CIVIL SERVICES EXAMINATION (CSE)

Tûn ṭuma ka thil ziah tùr hian Mizo ṭhalai lehkha thiamte a tin zâwn deuh avàngin sâp ṭawng a tel tam deuh dáwn tih ka’n sawi láwk ang e; in lo hre thiam dáwn nia. Mizo ṭawng áiin sâp ṭawnga sawia fiah záwk tùr a ni nawk si a! Amaherawhchu, ka ziah chhan berte hian an chhiar mûmal lo ang tih erawh chu ka hlãu láwk deuh! Lo chhiara rilru insiam phah pahnih khat tal an awm pawhin ka hlawhchham loah ka ngai ang.

India rama hna zawnna atána exam sáng ber, Union Public Service Commission (UPSC)-in a buatsaih chu Civil Services Examination (CSE) tih a ni a; a kaih tàwiin UPSC CSE tih a ni. India sawrkarin a rawih tùrte hna hrang hrang atána a ruala exam a ni ti mai ila. He exam hi chhàwng thum ang deuhin a sawi theih a. A bul ṭanna chu UPSC Civil Services Preliminary Examinations (UPSC CSPE) tih a ni a; a tàwi záwngin Preliminary (Prelims) an ti mai ṭhin. A thawh hnihna chu UPSC Civil Services Main Examinations (UPSC CSME) an ti a; a kaih tàwiin Mains an ti mai bawk. A thawh thumna chu Mains-a tlingte Interview a ni tawh a; hei hi Personality Test an ti ta záwk mah.

UPSC CSPE (Prelims)-ah chuan Objective type paper pahnih - General Studies Paper I leh General Studies Paper II a awm a. Paper I chuan “on current events, history of India and Indian national movement, Indian and world geography, Indian polity panchayti Raj system and governance, economic and social development, environmental ecology, biodiversity, climate change and general science, Art and culture” a huam a. Paper II (Civil Services Aptitute Test)-chuan “the candidate's skills in comprehension, interpersonal skills, commu­nication, logical reasoning, analytical ability, decision making, problem solving, basic numeracy, data interpretation, English language comprehension skills and mental ability,” a huam thung. 

Prelims exam hun chhûng hi paper pakhatah dârkár 2 a ni. Prelims-a tling tùr chuan 33% hmuh a ngai a; an marks hmuh erawh chu Mains exam marks-ah belh tel a ni ve tawh lo; Mains exam tùra qualifying marks a ni mai. Prelims exam-na atán leh Mains atán pawh NCERT Text Book-te hi a ṭha hlé a; miin Class XII thlenga an zir hi an hneh hle chuan UPSC (CSE) Prelims-a tlin a huphurhawm loh. Dik tak chuan kan lehkha zir dàn hi a fuh chiah lo a, by-heart-in kan kal nasa a, thiamna tak tak hi kan paw chhuak mûmal lo a ang hle.

UPSC CSME (Mains)-ah chuan essay type-a exam tùr paper 9 a awm thung a; chûngte chu:- 

Paper A (One of the Indian languages in the Eighth Schedule to the Constitution of India) (Qualifying) - 300 

Paper B  English (Qualifying)     full marks - 300

Paper I  Essay - 250

Paper II General Studies I (Indian heritage and culture, history and geography of the world and society) - 250

Paper III General Studies II (Governance, constitution, polity, social justice and international relations) - 250 

Paper IV General Studies III (Technology, economic development, bio-diversity, environment, security and disaster management) - 250

Paper V General Studies IV (ethics, integrity and aptitude)- 250

Papers VI&VII Two Optional Papers (250 marks for each paper). 

Hêngte hi Optional Papers-a thlan theihte chu an ni:- Agriculture; Animal Husbandry and Veterinary Science; Anthropology; Botany; Chemis­try; Civil Engineering; Commerce and Accountancy; Econo­mics; Electrical Engineering; Geogra­phy; Geology; History; Law; Literature of any one of the languages listed in the Eighth Schedule*; Management; Mathematics; Mechanical Engineering; Medical Science; Philosophy; Physics; Political Science and International Relations; Psychology; Public Adminis­tration; Sociology; Statistics & Zoology.

Literature of any one of the languages listed in the Eighth Sche­dule-a mi chu 22 a ni a, chûngte chu:- Assamese; Bengali; Bod; Dogri; English; Gujarati; Hindi; Kannada; Kashmiri; Konkani; Maithili; Mala­yalam; Manipuri; Marathi; Nepali; Odia; Punjabi; Sanskrit; Santhali; Sindhi; Tamil; Telugu & Urdu. 

Paper A&B hi qualifying atán chauh a ni. UPSC (CSE) Mains exam total marks-ah belh tel a ni lo. Mains exam full marks chu 1,750 a ni thung a. Personality Test (Interview) full marks chu 275 a ni a. A zavaia full marks chu 2,025 a ni. 

UPSC (CSE) Mains exam zawhna hi English leh Hindi-a siam a ni a; Eighth Schedule-a ṭawng telte chuan an ṭawng Papers 2 an thlan theih bákah zawhnate hi anmahni ṭawng ngatin an chhang thei a ni. Mains exam hun chhûng hi dárkár 3 zêl a ni. 

UPSC (CSE) exam bei tùrin kum 21 tlin a ngai a. General candidate-te chuan kum 32 an nih thlengin an exam thei a; kum chhût nán August 1 hman a ni. General candidate-te chuan vawi 6 an exam nawn thei a; Other Backward Classes (OBC) chuan kum 35 thlengin an exam thei a; vawi 9 an exam thei thung. Persons with Disabilities (PwD), rualbanloten kum 37 an nih thlengin an exam thei a, vawi 9 an exam thei a. Scheduled Castes/Scheduled Tribes-te chuan kum 37 an nih thlengin an exam thei a; exam beih nawn theih zát a awm ve lo. 

UPSC (CSE) bei tùrin graduate nih a ngai a; University/ deemed University degree te, Correspondence/Distance Education degree leh Open University graduate degree pawh pawm vek a ni. MBBS bíkah chuan final exam zo tawh, internship la zo lo pawhin exam theih a ni. India ram páwn degree a nih chuan Association of Indian Universities-in a pawm nih a ngai. 

UPSC (CSE) hi Mizote chuan ‘Central Services’ tiin kan khai rual mai ṭhin a. A nihna takah chuan All India Services tih bík hi pathum a awm a; chûngte chu:- Indian Administrative Service (IAS), Indian Police Service (IPS leh Indian Forest Service (IFS) te hi a ni a; IFS exam erawh hi chu CSE-ah hian tel loin a hranin UPSC-in a buatsaih ṭhin. Central Services Group A-a a langsàr zualte chu:-

Indian Foreign Service (IFS)

Indian Audit and Accounts Service (IA&AS)

Indian Civil Accounts Service (ICAS)

Indian Corporate Law Service (ICLS)

Indian Defence Accounts Service (IDAS)

Indian Defence Estates Service (IDES)

Indian Information Service (IIS)

Indian Ordnance Factories Service (IOFS)

Indian Postal Service (IPoS)

Indian P&T Accounts and Finance Service (IP&TAFS)

Indian Railway Accounts Service (IRAS)

Indian Railway Personnel Service (IRPS)

Indian Railway Protection Force Service (IRPFS)

Indian Railway Traffic Service (IRTS)

Indian Revenue Service (IRS-IT)

Indian Revenue Service (IRS-C&CE)

Indian Trade Service (ITrS)

Tûnah hian UPSC-in exam a buatsaiha tling, kai sàntír (promoted) ni lo Mizo officer kan neih dàn chu hetiang hi a ni:- All India Services-ah- IAS 10, IPS 1, Indian Forest Service 4; Central Services-ah chuan - Indian Foreign Service 3, IRS (Income Tax) 6, IRS (Customs & CGST) 5, IA&AS 3, Indian Civil Accounts Service (ICAS) 4, Indian Defence Account Service (IDAS) 2, Indian Defence Estate Service (IDES) 1, Indian Rail­ways Account Service (IRAS) 2, Indian Postal Service (IPoS) 2, Indian Economic Service (IES) 2, Central Secretariat Service (Group A) 1 an ni.

Mizo IAS thawk lai senior ber chu Mizoram Chief Secretary ni lai Lalnunmáwia Chuango (1987) hi a ni a; ani dawtah hian Lalbiaktluanga Khiangte (Jharkhand, 1988) leh JC Ramthanga (Adll CS, Mizoram, 1989) an awm leh a. A bák chu kum 1997-2014 inkâra mi an ni. IPS (Police) kan neih chhun chu David Lalrinsánga (AGMUT, 1995) a ni. Mizote hian UPSC-in a buatsaih All India Services leh Central Services exam-te hi tih tak zeta kan beih thar a hun hle mai. Hráng hlui an liam zél a; ṭhangtharin ṭan kan lák a ngai ta tak zet a ni. Promoted IAS & IPS-te hi chu an kai sàn hian an kum a lo tam tawh a; IAS & IPS an nih a tlai bawk si a. Chuvàng chuan state khata hotu ber Chief Secretary leh Director General of Police ni tùrin theih loh tawp a nih loh pawhin hun an nei hman tawh mang lo ang.