WINE LEH BEER

Meghalaya-ah khuan kumtin deuhthaw-in ‘Uain Kut’ (Wine Festival) an hmang ṭhin a, zinmi tam takin an state an tlawh phah ṭhin. Meghalaya hi Kristian tamna a ni a, a micheng 74.6% vel khu Kristian an ni a. Mizoram mihring 87.16% hi Kristian a inchhal kan ni thung. Meghalaya-ah chuan zu an khap ve lova, ṭhenawm state ai-in an sapzu (IMFL) a tlawm zawk leh nghal a. An state chhunga wine siamtute an hlawk viau lo mai thei. A chhan chu Mizoramah pawh zu zawrh phalna pek a nih apiangin Champhai leh Hnahlan a uain siamte hnawng ziah a ni. Kum 2015-a Nagaland kan han tlawh khan Kristian 88% ni si, zu khapna ni bawk si-ah khan zu ṭha ber ber hlir min lo hlui pek a.