Aw, ka nunna, engah nge i kun reng ni?

A khuhhawnna: Banga hunbi chhiarna pahnih - calendar leh sana te hi chu mitthi tawh thlalak en nawn leh theih ang chauh hi an ni a. A hmangtu azirin an pawimawhna chu th<ka pawnlang mai mai chauh a ni. Ni, thla leh arsi aṭangin hunbite hi chhiar bawk ṭhin mah i la, chumi thlir lo chuan nun hi lirthei ang maiin a tlan pur pur thei tho a, mihring hian a mihrinna liam hnu leh lo la thar leh tur a thlirna chu khawi aṭangin nge a teh ber hriat theih a ni lo va, ka thisen zawmpui ngei leh khawvela ka hmangaih ber pawh hi amaha a hunbi chu ka chhiarpui theih leh hriatsak theih a ni si lo.

Hetah hian beidawngin, kaikunin, nun ṭhingṭhi tlawk tlawkin khawhar takin hun kan hmang fo a. Kan chhehvelah mi dangte chu lo tualchai mup mup mah se, mi tam tak zingah mal ngawih ngawihin kan tl^ a. Kan sulhnu leh hlimthla, ral hlen chatuan tawh tura kan ngaih tam tak chuan min rawn ṭhawng thar leh a. Mi thinlunga riak ve ta lo leh zan khatt> pawh cham eih si lo-te kha keiniah thung chuan mikhual kawnkaw, haw-na tur nei tawh lo ang hrimin a rawn cham nghet tlut a. Mite mithmuha kan tih sual leh nih sual te, tawh sual leh sual tawhna ang zawng zawngte kha tuifinriat angin a rawn fawn ko bur bur a, mahni mai pawhin kan zak tlawk tlawk a, kan tuar ngawt ngawt a, khaw >ng hi kan zah ngawih ngawih a, khawvel tlansana thangbo-na tur ram ṭha zawk kan hre chuang si lo.

Mumang ang ruaiin kan khawvel kan chen a, keimahni ngei ngeia pawh chu minung dam kan la nih ve leh ve loh pawh kan inhriatchian ngam tawh loh chinah chuan nunna hian hlutna neiin kan hre lo thuai a, beidawnna khuarkhurum mawng nei lovah te, khawvel letliama leilawtah te liam hlen tawh mai i la kan ti rum rum a. Chuti ang hunah chuan min hrethiam an v^ng pharh a, puihna kan dawng kh^t pharh a, mahni pawh misual chhelailet dera inngaih tawh hnu ahmanah, mite'na kan sualna an han phawrh leh mawlh ṭhinte hi asin, a nat dan a namailo va, thlarau inbeihna ruamah pawh a rapthlak ber ang hialah a ngaih theih ang chu!

Chu khawvel kil tawp leh kilkhawr ber mai chu >ng-in a chhun pawp zo ve ang em? Chu puk thim, b^k chhiate paw'na tawmna tlaka an ngaih loh hial tura nun thim chu tu nge hmuhfiahsak a, pan a, puibawm fo thei ang? Beidawnna leh ngawltawtna-ina a bawhbeh tawh chu mi tan hnawksak leh mi hahthlak nihna kawng khat a lo ni a, an lak aṭanga inthliarfihlim thei apiangin nihlawh an inti emaw a ni zawk ang.

Mahse, engah nge kan nunna hi mitthi vui ni tlai lam ni tla tur ang hrima a ngui reng nachhan tur ni bik ang? K^wlin a liampui hlen theih hi khawvelah a herchhuak thei tak tak dawn chuang em ni? Thlan khur chu a thuk thim poh leh arsi a lang chiang an ti a ni lo'm ni? Arsi eng hnuaia kan la thawk ve ṭek ṭek chhung hi chuan keimahnia 'zahna kawn' te chu chil pherh i la, tlang bawm romei anga sual khat liam ber anga min hriattirtu ngaihtuahnate chu hawisan liam mai i la, engah nge mi put duh loh thingtum chu kan put luih bik ṭauh ṭauhna tur?

Ni e, nun hi a tlan reng a, hetia kan nun ve chhung hian lungawi chang leh duhkhawp loh chang te, hlim ni leh lungngaih ni te, hlawhchham lai leh hlawhtlin ṭum te a thleng reng reng a, chu chu kan tawn tur ve renga Siamtu duan a ni zawk si.

A eng a mah hi kan nunah hian bet hlen a awm dawn lo tih hriatna hian min tiharh nawn ṭhin teh se. Kan inngaih dan ang angin kan chhungrilah thil hi a lo tla ta mai niin a lang. Kan ngaihtuahna hian keimahni a pholang a. Kan insawi ang hi kan ni mai lo va, kan thiltih hi keimahni chu kan ni. Keimahni taktaka hi phurrit leh thil phurawmah te, lungngaihna leh hlimnaah te, hlawhchhamna leh hlawhtlinna kan tawn changte hian a lan ṭhin avangin keimahni zawka hi zinga kan tho leh ṭhin ang hian thar leh ṭhin teh se!

Kan nuna thil lo thleng tam zawk hi kan chochhuah a ni a. A >ngzawnga kan ngaihtuah chuan thil ṭha kan chochhuak nge nge a, a thimzawnga kan ngaihtuah tlat chuan min delh rittu thil a lo thleng mai ṭhin a nih hi.

Ngaihtuahna, rilruin a pawm danah leh kan thiltihte hi an inkhaidiat chhuak vek a. Indona, inhuatna, thikthu, itsikna leh elrelna thinlung pu tlat mi thinlungah remna leh muanna a thleng ngai lo. Engto reng reng leh hlauthawng reng renga awm a, lungngaihna leh sawiselna, huatna leh demna nen ringawta kan khah chhung chuan hlimna hian min rawn pan chai lo vang!

Hetia nun kan hmang bek bek chhung hian kan chhehvela thil lo thlengte hi kan nunah kan seng lut zel a, chu chuan kan ngaihtuahna pawh a thunun thuai a, kan ngaihdan pawh a thlakthleng

ṭhin. Kan chhehvel thilte chu mihringina kan siam ṭheuh hi a ni a, mi dang hi kan nunah an bet tlat a, mi pangngai chin chuan mi mitmei pawh kan veng a nih r>ng hi. Amaherawhchu, chuti chung chung pawh chuan keimahni siamtu erawh chu keimahni bawk kan ni tih intheihnghilh lo tlang i la, kan lo tih sual tawh kha alawm le, kan tih ṭhatna tur zawk chu! Kan 'point' hmuhna tur hi kan hai fo zawk a ni!

Mihring leh mihring kara thil pawimawh chu inzahderna hi a ni. Keimahnia awm ang ang kan rik chhuahpui phawng phawng hian engti ang takin nge mi dang nun a khawih dawn tih kan ngaihtuah tlan a ngai a, he leiah hian vanram leh hremhmun chu kan siam ve thei a. Chumi siam tur chuan tumah hi ruat bik kan awm chuang lo va, keimahni ṭheuh hi a mawhphurtu leh mawhpuh tura chu kan ni. Mi dang nun hlim leh hlim lovah hian mawh kan phur fo a, kan thinurna hup bet tur hian keimahni'n mawh kan phur tel bawk.

Engkim hi rilru aṭanga lo p<t chhuak a ni a. Mi ngainatawm tak ṭheuh kan ni. Mahni leh mahni hi inchawkphur fo i la, kan thlarau nunte pawh tuaitharin, ngaihngam takin mahni leh mahni hi inpawm thliam mai i la, tu nge kan nih a, eng'e kan duh, tihah hian chiang tlang ta i la... Kan duh chu vuan i la, kan vawn chu duh i la, dawhtheihna nen hringnun hi i ch>n zawk teh ang u.

Kan nunah eng thil pawh a lo thleng ang: chu'ng hunah chuan leiverh kaw tawpah >ng a awm tih hre reng i la, kan tawn apiang hi min siamṭhatu tur a ni tih hriatna hi a va hlu em!

Thil kal tawh chu a tihdanglam theih loh. Lo la thleng tur erawh keimahniah a innghat a, kan nun inlumlet kual vel hi keimahni ngaihdan dana innghat a ni deuh ber e.