TAIMAKNA LEH THAWH RIMNA

Taimakna hi thil pawimawh, tisa thil mai ni lo, thlarau lam thila hlawhtlinna tur pawha kan mamawh a ni. John Calvin-a khan, Lehkhabu ropui tak mai, ‘Institutes of the Christian Religion’ tih a ziak a. Institute bu-a Calvin-a sawi hmasak ber hian, a bu thu hi a khaikhawm theih mai awm e: Mihring finna zawng zawng inthlunkhawmna chu, Pathian hriatna leh keimahni kan inhriatnaah hian a ni, tih hi. Pathian hriatna tak tak chu, Pathian thu chhiar leh zir aṭang chauhin kan nei thei a ni, tiin a sawi bawk. Pathian lehkhabu chhiar khat, zir chik ngai lo chuan Pathian hriatna tak tak a nei lo ang a ti a ni ber mai. Pathian lehkha thu te chhiar a, zir thin mi chu mi thatchhia a ni thei lo a ni. Lehkha zir peih lo, hnathawh taima lo tan khawvelah dinchhuah beisei tur a ni lo. Taimak a ṭul a ni tawp mai. Taimak hi zir theih a ni.