Kan hun kal ta-te kha...

A khuhhawnna: He leilunga indona hautak ber, englai pawha chintawk nei lova indopui a chhuah reng­na chu mihring thinlung a ni. Chu thin­lungah chuan a chhia leh a ṭha an inbuan thial thial reng a, chu chuan mihring leh a khawvel inlumlet a hring a, Lei hi a chang chuan a duhawm riai a, a chang erawh chuan a tawrawt lua hrat zel si!

Kan hma hunte chu duang ngawt mah ila, kan thlir thiam thei tak tak lo. Kan hnu lam erawh chu kan thlir kir fo a, a chang chuan let lehna tlak khawpa tuihnaiin kan hmu a, a chang chuan kalsan a, theihnghilh vang vang tlak khawpa ṭawphnawkin kan hmu bawk a. Mite mithmuha tlinga lan tum leh thei ber anga lan tum fo mihring zingah hian 'nunhlui' nei tawh chin apiang chuan chutiang nun leh hun chu an tem lo thei lo.

Kawng dik lo zawh fo ṭhin kan nih avanga kawng dik zawh tura inzirtir ṭhin kan ni a, mi rilru tluang pangngai leh mi rilru kawisawi tehna tur hi dap dawn ta ila, 'a mihring em' tih ringawt mai hi tehna tling leh lian tham a ni thei hial ang.

Nia, kan hun kal tawha dik lohna nei nia kan la inhriat hi chuan mihring tak kan la ni a, dik lohna nei lo ang hrima kan inngaih tlat chinah tawh hi chuan mihring kan tling zo meuh tawh lo!

Mihring chuan tihsual a nei ṭhin. A tihsual pawm theitu chu a mihring ṭhin. Hma hun leh tun hun ngaihtuah turin hun liam tawh ngaihtuah tel loh theih loh a ni fo a. Hun kal taa kan khawlohna kha a lansarh lurh lurh chinah tawh chuan ngui leh nguaia khawvel ni hman a awl fo a, mahni leh mahni hi dik ta lo h<-a inngaih chang a awm ṭhin. Kan thil tihah kan han inteh a, thlantuiin min bual hlup hlup chang pawh a awm. Chutiang hunah chuan mahni chauh paw'n awm ila, thiam loh kan inchantir lo thei lo va, mihring rilru chapo tak hi amah leh amah a indem vak ch^ng a awm. Mahse, chu chu a pawi ber dawn em ni? Dik leh ṭha, tling leh thei nia inngai lui tlatte laka kan hl>p hlu tak chu mahni thiam loh inchantirna hi a ni ve tlat!

Mahni thiam lohna hi pawm fo lo ila, mihringte hian ramsa nun pawh kan pha ng<t emaw chu! Kan tihsual aṭang hian a ni lo'm ni, ti dik tura kan thawh leh ṭhin ni!?

Engpawh ni se, keimahni thiam loh vang ni chuang lo va, vanduaina leh chhiatnain min man chang a lo awm a. Thihna leh ch^nna karah mahni thiam loh inchantirna thlarau thawk na zetin min han nuai tel a. Kan thunun phak bak piah lam aṭanga min thununtu, rilru so liam phut te; tisa ch^kna leh taksa duhzawng thil vang tein a ch^ng chuan rilru leh tisa chetna kawngah thiam loh min chantir theitu a rawn thleng indawt zut a, mi dangina min kawh rawn pawh ngai hauh lo hian thiam lo kan inti veng veng ṭhin a nih hi a!

Chirha vawk inbual ang maiin kan nuna thiam loh chantirtu lo thleng ṭhin chu tenawm leh hnawksak kan ti a, tui-a silin a fai zo chuang si lo! Mahse zam tur kan ni bik em ni? Ṭha ni-a inhriate pawh an hawi valh valh ngam chuan, ṭha ve lo nia inhriate chu nakin khawvel tana chhenfakawm kan ni zawk daih a ni lo'm ni?

Nia, kan ṭhat lohna leh chak lohna zawnah chiah hian kan ding ang a, chuta ṭang chuan hma lamah ke kan pen chhuak ang! Hun thununtu ni lo mah ila, hun hmangtu kan ni miau a, hun kal tawha dik lo leh ṭha lo te hru fai tur chuan keimahni hi kan ṭha ber! Kan nuna thiam loh chantirtu laka inchhandam thei tura Siamtu'n a duan kan ni a, mahni harsatna sukiang duak thei tur khawpa chaka din kan ni. Hriak thih mihring kan ni e!

'Hringnun chu chona a ni a, hmachhawn rawh' tih ṭawngkam hi thu mawi satliah leh banga tar tura tute'n emaw thumal an remkhawm satliah a ni lo. Min chotu an awm a, kan cho ve a ngai a lo nih hi! Mahni kan induhkhawp ta lo deuh a nih leh, ralvenpui tur ṭhian ṭha kan thlang mai a ni ang chu.

Thudikin kan nunah ro a rel phawt chuan, chu thu dik chuan zalenna min la pe em em ang.

Thlarau lam aṭanga inkaihhruaina lam chu, mi ^ nileng lo tan inzawnchawp a har lo. Tisa lamah thung chuan mahni leh mahni infuih a, infiah a, infak chawp te pawh a ngai ni hian a lang a. Hun kal tawh avanga kan nun sah^l leh sehhel thlan daihna hmun chu keimahni-ah a awm tawh sa reng a, a harh hmasaah kan ṭan a ṭul ni-te hian ka hre ve khanglang ṭhin.

Engpawh ni se, nangmah lo mi dang ngaihdam tur mihring i nei a nih ngai chuan, har viau mah se, han ngaidam chhin teh, nun kawng dik i zawh ṭan dawn tih i inhre nghal ang. Chutiang bawkin, mi dang kan ngaidam ṭhin ang bawk hian mahni pawh kan inngaidam ve ṭhin tur a lo ni.

He khawvel upa tawh takah hian michak leh mi ropui te, lal tam tak te an lo piang tawh. Mahse chu'ng zinga hriat rengtlak erawh chu vawiinah hian mi tam an awm dawn em ni? Mi chapote chu khawvelin a chhe zawngin a hre reng ṭhin a, mi pamhamte sulhnu chu thlanmualah a tawp ṭhin. Mi dikte chu an kalkawng a bumboh va, an thlarau erawh a hahdam a, mite thinlungah thu an sawi zel ṭhin a nih hi.

Hriat rengtlak mi dik zinga hmeichhe pakhat ka hrechhuak ṭhin. Mipa fa-in lawm an hlawh bik ṭhinna khawvelah hian hmeichhe tan 'chance' a chhiat tehlul vei nen, ka hmeichhe hriat zinga pakhat chuan chungchuang bikte chuanna bu, Guinness Book of Records-a a hming chuang v^ng tawh chu thaichhiat leh pawh pawiti hlek lovin 'sual puanna' thianghlim leh duhawm a chhak chhuak mauh pek a, ka mi ṭan zawng tak a ni.

Chu nu chu i lo chhinchhiah ru ve kar maithei e, a hming chu Ffyona Campbell a ni.

Khawvela mi thei leh tling te hming lanna, Guinness Book of Records-ah a hming thailanin a awm ve zawk a, eng chanchinbu k^wm emaw-te chu a lo mawi hman ve hial tawh mahna! Mahse chawhlui kilpui duhtu a ngah zawh poh leh inkiltawihna a nei tam ting a ni ta mai a. Inchung s^nga khuang ^l ^l thei tura ngaih a nih laiin, inhnuai thim zinga vaivut thai mai mai pawh a hnial ta lo va, ropuia an ngaih vanglai takin a ropui lohzia a inpuang ta a ni.

Nia, Ffyona Campbell chu hmeichhe zinga ke-a khawvel hel chhuak hmasa ber anga ziah luh ṭhin a ni. Mahse chawimawina te, ropuina te leh hmingthanna te'n an hual vel karah Campbell-i chuan a nihna dik a inhre tlat mai a, tu ma'n a nihna dik chu puangchhuak dawn lo mah se, nuam a ti chuang si lo. Ke-a khawvel a h>l laiin fa a pai a, a fa pai vangin mel 25 chu ke-a kal lovin, truck-ah a chuang a, a tlawh leh tur khaw tawp ber thlen hmain ke-in a kal leh ta chauh a ni tih te chu tu ma'n hre dawn lo mah se, ama'n a hre miau a, thiam a inchantir theih tak tlat si loh avangin a inpuang ta a ni.

Chutichuan, ke hlira kal a nih loh thu a puan hnuin World Record bu-ah a hming chu thaichhiat a lo ni ta a. A hmingthanna ber chu thai bovin a awm a, mi tam takin 'bumtu' tiin an ko ngei bawk ang. Mahse tu ma'n Campbell-i chu an hmusit zui thei tak tak ngai lo va, a zalenna chu a chhungrila dikna leh tlakchhiat a hlauh ve lohna chuan a tihausa tlat si a ni.

Keini pawh hi, kan hun kal tawha thiam loh min chantir theitu a awm a nih chuan Campbell-i nun aṭang hian harhna chang tur kan ni! Hun kal tawh theihnghilh tumna aiin hun kal tawha kan tihsualah thiam inchantir lovin, thiltih leh nun hmangin thiam kan chan theihna tur zawng ila, thawk ila, harhna chu a lo thleng ang.

Thil ṭha leh dik hi a taka hman a nih dawn chinah chiah hian tlanchhiatna kawng zawn a awl ṭhin a, kan sawi tur tak leh nih dan tur dik taka kan nun dawn chiah hian harsatna a lo thleng ṭhin. Mahse thiam chang tura pawimawh - mahni kan inhrechhuak fo ang a, nun phurrit hrehawmna chhawm zui zel kan tum bik dawn em ni?

An sawi ṭhin kha... Chhiah pekna pisa pakhatah chuan mi pakhatin lehkha ip a thawn a, heti hian a ziak:

"He ka pawisa rawn thawn hi ka bat a ni. Ka pawisa b^ vang hian ka mu thei lo va, ka la mu thei lo zel a nih chuan ka bat chanve dang ka rawn thawn leh ang che," tiin.

Mut theih loh chhan leh ba tl^k thu hi ngaihtuah zawm ila, kan mutna khum aṭang hian harh hlawl hlawm tehreng ila...