Guest writer
HC Vanlalruata
MIZORAM MAMAWH
“Mizoram tan hian enge pawimawh ber?” tih zawhna awm ta sela kan chhan dan a inpersan thei viau-in a rinawm a. A ṭhenin kawngpui ṭha an ngai pawimawh ang a, a ṭhen chuan hnianghnar taka tui dawn/hmuh an ngai pawimawh ber ang a, kan hnathawh a zirin electric eng awm reng tura duhtu pawh kan tam ang. Hetiangho hi mingoho chuan mipui nitin mamawh, a bik takin khawpuia chéngte tana sorkarin a pek mákmawh (basic amenities)-ah an ngai a ni.
India ram leh Mizoram ngei pawh hi mipui-in kan aiawha kan thlan chhuahte’n sorkarna chelh a mipui tana ṭha tura rorelna an chelhna (democracy) rama ngaih kan ni a. Chutiang chu a nih avang chuan kawngpui ṭha siamte, mipui hnena tui leh eng hnianghnara pekte hi sorkar tihtur ve reng leh an mawhphurhna a ni. “Sorkarin mipui sum thawhkhawm (public money) hmanga mipui mamawh leh hmasawnna hna a thawh avanga lawmthu sawi chu, ATM Card hmanga kan bank account aṭanga sum kan lakchhuah a ATM booth hnena lawmthu sawi ang vel a ni,” an tih hi thudik tak a ni.
Chu chu thil awmdan diktak a nih laiin, mipui thlan sorkar (popular government) hi awm lovin President’s Rule hnuaiah emaw pawh awm ta ila, tuna hmasawnna hna kal pangngai hi chu a kal tho tih hi Mizoramah ngei pawh kan hmu tawh a. Sum pawt péng a insemtu an tlem deuh zawk a, sorkar hnathawk an lal a, mipui min ngai pawimawh nêp deuh ṭhin tih chauh a ni. Mipui thlan sorkar a ding emaw ding lo emaw, hlawh ṭha tak hlawh chunga mipui tana thawktu tura ngaihte hian, an thawh tur ṭheuh an thawk ṭha thei lo hi he ram ṭhanmawhbâwk chu a ni a, mahni hma zâwn ṭheuhva mawhphurhna hlen hi Mizoram mamawh chu a ni, ti ila kan sawi sual awm love.
Veng pakhat emaw khaw pakhat emaw entirna siam ta ila. Hnathawh kawnga dinhmun sang lem lo, hmunphiatte hian an mawhphurhna hi ṭha takin hlen nitin sela chu veng/khua chu khaw fai tak an ni mai dawn a. Chutih rualin a tihnawktu lamin an thiltih hria a, fai an zir a, chu an thil zir chhuah chu a tak a an kalpui chuan, an khua/veng chu a fai leh zual ngei ang a. An fai dan a tlo bawk ang.
Sorkar department hrang hrangah hetiang entirna hi siam theih a ni a. Police department hi entirna atan han hmang ta ila. Pawikhawihna leh suahsualna, dân bawhchhiatna thleng tur hi an veng seng vek lo tih kan hria a, chutihlai chuan hnuchhui leh misual man chhuah a, thiam loh chantir a hrem kawng a an thawh ṭhat chuan, misual tam tak suahsual bâwl zui thei lova dahbo an nih bakah, mi ṭhenkhat tan chuan hremna kha sual ti tura thlemna dona (deterrent) atan a ṭangkai ang.
Chutianga thilti lova, thubuai nei tlem nih duh vangte, hna thawh tur tih tlem duh vangte a thubuai an ziahluh duh mang loh hian, a takah kan ṭha tihna a ni miah lo. Misual leh pawikhawihtute an ti ngampá a, an huangtau phah a, mipui an chêp phah ta zawk ṭhin a ni. Pawikhawih leh misual an ngampat a, an huangtauna ram chu ram hrehawm leh zalen lo tak a ni tih kan hre vek. Mi fel leh hna thawk ṭhate chawimawi a, misualte na taka hremna ram chu a nuam ṭhin a. Thawktute’n an hna ṭha taka an thawh a, an mawhphurhna ṭheuh an hlen hian, ram leh hnamin hma a sawn mai a ni.
Entirna chiang fek fawk, mahse, ṭhenkhat tana hriat nuam tehchiam lo i han tarlang dawn teh ang. PWD a hnathawk (a bikin engineer, chutah pawh bial vil bik neite) hi an hausa tlangpui tih chu Mizoram mipui hian kan hria a. An in leh lo a ṭha-in a ropui tlangpui a, an fate zirna senso pawh a tovin, zirna hmun ṭha ber ber leh to ber berah an dah thei a. An chenna in an sa ṭha-in an sakna senso a sang mai a ni lova, a chhunga thil awmte a ṭha-in a man a to hle a. Chubakah Mizo zinga thil hlu a ngaih, ram leh thildang an nei tam viau zel bawk. Mizote’n tunhma a in lama thangchhuah ang deuhthaw-a an lo ngaihsan ṭhin, nula ngaih tam kawngah pawh hian PWD engineer-te hi an duai lo viau ṭhin a sawi hial a ni a, chu chu Mizoram khawtlâng nuna an dinhmun a ni. Chutihlaiin hna ṭha duh tak tak engineer chanchin kan hre ta zeuh zeuh hi, chhum dum kara nizung lo lang ré ré ang hi a ni awm e.
Tun hnaia mawhphurhna an hlen loh avanga mipuiin nasa taka kan buaipui mek zingah hian Commerce and Industries department hotute hi an tel tlat mai. Mizoram sorkarin department hrang hrangin hna an thawh tur leh mawhphurhna an pekna - Government of Mizoram (Allocation of Business) Rules, 2019 kan en chuan Mizoram chhung leh pâwn a sumdawnna leh thil lei leh hralhna hmun bakah, helama inhmang zawng zawngte thunun leh phalna pek hi he department hna tur hi ni awm tak a ni a. Government of Mizoram (Allocation of Business) Rules, 2019 a a landan chuan he’ngte hi an thuneihna leh mawhphurhna tura sorkarin a bituk sakte chu a ni:-
“(a) Promotion and regulation of trade and commerce subject to provision of entry 33 of list in the 7th Schedule of the Constitution. (b) Trading by Non-Tribal (Regulation) Act, 1974 and Rules thereunder. (c) Border trades. (d) Regulated markets and market yards. (e) Village market. (f) Inter-state trade.” Mizo ṭawngin dah dawn ta ila – India constitution schedule 7-na tarlan zinga 33-na zulzuiin sumdawnna lam hmasawnna tura thawk turin he department hi thuneihna leh mawhphurhna pek a ni a. Tlângmi ni lote’n kum 1974 a dân siam tawh anga Mizorama an sumdawn ve theihna tur leh dân tesepte, ramri-a insumdawn tawnnate, thil lei leh zawrhna hmunpui bakah thingtlang lama thil lei leh hralh chungchang te chu he department kuta dah hi a ni a. State dang nena insumdawnna thlengin an mawhphurhna leh thuneihna a ni.
Hetiang hi a nih lai mekin Mizorama kuthnathawktute leh kuthnathawktute thar chhuah lo lei a, lo eitute (consumer) chanvo humhim a, mipui tana ṭha tur zawnga thà thawh kawngah he department hi a hlawhchham ti a kan sawi chiah hreh a ni pawhi, kan beisei a phak lo tih hi a chiang khawp mai. Vawksa leh bawngsa mante hi a bithliah a bituktu tur an awm lo emaw tihtur a ni a. Mizoram chhunga thlai thar chhuah a tam theih loh chhan hi thar tam apianga a hralhna a an buai ziah vang a ni mai a, thar chhuah leh a hralhna chuktuah rem (regulating the market) lam kan tlakchham vanga la intodelh thei lo hi kan ni ber.
Kuminah mai pawh hian Covid hriléng karah Horticulture department nena ṭangrualin Serchhip district, a bikin Mat phai-ah kuthnathawktute’n thlasik thlai an ching nasa hle a. An thlai chin, a bikin Bawkbawn chu a hmunah Rs 3 chauhin an kharsak a, hlawhfa chhawrna a sàn avangin quintal khat lawh pawhin hlawhfa nikhat hlawh a phak lo a. Zikhlum chu Kg khat Rs 10 in a hmunah laksak an ni a, Tomato chu Kg khat Rs 20 a laksak an ni. Tun Inrinni (March ni 20) khan Mission Veng bazar-ah Serchhip zikhlum hi kg 2 Rs 50/-in lei tur a awm ta a, a lawmawm hle. Chutih laiin Commerce and Industries department lamin ṭan an lak thar loh chuan, kuthnathawktute leh an thar chhuah leitu mipuite hi kharchhawng mi tlemte rahbehin kan awm zel ang a, intodelhna kawng a ping reng bawk ang.
Serchhip lama bawkbawn kg 1 Rs. 3 leh Rs. 5 leka a hlâwm a an laksak leh zikhlum kg-a Rs. 10 leh tomato kg-a Rs. 20 a an laksak hi chu a lungchhiatthlak a ni. An laksakna leh an hralh lehna man inthlau lutuk hi chinfel a ngai a. Kawla nichhuak chhiar a, a sur-a-sa hnuaia kumtluan a beka thlantui luang zawih zawiha thawktu, kuthnathawktute aia kharchhawngin an duh zat zat an hlep a, a hlawkna tam ber (lion’s share) an hui hi kuthnathawktute leh mipui chanvo chhuhsakna, khaw en laia mipui rawkna diktak a ni.
Hemi tibo tur hian sorkar, a bikin helama mawhphur tura ruat, Commerce and Industries department, a inrawlh vat a ngai a. Kharchhawngte hnena phalna petu, khawpui a dâwr leh thil zuar zawng zawng an ṭhutna leh zawrh phalna petu, phailam aṭanga thil lakluh phalna petu ni bawk, Commerce and Industries hian mipui laka a mawhphurhna hi hlen tawh sela. Thil man hi thunun ngamin a hlâwm a leina leh hralh lehna man tur hi bithliah ngam tawh rawh se. Chu chu mi tlêmte hlawkna ni lo, kan zavaia ṭhat tlanna tur a ni.
Dân leh sorkarin thuneihna a pek department leh a thawktute hian an thawh tur thawkin an mawhphurhna hlen se la, chu chu kan mamawh chu a ni. Chutiang taka Commerce and Industries department hian hna a thawh chuan kuthnathawktute an phür ang a, kumtinin an thar tam chho ang. Chu chu intodelhna kawng kan panna tur a ni a. A ṭul a nih chuan phailam sumdawngte’n an duh duha thil an tih theih lohna turin ruahmanna an siam bawk tur a ni a. Kuthnathawktute leh mipui lam tang kan mamawh a ni. Mi tlemte, sum tam tak huiluh tuma mipui hrêk ṭhinte hi thunun an ngai ta takzet a ni.
India ram leh Mizoram ngei pawh hi mipui-in kan aiawha kan thlan chhuahte’n sorkarna chelh a mipui tana ṭha tura rorelna an chelhna (democracy) rama ngaih kan ni a. Chutiang chu a nih avang chuan kawngpui ṭha siamte, mipui hnena tui leh eng hnianghnara pekte hi sorkar tihtur ve reng leh an mawhphurhna a ni. “Sorkarin mipui sum thawhkhawm (public money) hmanga mipui mamawh leh hmasawnna hna a thawh avanga lawmthu sawi chu, ATM Card hmanga kan bank account aṭanga sum kan lakchhuah a ATM booth hnena lawmthu sawi ang vel a ni,” an tih hi thudik tak a ni.
Chu chu thil awmdan diktak a nih laiin, mipui thlan sorkar (popular government) hi awm lovin President’s Rule hnuaiah emaw pawh awm ta ila, tuna hmasawnna hna kal pangngai hi chu a kal tho tih hi Mizoramah ngei pawh kan hmu tawh a. Sum pawt péng a insemtu an tlem deuh zawk a, sorkar hnathawk an lal a, mipui min ngai pawimawh nêp deuh ṭhin tih chauh a ni. Mipui thlan sorkar a ding emaw ding lo emaw, hlawh ṭha tak hlawh chunga mipui tana thawktu tura ngaihte hian, an thawh tur ṭheuh an thawk ṭha thei lo hi he ram ṭhanmawhbâwk chu a ni a, mahni hma zâwn ṭheuhva mawhphurhna hlen hi Mizoram mamawh chu a ni, ti ila kan sawi sual awm love.
Veng pakhat emaw khaw pakhat emaw entirna siam ta ila. Hnathawh kawnga dinhmun sang lem lo, hmunphiatte hian an mawhphurhna hi ṭha takin hlen nitin sela chu veng/khua chu khaw fai tak an ni mai dawn a. Chutih rualin a tihnawktu lamin an thiltih hria a, fai an zir a, chu an thil zir chhuah chu a tak a an kalpui chuan, an khua/veng chu a fai leh zual ngei ang a. An fai dan a tlo bawk ang.
Sorkar department hrang hrangah hetiang entirna hi siam theih a ni a. Police department hi entirna atan han hmang ta ila. Pawikhawihna leh suahsualna, dân bawhchhiatna thleng tur hi an veng seng vek lo tih kan hria a, chutihlai chuan hnuchhui leh misual man chhuah a, thiam loh chantir a hrem kawng a an thawh ṭhat chuan, misual tam tak suahsual bâwl zui thei lova dahbo an nih bakah, mi ṭhenkhat tan chuan hremna kha sual ti tura thlemna dona (deterrent) atan a ṭangkai ang.
Chutianga thilti lova, thubuai nei tlem nih duh vangte, hna thawh tur tih tlem duh vangte a thubuai an ziahluh duh mang loh hian, a takah kan ṭha tihna a ni miah lo. Misual leh pawikhawihtute an ti ngampá a, an huangtau phah a, mipui an chêp phah ta zawk ṭhin a ni. Pawikhawih leh misual an ngampat a, an huangtauna ram chu ram hrehawm leh zalen lo tak a ni tih kan hre vek. Mi fel leh hna thawk ṭhate chawimawi a, misualte na taka hremna ram chu a nuam ṭhin a. Thawktute’n an hna ṭha taka an thawh a, an mawhphurhna ṭheuh an hlen hian, ram leh hnamin hma a sawn mai a ni.
Entirna chiang fek fawk, mahse, ṭhenkhat tana hriat nuam tehchiam lo i han tarlang dawn teh ang. PWD a hnathawk (a bikin engineer, chutah pawh bial vil bik neite) hi an hausa tlangpui tih chu Mizoram mipui hian kan hria a. An in leh lo a ṭha-in a ropui tlangpui a, an fate zirna senso pawh a tovin, zirna hmun ṭha ber ber leh to ber berah an dah thei a. An chenna in an sa ṭha-in an sakna senso a sang mai a ni lova, a chhunga thil awmte a ṭha-in a man a to hle a. Chubakah Mizo zinga thil hlu a ngaih, ram leh thildang an nei tam viau zel bawk. Mizote’n tunhma a in lama thangchhuah ang deuhthaw-a an lo ngaihsan ṭhin, nula ngaih tam kawngah pawh hian PWD engineer-te hi an duai lo viau ṭhin a sawi hial a ni a, chu chu Mizoram khawtlâng nuna an dinhmun a ni. Chutihlaiin hna ṭha duh tak tak engineer chanchin kan hre ta zeuh zeuh hi, chhum dum kara nizung lo lang ré ré ang hi a ni awm e.
Tun hnaia mawhphurhna an hlen loh avanga mipuiin nasa taka kan buaipui mek zingah hian Commerce and Industries department hotute hi an tel tlat mai. Mizoram sorkarin department hrang hrangin hna an thawh tur leh mawhphurhna an pekna - Government of Mizoram (Allocation of Business) Rules, 2019 kan en chuan Mizoram chhung leh pâwn a sumdawnna leh thil lei leh hralhna hmun bakah, helama inhmang zawng zawngte thunun leh phalna pek hi he department hna tur hi ni awm tak a ni a. Government of Mizoram (Allocation of Business) Rules, 2019 a a landan chuan he’ngte hi an thuneihna leh mawhphurhna tura sorkarin a bituk sakte chu a ni:-
“(a) Promotion and regulation of trade and commerce subject to provision of entry 33 of list in the 7th Schedule of the Constitution. (b) Trading by Non-Tribal (Regulation) Act, 1974 and Rules thereunder. (c) Border trades. (d) Regulated markets and market yards. (e) Village market. (f) Inter-state trade.” Mizo ṭawngin dah dawn ta ila – India constitution schedule 7-na tarlan zinga 33-na zulzuiin sumdawnna lam hmasawnna tura thawk turin he department hi thuneihna leh mawhphurhna pek a ni a. Tlângmi ni lote’n kum 1974 a dân siam tawh anga Mizorama an sumdawn ve theihna tur leh dân tesepte, ramri-a insumdawn tawnnate, thil lei leh zawrhna hmunpui bakah thingtlang lama thil lei leh hralh chungchang te chu he department kuta dah hi a ni a. State dang nena insumdawnna thlengin an mawhphurhna leh thuneihna a ni.
Hetiang hi a nih lai mekin Mizorama kuthnathawktute leh kuthnathawktute thar chhuah lo lei a, lo eitute (consumer) chanvo humhim a, mipui tana ṭha tur zawnga thà thawh kawngah he department hi a hlawhchham ti a kan sawi chiah hreh a ni pawhi, kan beisei a phak lo tih hi a chiang khawp mai. Vawksa leh bawngsa mante hi a bithliah a bituktu tur an awm lo emaw tihtur a ni a. Mizoram chhunga thlai thar chhuah a tam theih loh chhan hi thar tam apianga a hralhna a an buai ziah vang a ni mai a, thar chhuah leh a hralhna chuktuah rem (regulating the market) lam kan tlakchham vanga la intodelh thei lo hi kan ni ber.
Kuminah mai pawh hian Covid hriléng karah Horticulture department nena ṭangrualin Serchhip district, a bikin Mat phai-ah kuthnathawktute’n thlasik thlai an ching nasa hle a. An thlai chin, a bikin Bawkbawn chu a hmunah Rs 3 chauhin an kharsak a, hlawhfa chhawrna a sàn avangin quintal khat lawh pawhin hlawhfa nikhat hlawh a phak lo a. Zikhlum chu Kg khat Rs 10 in a hmunah laksak an ni a, Tomato chu Kg khat Rs 20 a laksak an ni. Tun Inrinni (March ni 20) khan Mission Veng bazar-ah Serchhip zikhlum hi kg 2 Rs 50/-in lei tur a awm ta a, a lawmawm hle. Chutih laiin Commerce and Industries department lamin ṭan an lak thar loh chuan, kuthnathawktute leh an thar chhuah leitu mipuite hi kharchhawng mi tlemte rahbehin kan awm zel ang a, intodelhna kawng a ping reng bawk ang.
Serchhip lama bawkbawn kg 1 Rs. 3 leh Rs. 5 leka a hlâwm a an laksak leh zikhlum kg-a Rs. 10 leh tomato kg-a Rs. 20 a an laksak hi chu a lungchhiatthlak a ni. An laksakna leh an hralh lehna man inthlau lutuk hi chinfel a ngai a. Kawla nichhuak chhiar a, a sur-a-sa hnuaia kumtluan a beka thlantui luang zawih zawiha thawktu, kuthnathawktute aia kharchhawngin an duh zat zat an hlep a, a hlawkna tam ber (lion’s share) an hui hi kuthnathawktute leh mipui chanvo chhuhsakna, khaw en laia mipui rawkna diktak a ni.
Hemi tibo tur hian sorkar, a bikin helama mawhphur tura ruat, Commerce and Industries department, a inrawlh vat a ngai a. Kharchhawngte hnena phalna petu, khawpui a dâwr leh thil zuar zawng zawng an ṭhutna leh zawrh phalna petu, phailam aṭanga thil lakluh phalna petu ni bawk, Commerce and Industries hian mipui laka a mawhphurhna hi hlen tawh sela. Thil man hi thunun ngamin a hlâwm a leina leh hralh lehna man tur hi bithliah ngam tawh rawh se. Chu chu mi tlêmte hlawkna ni lo, kan zavaia ṭhat tlanna tur a ni.
Dân leh sorkarin thuneihna a pek department leh a thawktute hian an thawh tur thawkin an mawhphurhna hlen se la, chu chu kan mamawh chu a ni. Chutiang taka Commerce and Industries department hian hna a thawh chuan kuthnathawktute an phür ang a, kumtinin an thar tam chho ang. Chu chu intodelhna kawng kan panna tur a ni a. A ṭul a nih chuan phailam sumdawngte’n an duh duha thil an tih theih lohna turin ruahmanna an siam bawk tur a ni a. Kuthnathawktute leh mipui lam tang kan mamawh a ni. Mi tlemte, sum tam tak huiluh tuma mipui hrêk ṭhinte hi thunun an ngai ta takzet a ni.