Kan ṭhu lang!

A khuhhawnna: Kan thupui hi han en thuak chuan a Sunday school lo ruih mai. Mahse thawmhnaw ṭha tak tak inbel chung hian kan ṭhu lang fo mai si a; ṭhu lang ve thei han nih ngawt maite chu insawitheihna'n hmang ngam chiah lo mah i la, 'chungleng' th^wk hian min th^wktir a, ṭhu lang ve thei turin mualpho leh zah d^wn lek lovin tual kan chai mup mup ni ber chuan a lang lawi si!

Heti ang 'ṭhut lan' hri hian eng hun lai aṭang khan nge kan ram hi min nuai a, a hri kai hmasa chu tute tak ni ang maw?

A eng rilru hi nge an put ka hre ve phak lo va, a eng ruahmanna hi nge ṭha ber tih phei chu ka hre lo lehzual a. Hmu fiah ber ang ziazanga Bible thu inlehsiak huai huaina ram leh thlarau inchulnelsiakna rama hnam tlemt> zingah hian keiina 'ṭhut lan hri' ka tih ve mai hi a darh zauin, a kai lo hi an awm ve pheuh pheuh ta chauh em maw chu aw, tih tur nite hian ka'n hre ve mai mai a. Kohhran leh a si per ang chi-a hunpui (a ṭhen phei chu 'huau huau' tia sawi chakawm tak tak) a lo thlen hian ṭhu lang tura inngai ve sa reng reng hi kan kat nuk mai awm mang e.

Keia ngaihdan mawl takah chuan, Bible rinchhana chatuan hawlh thleng rawka nun tumte chu chapona ngainep a, uanna ngai tlawm turah ka lo dah deuh a. Mahse chumi letling hlauh chuan ṭhutna-te hi kan remin, ṭhuthmunte hi kan inrem a, kan rilru-te hian dawhsante hi a tinzawn nghal deuh run mai nite hian a lang a. Chumi han khak pha thei dinhmunah keini angte hi chu kan ding lo lulai em mai a, mipui zingah mah pawha tlar hnung kil thim lai chuh ch<ih ch<ih ṭhin tan chuan tum luihna nena mi ṭhu lang lai lo thlir hi kan tih theih tawk a ni deuh tlawng a, thlarau lamah hi chuan kan kal lam aiin kan haw lam hi kan hlawk zawk chuang lutuk lo fo mai.

Biak-in leh khawi lai sermon pat> han thlak theihna tawh chinah hi chuan, mipui han ep hneh ve deuh turah kan ruat nge ni, maichamah mi pathum emaw an han ṭhu deuh ngawt zel a, kei atan chauh hi chuan ennawn mak tak a ni sa tawh reng mai. Maicham chu kan ti-Kalvari ta deuhin kan hria nge ze nge ka hre lo. Thuchah sawi tura an ruat ber chuan ṭawiawmtu hnaivai a mamawh ta nge ni a, puih a ngaih changa ṭanpui vartu hnai reng dah chu ṭha zawkin kan hria? "Ani hi chumi khamia kan hruaitu chu a ni a" tih sawi nawn hranpa fo ngai lovin mipui hmaah tui-um rualin kan chhawpchhuak ve nghal nge ni a, sawrkar rorelna inpuia ram hruaitute kianga official-te lo inthiat ve ṭhin tih thikin kan khawsa ta zawk ni? Nge ni a, ṭhutna hi kan inchan loh fo vang zawk?

Inkhawmpui nikhuaa inkhawm kaihhruaitu kianga ziaktu chanvo chelhtute an ṭhu hi chu remchanna kawng khatah a la ngaih theih deuh a, thuchah sawitu sir tuaka 'ngawi tluan tur' an han ṭhuttir ta deuh zela hi chu a ngaihna ka la hre lo ngang mai a, a ṭul titute'na ṭul an tih dana hi kei hian ka pawhpha lo hualhualte pawh a ni mahna - 'ṭhut lan' hi VIP lantirna kawng khat a nih nghal loh chuan.

Biak-in leh kohhran hun pawimawh ilo velah chauh pawh a ni law, sawrkar leh tlawmngai pawl lamah pawh hian ṭhut lan hi a pawimawh awm nger ngawr ṭhin ngawt mai. Dawhsan luahtu hi kan tlem luat kan hlauh vang nge ni a, dawhsana ṭhut loh hi 'mipui level' ah kan ngaih vang ni ang, ka hre leh pek lo va. Mipui punkhawmna a ni emaw sawm bik mi tlemt> kohkhawmnaah hi chuan a serh zinga mei ang maiin dawhsan leh mipui ep lamah hian ṭhu lang pawl hi kan han dah ngawt zel a. Kha inkhawmah khan chanvo an neih leh neih loh lam ai mahin ṭhu lang pha ve hrim hrim nia kan ngaih hi kan ṭhut lantir ta deuh fur ni mai hian a lang a, awmze thuk tak a nei ang nge pawnlawi tak a ni zawk ang?

Khawvel huap punkhawmna ang chi-te hi a thlir tlem leh a hre tlem pawl tak zawng ka ni ngei ang a. Mahse ka hriat leh hmuh ve chhun ang angah hi chuan ṭhu lang pawl hi an nei ve lem lo tlangpui a nih hmel. Khawvela chawimawina ngaihhlut bera an sawi ṭhin Nobel Prize chawimawina an sem ang chi-ahte pawh hian a chawimawina dawng tur bera-te pawh hi mipui zingah tlar hma an luahtir a ni deuh chauh mai a, keini huaihawt ni ve n^ se la chuan dawhsanah ṭhenawmte ṭhutthleng mawi ber kan hawh chungah kan ṭhuttir luah chung paw'n kan ngai a ṭha zan lo thei hial mai awm mang e!

Ṭul mang hlei lova hun pawt fan kual vel a, rei iak kan inkhawm changte hian mipui ep zawnga kan ṭhuttir zingah khami inkhawm chhunga che zui ta miah lo hi a tam zawk an ni tlangpui a; mipui zingah, a tlang hnung kil thim lamah keini bulahte hian han ṭhu ta mai mai pawh ni se, a pawina awm chuang teh vak lo turte hi an tam ve ngawt mai.

Vawi khat chu chanchinbu lama ka thawhpui pakhatin minister zin thu leh hla ngaichanga a zuinaah ka ṭawiawm ve lehchhawng a. Chumi ṭum chuan ka rin loh tak maiin minister ṭhutna dawhsanah kan ṭhutna tur kha an lo ruahmanlawk sa roh a. Mi hmuha han ṭan kha mawi ta lo zawk ang hiala a lan tak avangin mipui ep zawng chuan ka'n ṭhu lang ve poh mai pek a! A khawi laiah mah ṭhu lang pawla tel pha ngai lo ve hrim hrima la tlangval ve ta zel ka nih avangin ka tan chuan hun tawn danglam tak chu a ni ve reng mai. Mahse kha hun kan hman chhung zawng khan ka ngaih a ṭha lo tluan parh a, dawhsana ka ṭhut ve a ṭulna lam kha ka han ngaihtuah ngial pawhin ka ngaihtuahchhuak thei hlawl lo va. Ka ṭhut ve a ṭul lohna em em hlir mai kha ka ngaihtuahchhuak zut zut a. Hulhliap pawh chang pha ve lo, kawt ko aṭanga lang thei leh thei lova min rawn thlir lui ve ṭawk ṭawktute khan rem lo chung chungin kan haw tur min chibai ve phette kha an tum ang tihte kha a ni a, ka hlauh ni!

Khami ṭuma ka ṭhut lan ang vela ṭhu lang ve hi an tam hian ka ring ve mai mai ṭhin a. Chuti ang mite rilruah chuan eng hi nge thawk ve ṭhin ang aw? Phu ve reng inti nge an tam ang em? Nawmchenna chi khat ang hiala ngai an awm ang em? Dinhmunin a zir ve vang renga ngai eng zah tak awm ang maw? Nuam lo ti ru eng zah nge awm ang?

'Pawimawh' nih ve hrim hrim hi mihring kan nihna-in a phut chu a ni ngat mai. Amaherawhchu hmelṭha intihmelṭha ang bawkin intipawimawh hi mi huatthlalaah an chhuak duh fo. Mihringin a hna pawimawh ber chu a mihringpui tana rawng a bawlsak hi a ni. Chu rawngbawl hna erawh chu dawhsana ṭhut lan vanga chiang emaw dawhsana ṭhut lan duh hrim hrim vanga hlen chi a ni lo va, chhiahhlawh anga a tlawm mual aṭanga hlen chi a nih hmel.

A enga pawh chu ni se, mite hmaa ke ph<t dar dar ang chi hi ka mi ngainat an tlem pharh mai a, hnathawh kawr nena mite tana beitute erawh hi chu langsar lem lo mah se, ka lo ralkhat ngaihzawn hman deuh der zel mai thin.