KHNAM-in hnalak dan thar siam a phut

Khun Hynniewtrep National Awakening Movement (KHNAM) chuan Meghalaya sorkar chu ṭhalai hna neilote avanga harsatna sutkian nan State Youth Policy thar duang turin a ngen.

Thawlehnia 'National Youth Day' puala hun an hmannaah KHNAM youth wing president, Thomas Passah chuan thu sawiin, "Vawiin hian India rama state dangte rualin 'National Youth Day' kan hmang a, mahse kan state-a ṭhalai 60% chuan hna an la nei lo a ni," a ti.

Passah chuan Meghalaya ṭhalaite harsatna lian ber chu hnathawh tur awm lo hi a ni, a ti.

"India ram venhimgtu, security force lamah Meghalaya hian mihring leh tha a thawh tlem hle a, hei vang hian state sorkar chuan India Army hnuaia state ṭhalaite tana Regiment hran siam turin sorkar laipui a nawr a ngai a ni. hei hian hna nei lote harsatna tam tak a sukiang ngei ang," a ti.

Chief Minister Mu-ul Sangma hnena memo-randum an thehluhah KHNAM youth wing chuan ṭhalaite tan Home, Heart Battalion leh Ecological Battalion siam a rawt bawk.

Hna neilote tana state sorkarin hma a la lo a nih chuan National Youth Day chu calender-a hun pakhat ve mai chauh a ni ang, tiin Passah chuan a sawi bawk.