J. LALSANGZUALA THINGPUI

“Mizote hi a >ng z^wnga ka thlir chuan hnam ropui tak kan la ni thei ang tih ka pawm a; a thim z^wnga ka thlir erawh chuan, chapo takin kan la ral mai dawn niin ka hmu,” titu J. Lalsangzuala kha WW II veteran a ni a, Battle of Kohima-a Japan sipaite hmachhawntu zingah a tel a. Sipai aṭanga a chawlh hnuin pawlitik a khel a. Mizo Union sawrkar, Ch. Chhunga CM-na hnuaiah leh Congress sawrkar Lalthanhawla CM-na hnuaiahte Co-Operation Minister te, Finance Minister te, Home Minister te, Industry Minister te pawh a ni ṭhin a ni.

Pawlitik chauh loah pawh vantlang rawngbawlna peng dangah pawh a inhmang a. Nihna leh chanvo pawimawh tak tak pawh a chelh ṭhin a. Pawlitik huang chhung aṭanga public office-a a ṭhut chhunga a hnathawh leh ngaihtuahna ṭhenkhatte kan thlir dawn a ni. Mi tam tak fak hlawh leh ngaih s^n a ni a, a fakawm leh ngaih s^nawmzia pawh kan sawi hranpa dawn lo. Zir tham ngaihtuahna nei a ni a, a sulhnu ṭhenkhatte kan en mai dawn chauh a ni.

1. MIZORAM HMASAWN LOH CHHAN: Kum 1974 kh^n ‘Mizoram - Ram Hma Lam Hun Eng’ tih article a ziak a. Chutah chuan Mizoram chu theih tawp chhuaha ruahmanna ṭha nena kalpui a nih chuan mahni intodelh ram, mipuite hlimna ram a nih a rin thu a ziak a. Mahni intodelhna tur kawng hrang hrangte a t^r lang bawk a. Indopui rapthlak takin a sawisak Germany leh Japan ramte chu entawn at^n a t^r lang a. A dam chh<ngin a beisei ang Mizoram chu a hmu hman ta lo a. Chutianga a beisei ang Mizoram a hmuh hman lohna chhan chu amah chuan, ”Suangtuahna mumal lo leh ruahmanna ṭha lo te, thuneihna chelhtute’n tumna tak tak an neih loh avang te a ni,” tiin a sawi. A sawi hi a dik chiah a, thuneihna chelhtute’n tumna tak tak an neihna Singapore te chu hmuh theihin an danglam reng a ni.

2. SUM RENCHEM LEH HMAN THIAM: Finance Minister a nih lai kha mi tam takin an hriat lar lehzualna te pawh a ni awm e. A thupui ber pakhat chu — mahni thawh chhuah mila khawsak leh neih ang chhun chhun hman ṭangkai a ni. Kum 1993-a Union Finance Minister-in Mizoram a lo tlawh kh^n, a pung awm loa puk at^n cheng nuai 25 an lo dil a. An dilna chhan leh an mamawh d^nte an han hrilh fiah a; cheng nuai 30 lai a puktir ta hial zawk a ni.

A hun lai kh^n financial administration chu awlsam leh felfai zawka kalpui d^n neih a ṭulin a hria a. State dang tih d^n te pawh ama hoin an zir zak zak hman a, nasa taka tihdanglam erawh an nei hman ta chiah lo. A chanchina chhinchhiah tl^k tak erawh chu — ngaihtuahna hmang mi a ni a; ama chanpual hna ṭha takin a thawk a, Mizoram inrelbawlna at^na ṭha zawk tur zawng reng rengin a ngaihtuahna a seng ṭhin tih kha a chiang >m >m a ni.

3. THINGPUI CHIN THU: Mizoram leilung awm d^n, a lei ṭhat d^n leh a san z^wng leh a awmna hmun uluk taka a chhut hnuin thingpui ching ila a ṭha dawn riauin a hre ta a. Kan thawn chhuak thei lo a nih pawhin, kan intodelh tal chuan kan hnam t^na ṭha tur niin a ngai a ni.

Kum 1991-a ama hoa an chhut d^nin thingpui kan inral zat hi cheng vaibelchhe 3.5 man hu zet a ni a. Kan thingpui zinga 99% chu pawn lam aṭanga lak luh a ni. Chumi avang chuan sawrkarin hmalak ṭulin a hre ta a. Ruahmanna hrang hrang an siam a. Chhungkuaa buaipui theih, ram pawn aṭanga hnathawk tur lak luh ngai lo leh scientific taka chin a nihna tur te, a sawngbawlna tur khâwl sawrkarin a buaipui d^n tur te, thingpui chingtute leh an thingpui chin buaipuitu pawla an awmna tur te huam tel veka ruahmanna siam chhoin, thingpui lama thiamna neite râwnin hma an la a. Industry Department-in an buaipui theihna turin cabinet phalna a hmu bawk a. Ngopa leh Biate-ah bul an ṭan a. A sawngbawlna hmunte pawh a lungphum a phum nghe nghe a ni.

Hêngahte hian a thil chikzia, Mizoram dinhmun mila kan ṭhatpui tur thil a ngaihtuah nasatzia leh a zir peihzia te, a tih tawh lam champion-pui a tum d^n te pawh kan hmu thei ang.

4. LEHKHA ZIAK LEH CHHIAR MI: John Lalsangzuala hi lehkha ziak leh chhiar mi a ni a. Sulhnu eng emaw zat min hnutchhiah a. A autobiography ‘Mizoram - A Land of Charm’ tih Sap ṭawnga a ziah chu a thih hnuin tih chhuah a ni a. Rev. Zairema leh Dr L. Sangkima-te nen kum 1995 khan Mahatma Gandhi tih an inziah ṭawm a. Article chi hrang hrang, belh chian dawl tak a ziak nual bawk.

Lehkha zir s^ng tak ni lo mah se, a inchhiar zau a, a tawnhriat a tam a, ram a hmu hnem a, a inzir peih a, a ngaihtuahna a seng a. Ram hruaina hna chelha public office-a a ṭhut lai pawh khan zah leh ngainat a hlawh a ni.

TLANGKAWMNA: Kum 1924-ah a piang a; a pa chu VZ Biaka, Mizo zinga politik lama mit keu hmasa a ni a; Telela-te nena vantlang ṭhatna tur bei hmasa berte zingah a tel. June ni 9, kum 2009 khan a thi a, he khawvelah hian kum 85 a cheng ve a nih chu. High School a kal laiin sipaiah a ṭang a, Jamader Clerk niin a pension a. Kum 1962 khan Mizo nu chhuanawm Zokhumi nen an innei a, Rev. Zairema khan a inkutsuiht$r a ni. Fa panga an nei a. a nupui hian a dawm hlum a ni.

Central YMA-ah pawh OB a ni tawh a. Cabinet Minister a nih lai, kum 1996-97-a Central YMA-in ‘Zirna Uar Kum’ a puan khan Kumpuan Committee Chairman a ni nghe nghe.

John Lalsangzuala hi mahni hmasial mi a ni ngai lo a, a dikin a zahawm a. Ram leh hnam hmasawnna at^n a ngaihtuahna a sawr chhuak a, a inzir zau ṭhin. Pawlitik leh pawlitik lo aṭang pawhin vantlang rawngbawlna kawng hrang hrangah a inhmang a. Hun rei tak public office-a a ṭhut chhung pawh kh^n a hmingchhiatna han sawi tur hria an awm lo a ni.

(J. Lalsangzuala bik hi ‘Hun inher kara Zofate’ tih aṭanga lak chhuah a ni a, tun thla chhungin a bu hi tihchhuah hman tum a ni)

JF LALDAILOVA HLUTNA

JF Laldailova kha Mizo Literature-a a sulhnu te kha a hranpaa ziak an awm ve fo a. A lehkhabu lehlin te, a dictionary buatsaih te, a thu ngaihnawm bu te, a Bible Thlirna te leh thil dang tam tak avang kh^n a hlu reng dawn a. A hlutna tak tak erawh chu, literature ṭha, kan mamawh min hlui nachang a hria kha a ni. A lehkhabu leh thuziak lehlin tura a thlan hote kha, finna lama kan hnam ṭhanna tur lam zel kha a ni.

JF Laldailova kha sap ṭawng thiam, Mizo ṭawng thiam etc kan ti a. A ni lo e tihrual a ni lo a. Ropui tak a ni. A hlutna tak tak erawh hi chu kan ngaihtuah mai ai hian a thuk.

Shakespeare-a lemchan thawnthu kha kan ban phakah kan ngaituah thiam phak tawkin a chhawp chhuak a. Hamlet-a lemchan te pawh kha, a play ang ngau ngau a let a ni lo a. Mipui nawlpui tana ṭheh hawnna a ni a. Ṭha zawka letling thei te awmse tiin duhthu a sam zawk a. Zirlaia zir ralah chuan a lehchin chin ṭha mah se, famkima leh a ni lo a, zir tak tak a har deuh mai thei. Mipui nawlpui t^n erawh a ṭha hle si. Shakespeare-a thawnthu dang a lehlinte pawh kha a ni tho.

Robin Hood-a thawngthu a lehlin te leh thil dang dang a lehlin hote kha khawvel literature ṭha tling zel kha a thlang hlawm. Thawnthu ni lo pawh kha a let nual a, Churchill-a lehkhabu ziak leh khawvel lehkhabu ṭha, Biography leh Autobiography ṭha kha a ni ṭhin. A pawimawh lai tak chu, ngaihnawm tak leh ngaihzawnawm takin a let kha a ni. Detective thawnthu te, cowboy thawnthu te, Thu ngaihnawm huang te, Bible Thlirna te a buatsaih a. A hrawk chawmna a ni a. A hrawk chawmna a ni nain, mipui chhiar chak zawng hlui chiam loin mipui mamawh a hlui a ni. JF Kennedy-a thusawi lehlinna chang a hriate kha a pui ka ti! Amah rau rauah chuan a let ṭha lo nain. Mipui t^na ṭha tur kha a khawrh chhuak. A thu lehlin te kh^n khawvel tukverhah kan hnam chu min dahtir a ni.

High School a zir chhuak lo a, khatiang ni chunga sap ṭawng leh Zo ṭawng a thiam >m >m kha a ropui nghal hrim hrim a. Khawvela lehkhabu ṭha leh thuziak ṭha ber ber chhiar nachang a hria kha a fakawm a, chu mai a la ni lo, a hunlaia mite ban phak tura a chhawpchhuak leh zel leh kha, a mak zawk hial a ni. Tunlaia lehkhathiam sang ber ber, khawvela thuziak ṭha kan hnam tana chhawp chhuah chu sawi loh, a chhiar nachang hrelo leh tum lo kan ngah dante en phei hi chu a ropui ve hrim hrim nghal ringawt mai a ni. Taiwan ram lehkhabu dawrah lehkhabu lei tur ka zawng chiam ṭhin a, sap ṭawng lehkhabu an zawrhna a tlem hle. An lehkhabu dawrah te khan an hnam ṭawngin khawvela lehkhabu ṭha leh hmingthang leh thar lam ber berte kha chhiar turin an lo kawl ve zel zawk a ni. Chutiangte ngaihtuah phei chuan, JF-an Mizo hnam t^na a ṭhahnem lo ngaihna kha uar taka sawi nawn fo tur a ni.

Literature-a tuina thlipui tlehtir a, a hnam anga finna leh ngaihtuahna hman thiamna kawnga kan ṭhanna (intellectual growth) at^na a tha thawh kha a ropui ka ti hle a ni.

Tunlaiah hian lehkhabu kan chhuah kur ta liai luai a. A hnam anga a ṭha zawnga leh fing zawnga min ṭhan tirna kawngah chuan JF-a te ngaihtuahna leh khawthlir kha kan pha lo hle. JF-a khan kan hnam mamawh a thlan ṭhinna kha a lo fakawm hle a ni. Tunlai pawh hian, lehkha chhiar tur ngawr ngawr ni lo, chhiar tur ṭha hluitu tur kan mamawh. A ngaihnawm tur ngawt ni lo, finna leh chhungril lama kan ṭhanna tur thlen thei lehkhabu leh thuziak ṭha kan mamawh a ni.