham loht> mai hi min han nuai ta nawk nawk mai a nih chu! Ka vunte chu chhung lam aṭanga pawh chuar tum niawm hrim hian a inpawt kual zut zut mai a. Ka thisen chu thawklehkhata kangchat tur ang mai hian a mur chuai chuai a, thisen z^m aṭangin an insaseng sung sung a. Kut leh ke a khawng nghal uaih uaih a, khaw hmuh a fiah lo nghal sulh sulh a; ka kawchhunga thil awmte chuan haw haw-in lei piah lam rama min nawr chhuah ngei an tum tih pawh ka manthiam nghal ta mai.

Mahse ka thil hriatthiam tawh zawng zawngah, khami ni-a ka thil hriatthiam kha ka la hrethiam lo ber ang!

Ka lal ve ni!
Ration Card-ah pawha hming hnuai lam luahtu ni ve pha ṭawng ṭawng tan chuan, 'Hmuh theih zawng zawng ka ram, ka ram' han ti ve thei tur chai hi ka ni lo. Ka dam hun chhung tawit>-ah hian 'lam hmasak' leh 'dah hmasak' hi hlawh kh^t ve fuat fuat tak mai hi ka ni a. Chhungkhatpa niin, nupui fanaute pawh hi nei ve ta tehreng pawh ni ila, kawngka lu chungah ka hming ka tar pha ve ng<t ang emaw... chuti ang vel chu ka ni.

Mahse a hun leh ni ka hriat chhuah tak loh; a kum erawh chiang bala 'Chiang-kai-sek' ti thei khawp a, kum 2007 a ni tih ka la hriat chian em em kum ngei maiah khan lal angin Taxi-ah ka chuang a, lal ang maiin Aizawl Civil Hospital Casualty-ah 'escort' luh ka lo ni ve tawh a; ka tan chuan theihnghilh theih rual a ni lo.

Damdawiin panna kawng tluanin 'Malis r'u le!' tih pawh ngai lovin, ka sir tuakah khan thawhpuite pahnihin min ṭhutchilh ran mai a (Andrew-a phei kha chu pastor-te pawh a ni chho tawh tak e!). Rilru zawng zawngin min han malis dun mawlh mawlh a. Min malis laklawh laia an englovi te phone call pawh kha an chh^ng ngam tawh lo - ka thuhnuaiah an k<n laklawh tawh tlat!

Tuna Zo Global neitupa ni ta hian ka dilna kha ti hlawhtlingin ka lu chungah kut nghatin ṭawngṭai ta se tih te ka ngaihtuah leh hnuhnawh a. Mahse patling ṭhan kin ve ve tawh tui loh zawng deuh mai in tihtir tum kha chu a beidawnthlak viau!

'Hmangaihna leh mamawhna chuan dan a hre lo' an ti mathlawn lovin, Bazar Bungkawn-ah chu hmangaihna leh mamawhna changchawi chuan ṭhiante pahnih chuan kan Taxi pu chu traffic rules an han bawhchhiatpui nghal rap mai a! Chu chu tu dang vang ni lovin, keimah vang liau liau a ni. Reiek khaw lal, Lalluaia dungthulin, 'A lal chu ka lal nghet nghet teh e!'

Casualty-ah khan mahni tha pawh ring hah duh ting' lovin, ṭhiante tha bawk chu ka'n hmansak leh ta zel a. Kei kha chuan khuma mut leh maimitchhin chiah kha ka lo tum ve a, a ṭul thlu a nih ngawt loh chuan lu thing baka han biak vel pawh kha ka tum hran ta lo.

Min chawi sangtu thisen!
Ka thiamnain min la chawi s^n ka hre lo va, ka nihna vanga han s^n tehchiamna tur ka nei lo. Fin vang leh mawl vang tal pawha rual han kh<mna tur pawh hi ka neih ka hre hek lo. Mahse ka hriat loh hlanin, ka tum leh duh r>ng vang pawh ni hek lovin, keimaha awm ka thisen chuan ṭhiante ai aia s^ngah min lo chawi kangin, ṭhiante khum lap tur khawpin ka BP chu khi-ah khi-ah min lo vawrh chhohsak pek a nih chu! Ka hriat loha ka tana 'promotion' siamah chuan ka tei theih loh ber thil a ni hial ang.

Chu thisen boruak inhlap s^ng ta chu, a s^ng >ma ka phak ta lo hial a. Bathroom-a ṭhiante hmuh loha tuia sil fai ka lo tum mai mai kha, tui maia ṭhuah fai chi rual a lo ni lo - thisen leh nunna a ngiat a; mahse ran tam tak thisena tlen fai chi rual erawh a ni ikhaw si lo!

An Casualty khumah chuan ka'n thi hawrh mut ve zar a. 'Thisen pe la, nun chhanhim rawh' an tihte hi <ks^k lovin, s^ng thl^wn leh mai mai tur; kawchhunga chhe ṭawih leh mai mai tur thisen chu ka lo up puak lo chauh em ni dawn? Ṭum eng emaw zah chu nun chhan himna'n ka thisen hi ka lo siak chhuahtir ve tawh a, chuti ang lama min s>l tumte lakah chuan sawi ve tur chhet> chu ka nei, tiin ka han inhnem a. Mahse chu inhnemna vanga dam mai tur lah chu ka ni der si lo!

Hringlang Tlang lamah
A dan a dang ta zar mai! Mi thi tur hi ka lo hmu tawh ṭhin a, keimah ngei pawh hi ka thi tur lai hmel chu ka ṭhiante'n an hmu ve dawn ta...

Sholay film-a Amitabh-a thi kan hmuh ang khan, ka thih hunah ka ring chu a thle ve bak ang em? Ka hre lo. Ka lei thlengin ka BP s^ng chuan min phuarsak tawh a; thlum leh al, kh^ leh th<r bakah, chawhmeh tem rukna'na ka lo leklam ber mai chu ka ta a nih lohzia min hriat chhuahtir a duh ni fahmiang - ṭhian hnaivai tak takte pawh dim lo zeta ka lo rel zet zet tawhna lei ngei mai chu phuarsak ka ni leh ta zel a. Ka dam ṭhat laia ka thunun theih loh tluk zetin ka damloh lai phei chuan ka lei chu ka thunun phak bakah a awm ta lo lehzual a; 'BP' an tih teivet chuan a char khawng khawlo ro zo ta vek mai a ni.

Hniam sulh sulh hian ka inhria a, oxygen bur nena min bawihsawm laite pawh chu fumf>-in ka hre ta mang bar lo. Ni chhuak ka hmu dawn tawh lo va, ka nunna chu ni-in a her chhuahpui ve tawh dawn lo, tihte ka ngaihtuah thiam vek a. Tlang leh ruam, lui leh phaite chu an nih ang ngai rengin an la ni zui zel dawn a, kei erawh chu ka nih ang ngai ni leh tawh ngai lo turin, thlanmualah tuihawk ruala luang ral ve tawh turin ka lei taksa chu an zalh ral raih tawh dawn tihte ka hre ru kar a; hmabaka thlan ko tih loh chu hmabak dang a ko tehchiam lo.

A s^ng lam zinga ka duh loh berte zinga mi BP chuan ka ngaihdan a la lo va, min ngaithla hek lo. IQ a hniam tulh tulh a, BP a sang tual tual a; chuti ang hunah chuan Brazil Ronaldo te che vel ai chuan doctor leh nurse phe vut vut tluka hmuhnawm leh ngaihṭhatthlak hi a lo vang khawp mai.

Depicor leh Deportivo pawh hre hrang ngai hlei lo khan, thi mai tura rilru pawh ka siam fel vek tawh hnuah ka'n hre hrang ve ta chauh a! 'Hei hi Depicor a ni a, in thisen a s^n chuan in lei hnuaiah rawn dah ṭhin ang che u' tia thu rol<mtu tur pawh ka awm dawn ta lo chu a ni si! A va pamhmai tak em! Ka ṭhiante l>k khan Depicor ṭangkaina an rawn hre chhawm hian ka ring si lo!

Ka harh ta!
Kha Casualty khum aṭang khan Rama leh Zuata te Baktawng zin pawh ka hre chhuak a. Bush-a leh Blair-a te pawh hre chhuak lo va, khawvel mihring tam tak zinga anni pahnih kher ka han thur chhuah nalh chhan pawh kha ka hre chiang tawk khawp mai.

Ka chhungte hrilhhai turzia ka ngaihtuah chhuah rualin, nunna leh thihna inkara tuilairapa han din meuh chuan, Addidas leh Nike lam reng reng hi a lang lo va, 'Beckham-a te chhungkua engtin nge an rawn khawsak tak ang?' tih lam pawh a ni lo. Cement leh vai mistiri thiamna inchawhpawlh kual vel aṭanga pucca building lo ding chhuak leh, Pu Vela te thl^m sawi b>i b<i lam pawh a ni lo. Nula mawng poh leh bike mawng er lamin rilru a luah tawh reng reng lo va, pawisa leh pisa lam thil reng rengin kori a tu tawh hek lo tih ka hre chhuak a. Khuarel leh mittui erawh chuan lung an l>n. Mahse chu pawh chu engtikah emaw a la tawp ve nge nge tho dawn.

Mangchhia kan neih a, hlaua kan khurh hnua kan han ṭhan harh a, mi hriat lohva kan lawm ruk veng veng t^k ang tho hian ka harh ta kuar kuar mai. Thinlunga thlamuanna hi khawi aṭanga lo chhuak nge, tih hi ka chiang ta khawp mai a. Chu chu ka nat chhuahpui leh ka dam chhuahpui chu a lo ni ta.