Aih

A khuhhawnna: Ṭawngkam belhchian dawl leh ṭhate hi thlang dawn ta ila, 'Aih' tih hi ka thlan hmasak tur zinga mi a ni ang. 'Aih' tih hian hun a heksak chuang hauh lo n^in tha sen leh huaisen erawh a ṭul a, vawiin chauh ni lovin, he thu hian chatuan hmawr kote pawh zuk kawk thleng runa maw le!

'Aih' awmzia hre fiah tur chuan 'Ni e maw le!' ti leh mai ṭhinte dinhmun hi chhut hmasak a ngai ang.

He 'Ni e maw le' thumal pahnih lek hian Pathian ng>ng a lo chhun tawh a, Eden pal a lo n>k tlu tawh a, thi tur hian thumal pahnih chauh pawh a lo tawk viau tho mai.

A hmakhawsang lam leh a kum zabi azawng paw'n chhut buai ta si se lo pawh ni i la, mahni inphat dan chhe ber zinga 'Ni e maw le' hian history tam tak hi chhuantlak lohvin a lo chhuah fo tawh a, mihring chanchin hi a khawb^w zawngin a khawih fo mai. Kei hi mi thu han hnial bawrh hreh mi ka ni. Ka chutih fo avang chuan tluk leh ding awnin ka khawvel nun ka hmang fo a, Petera ang maiin ka duh lohna lamah kaih ka ni fo a; ka pawm loh leh peih loh thil pawh ka ham buan buan chang a awm ṭhin.

Mahni rilru puakchhuak ang pawha che ngam lo va, mi dang ngaihdana innghat a, mi dang duhdan pawmpui leh ringawt ṭhin ta chu, mi dawihzep ka va ni em! Mahse ka dawihzep fo avangin 'kawm nuam' nih ka hlawh ve fo maithei a, mifel hmuhte pawhin min lo hmu fo hlawm ta ve ang?

Ka nih lohna lantir chu khawvelin pawm nuam mi tihna lai a lo nih chang awm mah se, kei erawh chuan ka nihna ka hloh a, ka awmdan phung ka tikhawlo va, mahni leh mahni ka inphat chiang a ni!

He 'Aih' ṭawngkam hi ṭawngkam mawihnai lo leh dik lo deuh h< angin lang ṭhin mah se, mi tihmawh leh hnialhrat ṭawngkam a ni hlek lo va, dikna leh ṭhatna ngainatute tan chuan ṭawngkam themtleng ang hiala hman rim tur a lo ni reng mai.

Mipa leh hmeichhia te'na kan ṭhanlen kawnga hunbi hrang hrang kan paltlangah hian 'tih ve chhin' hun hi a tawhkhirh ber pawl a ni hial ang. Mipa naupang tan, mi huana thei lawh ruk pawisak loh hun a awm a, meizuk ruk duh hun a awm a, zu in ruk duh hun a awm a. Tlanchhiat leh phatmarna zawng ru ran chunga eng pawi pawi emaw tawh hreh loh hun a lo awm chang a, ṭhiante tlansana 'Aih' tih thumal khat lek hman a harsat tlat lai hun a awm. He 'aih' vang hian ṭhiante zinga tlaktlum lohna, inhuatna, inṭhenna, inthlauhthlakna, inbeihna leh inhremna chi hrang hrang paltlang a ngaih phah fo a, dik nia kan hriat ṭan khawngpui tlat tur hian ch^nna hrang hrang chu hloh aiah hlep anga kan chhiar luih ngang ngang a ngaih chang ni a lo thlen hian a ni, hringnun hi a khua a har fo ṭhin ni!

Mahse 'aih' ti ngam bikte khan ṭhiante rilrem loh zawnga khawsak an pawisak loh avangin zirna kawngah an ke an pen sau bik a, fakna awka-in an lam a hawi a, dikna dinpuitu tan hlauhawm hi a vang leh bik tlat ṭhin.

Thlemna satliah leh ngenngawl a lo thlen changa 'aih' ti thei lo mi tam takin he khawvel hi mualpho takin an lo chhuahsan tawh a, nun hi ṭhanlenpui lovin a l>tzawngin an lo chhiar phah tawh a, mahni nun inchhah duh hial khawp thinlung beidawng an lo pu tawh a, mi hnukhawiah k^wl ek thaia ke bai ve lauh lauh an tam ta.

Eden Huana 'aih' tih duh loh avanga leilung hmun tinrenga sual a lo ṭaidarh aṭang khan 'aih' ti tura inzirtirna hi thil hlawk lo leh manhla lo ang hiala ngaihna a len phah ta fo nite hian ka hre ve mai mai a. Nia, mi chan^i tur ngei ngei lo hupsak a, lo thupsak a, lo fanghma no ei chu hlawh bakah tlem thawhchhuah belhna a nih tak zel lai kar a, 'aih' lo tihsan chu a uihawm bawk a ni! 'Aih' vanga in leh lo a sawprawp renga ai chuan, 'Ni e maw le' rilru zau han put a, mite'na vanvadaka an thlir tur Babel in ropui sak chu damchhantlak ang hiala lang a ni a. Ṭhenawmpa lirthei aia changkang hret nei thei tura 'aih' tihna hun remchang han bawhpelh luihte chu sum bawmin a ngeih em em mai a. 'Aih' tih a ngaih huna 'aih' tih theih loh avanga kohhran leh khawtlanga han lansarh phah ta lelte phei chu, mi khawsakthiam leh rilru nei nihna kawng khat a lo ni ve leh zel roh si a, a manhla dana hi hlawh punna piah lam a ni.

He 'aih' hi a man a to em mai a, mi naran pawh ni pha dawn lo ṭhelh ṭhelh anga min siam theitu nia riakah kan chan tlat avangin mihring zingah 'aih' ti theite chu lansarh leh tlaktlum kawngah an chan a chhe salh salh duh khawp mai a. Eden Huan hri vei laklawh tawh tan chuan 'aih' ti tura inzirtirna tluka hnawksak leh hlawk loh hi a awm kher awm lo asin.

'Aih' tih duh mai loh avang hian mi tam takin thawmhnaw an intodelh phah a, in leh lo an ngelngheh phah a, lirthei an kawl phah nual a, ni tin eizawnna kawngah hmuingil ta ber ang hialin an lan phah a, vantlangah in chunga ṭhusual ang maiin an lang lurh a, an kawhna lam apiang a kaw duak zel em maw tih tur a ni. Mahse 'aih' ti tlat ṭhinte chu mi hnungah an ding ve lauh lauh a, ṭanpui ngai hmel an pu deuh roh tlat zel a, chhuantling leh chapopui tur nei ve ta lo chu an thlen chin apiangah an hawi tawi tuk a, ka ui ka ar titu pawh an v^n raih zel mai nia!

Ni e, 'aih' han tih duh loh ngat hi chu he kan hringchan khawvelah hian nihlawhna leh finna kawng awlsam ni mai awm hian a lang ruih lah tak a. Buhfai hralh ruk lo lei ruksakte chu, Bible kalh leh danpui kalh a nihna lam kan thlu tawh reng reng lo va, inkhawm bang hlimhlawt hian buhfai hralh ruk kan leite hi kan phur p<r p<r hreh hlei lo va! Gas bur hralh ve ngawt theih dan kawng awm hlek si lote hi, a hralh ruk theih dan kawng kan han hmu tam khawp a! A lo leisaktu nihte chu 'mit vannei' pu ta ang hialah kan inchan a, sakhua leh khawtlang invawnna dan kan kalhna lam reng reng kan chhut phal ikhaw lo.

'Aih' ti thei lote ngaihtuahnaah chuan sual hi sum a ni tlat a, sual vantlangte hi a awm a ni mai awm asin! Sual ngaihhnatthiamna leh lungmuanna te hi mahni leh mahni kan inpe nasa hlawm ngawt mai!

Mahse 'aih' ti thei lote vangin he leilung hi chenna tlak loh ang hial khawpin chhuah phah mah se, 'aih' la ti hram hram ṭhinte vangin leilung hian chhiatrupnate pawh hi a la pumpelh phah a ni mai lo maw? 'Aih' ti thei lote vangin hringnun hi inelna, intihsiakna, intheihsiakna leh intlansiakna hahthlak leh chawlhna r>ng awm lohna nun sah^l angin lang mah se, 'aih' ti thei mi tlemt>-te vangin nun hi duhawm kham phei riaiin a la lang ve v> v> ṭhin a ni mai lo maw? 'Aih' ti thei lote'n sual an khawi ngam avangin hausakna leh chapona te hi vung thur thur angin lang ṭhin mah se, 'aih' titu an la awm ve fan ṭhin avangin khawvel kalsual tur hi khalh ngilin a la awm hram hram a ni mai lo maw?

Miin an dikna hloh an duh loh avangin 'aih' an ti lui ngat a, zalenna mei a la mit loh phah hram zel a. Miin an thurin an phatsan duh loh avangin 'aih' an ti fan a, ram leh hnam a la din phah hram zel a. Miin mahni sahimna pawh thlahlel zo lovin, mi dang tana rawng an bawlsak zui zel avangin 'aih' an la ti ṭawk ṭawk a, beiseina a la nun phah hram zel a. Miin hringnun tui fawn, khawlohna sualina a chim huk hukna karah hian mahni sahmim lam ngaihtuah lovin 'aih' an tih ngam salh salh zel avangin a tawpah chuan hmingṭhat an hlawh a, khawvel hian chhuan tur a neih phah a, leilung hi Siamtu l>nna ve tlakin a la lang mawi ve leh hram hram ṭhin a nih hi a!

'Aih' hi a tawpah chuan a dingchang leh nge nge ṭhin a, Vanram kawngkharah pawh Petera-teho chuan 'aih' ti ṭhinte hi thu tam an lo zawh ka ring lo hial mai!