WINE LEH BEER-2

Kan buaipui ta laklawh a, sorkarin Mizoram kuthnathawkte thei/thlai thar aṭanga wine leh beer siam phalna a pek tur hi induhsakna leh dik lo taka hman theih a nih avangin chutiang zawng chuan kalpui a ni ang tih hi a hlauhawm takzet a ni. Fruit wine/beer siam chhuah a, zawrh/hralh leh Mizoram pawna thawnchhuah thlenga phalsak theihna tur dan The Mizoram Liquor (Prohibition) Amendment Act 2025 chu nikum khan tuna sorkar dinglai rawtna angin Assembly-in a pawm tawh tih kan hre vek mai a. He dan siamṭhatna hi en thuak a ṭha thuak, en chet chet a chhe chet chet a nih lohna turin sorkar hian dan dik tak leh he dan siamṭhat thlarau ang taka thil a kalpui hi a pawimawh hle dawn a ni.