Rip chhung leh rap in chhung

A khuhhawnna : Thi tlak hial khawpa a chungthu rel ngai khawpin pawi a lo khawih ta a, dan rorelna hmaah chuan pianthar vanga inchhuah zalen ngawt theih a ni tawh lo. Mihring zinga dam ve tlak lo tur khawpa a pawikhawihna sual chuan a hun hmain mitthi khuaah a nawr liam dawn ta! Suahsualna chimawm tak nen chuan engti ang takin nge an lo thawhdun tawh tih hre lo tan chuan chu pa chu mi khawngaihthlak tawpkh^wk a ni ang.

Thi tur taksa chu tan in rip chhungah thirpalin an hung hnan a. Mahse thinlunga zalenna chu lak bosak theih a ni lo. Suangtuahna khawvel leh mitthla chu danin engti zawng mahin a khapbet thei lo va, khawvela mi sual ber pawh ni se la, a thinlung zalenna chu rip chhung thim thil tihtheihna-ina a hmehbeh zawh rual a ni lo.

A mit chu puanin tuamhnan mah se la, a mitthla chu tu'nge tuam phui thei ang? A kut leh ke chu phuar behin awm mah se la, tu'nge a suangtuah rama a chetvelna chu d^l zo ang? Rip chhunga a neihchhun, a ngaihtuahna zalen tak mai chuan a t^nna lung bang chhah tak chu a thlawhchhuahsan vawn vawn a; hla taka a zalen hun lo thlirtu, a nupui duat lai, Mary hmel chuan chhehvel boruak chu a tuam a... Khawpui hulum laia in ropui tak takte chu a tlan pel a, hmun hmingthang leh nuam tak takte chu a melh hman lo. Khawpui daif>ma sasaw thing a mal dinna, kawngpui sir phaitual hnim a ṭo buk leihna bula r^p in tlawm t> chu a pan a, chu hmun chu he lei a chhuahsan hmaa a tlawh ch^k ber hmun; a inchhir nawn leh tawh ngai lohna tura hmuh a duh ngawih ngawih chu a ni.

Lung in motor rum thawm leh a ding tur han chîk ri tuarh tuarh thawmah chuan a chhungte chu an lo tlan chhuak a. Chutih lai chuan an kawta phaitual hnimte chawr buk ṭha deuh tawhte chu thlifim rualin an thle nghial nghial a, khaw awm dan chu ngaihṭhatthlak loh zawk khawp hian a ngawi duk a, reh ri mai lo chu thawm dang hriat tur a awm lo. Mary chuan ringhlel tak chungin a rawn pan a, a hnungah chuan a nu leh pa chu an rawn inhawl phei ve saih saih bawk a... an suangtuahnaah pawha thleng thei tawh ngai lo tura an ngaih chu tunah hian a takin a lo thleng mek a ni si....

Ni lo, an suangtuah ram chu a takin a thleng thei lo! Z>ldin khawvel mai a ni hei hi chu. A tak ram khawvelah chuan eng thil danglam mah a thleng lo. Khawpui daif>ma an r^p in ngainatawm tak chu boruak mai a ni a, Mary leh a nu leh pa hmel chu rip chhung thim rup mai chuan a nuai bo a, a tak rama a khawvelah chuan zalen boruak rim a nam ve lo va, van dumpawl leh phul hnim ṭo buk leih lam pawh a ni lo, ai-mit-thlawn khawvel leh thawpikna ram a ni.

Engkim mai hi a thlirtu leh a taka ch>ntu mit aṭanga teh fel phawt loh chuan thutlukna felfai siam mai theih a ni ngai lo. Hunte pawh hi ṭhenkhat tan chuan khawvel tilunglenthlaktu ber pawh a ni thei ang a, ṭhenkhat tan chuan hringnun tiṭihbaiawmtu kumhlun a ni thei bawk ang. Chawimawina lallukhum khum turte tan chuan mitkhapk^r hun pawh hi chatuan daih deuhthaw khawpin a rei duh fuat fuat viau ang a, khaihlumna dawhsan pan mektu tan erawh chuan hun hi sava, a bawm aṭanga chhuah ang maia thlawk liam duak duak ang a ni ngei ang.

He kan mihring-a pawh hian khawvelah hun tam a nei tawh lo tih a inhria a, sana b^nte hi a vir kual puat puat ni maiin a hre tawh a. A neihchhun - mitthla leh suangtuahna hmangin vawi engemawzah an inah chuan a thlawk kir fo a, an r^p in tlawm taka a hmanlai nunte kha tuibur hmuam d^k chhung ringawt paw'n a bu vawi engemawzah a l>t chhuak hman a. Hmana sikul naupang, ipte ak hnek hnek ṭhin hmelte kha chiang em emin a mitthlaah chuan a rawn lang zawk zawk a; an kawt phul chunga a unaute nen khawdur leh ni tla tur pawisa hlek lova an tal tawp tawp laite kha hun leh nunin chatuan atan a nuai bo hlen tawh dawn tih a hria.

An in kha... nia, kha in tlawm tak kha atan chuan khawvela kulh ropui ber a ni a, he leia hmun nuam ber a ni. Mipa naupang khan zan thimah hlauh a neih chang chuan a chak thei ang berin an in lam pan khan a tlan haw vang vang a, an in a lo lan d>k d>k tawh chinah kha chuan a thla a muang siai siai a, a hlauhnate kha phurrit inchhawksak ang maiin a tla duak ṭhin.

Lungchhe vankaia a pan ṭhin an in chu thinrim engphiara chhuahsan ch^ng nei fo mah se, in dang a awm chuang lo. Kha inah khan ruahpuivan^wn leh thlipui te, ni sa leh engkim a lo tuar dai tawh a. In ropui tak tak leh nuam tak takahte chuan lawilutin, a thla tel teh meuh pawh ch^mb^n ch^ng nei ṭhin mah se, an in, a pa kutchhuak ngei lo kha chu 'in' dang reng reng a awm lo. Nat leh lungngaih tuar se, hlim leh lawm ni neih ch^ng lo thleng se, a pan hmasak ber leh a hriat chhuah hmasak fo chu an in kha a ni. A dam chhung nun chu ṭulna vangin an in aṭanga mel engemawzah danah hmang mah se, he khawvel chhuahsan hlen tura thlanmual kawng a zawh hmaa a ruangin luah se a tih chu an in kha a ni a, dammawh hritlan a neih ilo ch^ng paw'n an in bawk kha a ngai ṭhin.

An in kha atan chuan khawvel lai tak a ni. Kha in aṭang khan khawvel hi a teh a, kha in aṭang khan nun hi a thlir a, kha in aṭang khan hun hi a teh ṭhin.

Ṭhenawm an neih chhan chu in an neih vang kha a ni miau a. Ṭhenawm pawh nei pha lo khawpin in an nei zo lovang tih a ngaihtuah pha lo pawh a ni maithei. Mahse... ṭhenawm inah chuan khawvel thil ropui tak tak insulpel zet zut mah se, mi ropui tak tak chuangkaiin, thawm hlimawm tak tak chhuah fo mah se, an in tluka ropui leh nuam a hre chuang lo va, an in tluka ngaihhlut tur thil dang a hmu chuang lo. An in a nih loh chuan, hmun dang reng reng chu nuam leh hlimawm pawh ni mah se, a mikhualna hmun a ni tih a hrechhuak fo a. Hotel man to-a khum nuam taka ai chuan an ina ama khum ngei maiah khan mumang neih nuam a ti zawk fo a. Fak derna leh chawimawina hmun ai chuan an chhungkuaa inhaw hlen leh tawh chuang lo tura an inhnial laih laih ṭhin laite kha nuam a ti zawk tlat.

An inah khan mihring kutchhuak ropui hmuh tur a awm lo. Mahse chuti chung chung pawh chuan in ropui tam tak, mihring kutchhuak man to tak takin a luah chhunga ch>ng chhungkaw tam tak nun chu a awt thei lo. Pawn lama nun nuam hmel tak, chhung lama hremhmun rim nam tlat te; chhungkuaa awmkhawm ch^ng pawha inmelh de kar reng mai te; nuihho chu sawi loh, ṭawngkam bak kha hlaka inchh^ng tuk zan tin mai te; indona meipui inmung mek ang hrima boruak i-pik tak maiin a z^rhnan hlup hlup ṭhin te chu a engti zawng mahin a awt thei lo. Innghawk sawk sawk chunga ar bawp khelna in ai chuan, hlim taka fian inkhak rik rak rakna dawhkan a, h^k lek lek khawpa nui chunga antui h^ng dai dek hawp hliam hliamte chu mihring kan nih chhunga chhenfakawm ber mai niin a hria a, a tan chuan an kawtkaia phaitual hnimte chu, a vah bo hlat zawh poh leh a hlut a zual ṭhin.

Chuti taka mahni in ngainatu chuan ama duhthu ngeiin a nunna chu thihna nena thlengpui ngam khawpin pawi a lo khawih ta a, danin dik taka ro a relna hnuaiah chuan dam tlak a ni lo. A tanna rip chhung aṭanga an in tlawm tak a mitthla reng lai leh, thinlunga an in pan a, a chhungte hnena mangṭha hnuhnung a hlan mawlh mawlh lai chuan, a tak ram lamah chuan amah hruaitu turte chuan a tanna kawngkhar chu an rawn hawng rik rak rak a, tunah chuan an in lam panin a ke a pen leh tawh ngai dawn ta lo...

Vengtute chuan an mi t^ng pa chu khawi hmunah nge an kalpui tak? Mipui hriatah puanzar a ni ta ngai lo... Mahse khawpui daif>ma r^p in kawta thingkung ro tawh tak, in a din hma pawha khawvel boruak inlumlet vawi engemawzah lo tuar khawchhuak tawh; chu sasaw thingkung tar tawh tak bulah chuan thlan v<ng thar a awm a. Phaitual hnim, r^p in leh sasaw zingah chuan zalen kumkhua tawh turin lei daiah mihring pakhat a mu a, chu pa chuan a in leh a chhehvel chu a kalsan tawh ngai lo vang.