Luikamah mittui

A khuhhawnna: May thla khaw thian lai a ni. Chawhnu lam a ni tawh a, St. Anne thingtlang khua chu ngainatawm tak hian Ni-in a chhun sa iar a. Khaw dai maia luang, luite kiangah chuan nula tuaitir, kum 20 mi leh tlangval kum 26 mi hi an ṭhudun a. Chu luite kianga an lenna lama inchharchawp mai chu an ni. A hmeichhia zawk chu khawpui lam mi a ni a, a mipa erawh chu St. Anne khuaa cheng chu a ni a.

Intawn vawi khatna

Hmeichhia chu khawpui nula tih takah, tleirawl nun tem zo hlim hlawl a la ni bawk nen, a zalen halh mai a. Han lenvah a, engmah ngaihtuah lem lova teihawi mai maite chu a nuam tihzawng a ni. A mipa zawk erawh chuan mahni chauha awm a, zik huai huaina piah lama khawhar taka nun hman rek rek chu a nuam tihzawng a ni thung. Chu St. Anne luite kiangah chuan khawvela mize inang lo ber mai pahnihte chu an inchhardun mauh mai thung si! An zia leh engkimah chuan mi hrang hlauh an ni.

An inhmuh hmasak ber ṭum chuan, a hmeichhia zawk chuan, "Hi!" tiin a tlangval hriat ngai lohva chu a'n bia a. Chu nula chu nu t> lam, a kum aia lang naupang zawk mah hi a ni. Hmai d^ng l>pt> hi a ni a, a mitmeng erawh a fiah k^k thung a. Savuna siam lukhum buang paw thek hi a khum a, a inhmeh reuh hle a.

A mipa zawk erawh chu nelawm tehchiam pawha lang lo, hmel pawh ṭha lem lo tak hi a ni. Luikama theihai kung nghengin a ṭhu a, a nghakuai chiahah chiah chuan a rilru a pe a, a bula nulain tlangnel taka ‘Hi!’ a rawn tih pawh chuan a hawichhuak chuang lo. Nula chu en pawh en hlei lo hian, "Ello" tiin a lo chhanglet ve hram a, a nghakuai chauh chu a buaipui a.

Chu khawpui nula tuaitirt>-i chuan a pawisa chuang hlek lo. Tlangval, senior lam hnaih ve ṭan tawh bulah chuan a han ṭhu ve nghal mai a. A ṭhut fel vek tawh hnuah, "Lo ṭhut ve i phal em?" a'n ti mawihnai leh hnuhnawh a. Tlangval chuan en pawh la en chuang lo hian, "I ṭhu reng tawh chu ania lawm," a lo ti leh hmuk a. Nula chuan a hmui a'n tis^wi-pawn a, a dar han thin deuh n^ n^ pah chuan, "Gessana ka nia," a'n ti a; chutah, "Tu nge i hming ve?" a'n tih zawm leh zat a.

"Arthur"

Hming chu an inhrepawp ta phawt. Mahse inbiak zui a awm chuang lo. Ngawi rengin an ṭhudun ta tlawk tlawk a, pakhatin a nghakuai chiah lai mawlh mai chu a buaipui a, pakhat chuan a lo enpui ve veng veng bawk a.

Nula tuaino chuan tuiah chuan ngawi rengin lungt> a vawm lut leh keuh ṭhin a. A chang leh, theihai kung bulah chuan a hawi a hawi a, rei ngial chutiang chuan inbe lovin an ṭhudun a ni. Nakinah chuan a hmeichhia zawk bawk chu a ṭawngchhuak hmasaah a han ṭang leh a: haw a duh thu leh, a unaunu'n a lo ngaihtuah lutuk ang a, a lo zawng leh chiam palh ang tih a hlauh thu te chu a’n sawi luam a. A tho va, tlangval chuan ṭawngkam ṭha paw’n a thlah chuang hlei lo va.

Intawn vawi hniha

A tuk tlai a lo thleng leh ta. Luite kiangah bawk chuan tumlawk sa awm chuang hauh lovin an inhmu leh a. A ngait> bawkin a hmeichhia zawk chuan bul a ṭan hmasa leh a - "Hi! Ka lo ṭhu ve leh dawn aw, i phal em?" a'n ti leh a, a nui sen sen reng a. Tlangval chuan, "Phal e," a lo ti sam leh mai a, lo biak zawm pawh a tum leh ta chuang lo.

Chumi ni tlai chuan, nula tuaitirt>-i chuan thawmhnaw eng lam hi a inbel a, amah a ngo bawk nen, a lang tuihnai kher mai. Mahse a thawmhnaw chuan hmeichhe derthawng tak, dimdawi ngai a nihzia a pholang tel thung a, chu erawh chu a duhawmna hailangtu pawh a ni tel tho a.

Tlangnel takin theihai kung bulah chuan ṭhuthmun a’n rem ve leh nghal sat sat a. A lam lo hawi zawk pahin tlangval chuan, "Khaw'nge i chen ve?" tiin a’n lo be ve khiah a. Nula chu a nui seih a.

"Ka unaunu (cousin) Keanne-i'n a bula nipui chawlh hmang turin min rawn chah a, hei ka rawn zin khawthawng mai mai a ni."

Tlangval chuan engmah a sawi zui lo, an ngawi leh ta reng a.

Rei tawk fang inbe lova an ṭhut hnuah Gessana bawk chu a ṭawng hmasaah a ṭang leh ta a. "He'ng lai ram hi nuam ka tih zawng tak a ni. Luit> te, ramngaw dai reih mai te hi..," a ti a, a sawi zawh chuan theihai kung nghengin a maimitchhing siar siar a, theihai rim chu a han hip vang vang a, nui hmel hi a pu s>ng reng mai bawk a.

A maimitchhin lai chuan tlangval chuan a lo thlek zauh hman a, a men leh hmain luite lam chu a thlir leh thuai a. Bung deuh hmuk hian, "Chu'ng zawng chu maw nuam i tih?" a han ti nghut a.

Nula chu a lo meng a. "Hmmm..., a nuam vel vek mai. Chawlh hman nana duhthusam a ni. He theihai kung ti deuh hruap mai te, phul hring dep mai te hian awm a tinuam hranpa ve tlat a ni. Kan ṭhutna lungpui sa veng vengte pawh hian lung an len vel vek tho mai - engkim hian!"

"Chu, khuarel thil ngaina mi i ni maw?"

"Hmmm... ni tho mai. Nang?" tih pahin nula chuan a bula tlangval chu a'n thlek zauh a. Tlangval chuan a lu lo thin pahin, "Han ngainat tehchiam hi ka nei ve hran lo," a lo ti sup a.

"Ngainat engmah i nei lova maw!?"

A ngait> bawkin, chhanna engmah a dawng lo.

Gessana chuan a dar a han chhin ^k a, "Hmmm..., thil mak danglam tak a nih chu mawle!" a'n ti a, a nuichhuak ta hak a. "Ka ngaihdan chuan, mihring hi amahah a cheng nasa ṭhinin ka hria. Mawina, hlimna, chakna leh khawharna thleng hian. Lungngaihnate pawh a ni ang. Hetiang nun hi mihringah a thleng reng reng a nih hi," a'n ti deuh duah a.

Chu hmeichhe 'ngaihdan' chuan kori a tu ta viau thung. A ngaihdan a sawichhuah hnu chuan bul an ṭan ta... Titi dun hleithei lo kha an nuidun a, an inkawm a, thu ho tak takte an sawi a, a chang chuan thu pui tham angreng f> te pawh an sawi a, an inkawm nel ta khawp mai a.

Buaithlak riau chu, a mipa zawk chuan a hun kal tawha a nun fuh lo lai a hre ran reng mai chu a ni. Mahse Gessana-i nena an han intawn achinah chuan, an inkawm chhung rei lot>-ah pawh a nunkhua chu a >ng sawt sawt hian a hria a. Nipui a liam ang a, a ṭhiannu thar chuan chawlhkar hnih khat hnu maiah khawpui lamah a hawsan ang a, a khawvel chu a hma ang bawkin a thimzawng bawkin a thlir leh dawn tih erawh a inhre kar a.

Chu'ng thute chu theihai kung bulah chuan an sawidun siam siam a.

Nula chuan, "A tak a lo thlen hma chuan eng thil mah hi lungkham hah duh suh," tih pahin a ṭhianpa kutah chuan a chelh a, "Engtikah emaw la fuh lo leh dawn tlata i inhriat chuan nun hi i ch^n reng mai dawn asin. Nangmah ringawt i inngaihtuah ngut ngut reng mai chuan hmangaihna pawhin a chhun tlang zo lovang che ang a, i nunah mi pawimawh bik pawh an awm thei nang. I suangtuahna tuh-rah hi a chanve chauh pawh i phur zo dawn em ni? Buaina hi chu mihring nuna thleng ve reng reng a ni a, tuma'n kan dang thei lo. Kan hmangaihte kan ch^n a ṭul fo a; kan damlo thei a, mi zawng zawngin min kalsan vek thei bawk. Chu chu thil danglam pawh a ni lo. Naktukah hian eng'e lo thleng dawn kan hre lo va, mahse vawiin kan hmang mek a, vawiinah hian hlim mai ila, vawiin hun tawit> chauh tal pawh min la pek avangin Pathian hnenah lawmthu sawiin, nun hi a rei loh ang hu-in, hlawk takin kan hmang mai dawn a ni," a ti a.

A thusawi laia a kut han vai vel leh che vel hrim hrima chu a hmuhnawm nek mai. Arthur chuan ngawi rengin a lo ngaithla a, chhîn suar suar pah hian, "A dik viau mai," a lo ti ve sup a.

A tlai lu ta!

Chutia chhungril nun thlenga an inkawm hnu-ah chuan duh loh dan angin thil a danglam ta tlat mai. A tuk chawhma lamah Arthur chuan a thawmhnaw dahna vel a tihfaina lamah a bialnu hlui thlalak hi a hai chhuak a. Hm^n deuh kha chuan a bialnu nen khawvel hi hlim takin an lo chheih perdun ve tawh a, a bialnu chu inneihpuiah-te hial pawh a lo sawm chamchi tawh a. A rilru zawng zawng, a thlarau zawng zawng leh mipa-in hmeichhia a hriatthiam theihna sang berin a hmangaih a. A zah bawk. Mahse a bialnu chuan thingtlang tlangval satliah mai pasala neih chu a lo tum ve hlek lo mai hi a lo ni a. Thingtlang nun tlanchhiatsanin, lam-hlaah a liamsan ta daih mai a, loh theih lohvin an inṭhen a ngai ta a ni.

Chuta a bialnu rilru a hriat aṭang chuan, chu tlangval rilru pawh chu chhak leh thlang zawngin a inlet ve ta thawk mai a. Khawvel hi kh^kna leh elrelna tinrenga khat niin a hria a; chu an thlalak hlui a han hmuh leh t^kah phei chuan, luipui tui chak taka a luang ang mai hian a nunah chuan thinurna leh thikna hi a invaw alh leh ta hlup hlup mai a, tlai lama a nula chhar thar nena an thusawite chuan awmzia reng reng a nei leh ta lo.

Arthur chuan khawvel hi thimna leh thîkna nen a thlir leh tak avangin a eng tih tha mah a tho thei ta lo va, luit> pawh a thleng peih ta lo...

Gessana erawh chuan luit> chu a tlawh tlai tin a. A ṭhianpa chu nghakin, a lo lan ve hun a lo thlir reng ṭhin a. Darkar engemawzah chu luit> kam theihai kung bulah chuan a ding ṭhin a, ni tlak rualte'n a haw leh ṭhin a. Mahse a nghak thlawn ngun ta... Thimin khawvel a tuam hnuah, lui kam aṭang chuan in lam panin a haw leh hnang hnang ṭhin a; mahse beidawng duh chuang hauh lovin tlai tin chu hmun chu a pan ziah tho va, nipui hun a liam hma chuan a tlai tin dan chu a bansan duh chuang lo - a thinlunga nipui lo thaw ṭan mek chu a hai si lo va.

Ni a ral a, thla a ral a, nipui hun chu a liam ta. Septem­ber thla a lo her chhuak leh ta vu vu mai. Gessana erawh, chu luikamah chuan hmuh tur a awm ngai ta lo...

Nipui hun chu liam tawh mah se, Arthur chuan a ṭhiani chu hmuh leh mawlh hi a chak ṭhin a, eng vangin nge a hmuh theih lai khan a lo tawmbosan kher kher ni...?

Ni khat chu Gessana-i unaunu Keanne-i in chu a va zawngchhuak ta ngat a. Mawihnaiah thu han pehhel vel pawh a tum hran lo. Ngenngawl tak hian, "Khawiah nge i unaunu kha a chen?" a han ti tawl mai a, Keanne-i chuan a lo chang thei mai lo: ngawi rengin, ngui takin lo melh tlawk tlawk ringawt a. Chut> pawh chu tlangval chuan a nghak thei tawh si lo - "Khawngaihin a chenna chu min hrilh lul teh?" tiin a tur sek sek a. Keanne-i chu a insum thei lo, a ṭapchhuak ta hawk a...

“Gessana-i chu Vanramah a awm tawh!”

Arthur chu a tho awk a, mahse Gessana chu thi turah a dah phal chuang lo. Keanne-i chu a han

ṭhut hnaih leh a, "Khawngaihin. Hmuh ka duh a ni. Ngaihdam dil ka duh takzet si a," a han ti leh a. Mahse Keanne-i chuan a lu a lo thing mai a, a biangah chuan a dana dan sen rual lohvin mittui a lo luang tla ngiai ngiai a, ṭap ṭuau chung hian, "Gessana chu a thi tawh a ni! Chawlhkar hnih vel kal ta khan a thi ta... Thling cancer a vei a, amah pawh a d^n l>p ṭhin kha... Nangmah i in-en tlat ṭhin avangin, a duh angin in inkawm thei ta lo a ni..." a ti a, Arthur chuan sawi tur leh tih tur r>ng a hre ta lo...

Luikamah khan a va kal leh ṭhin a, ngawi rengin a ṭhu a; May thla kha a ngai ngawih ngawih a, kohkir theih a ni tawh si lo!

Theihai kung bulah chuan a mittui a hru fo va, mahse a muttui chuan thlankhur ata Gessana-i chu a ko chhuak zo tawh si lo!

Nula tuaitir-t>reuh-i, zalen taka ṭawng siam siam ṭhin, Gessana-i khan an St. Anne ṭh^lkhaw tlai ni tla tur lenkawl >ng riai hnuaiah khan eng thu nge a sawi ṭhin kha -

"Tun hi Pathianin min pek a nih avangin hlut hle la, hlimpui ringawt mai teh. Tun bak hi eng thil dang mah kan nei si lo va."