Sorkar laipui fund-ah Naga te an innghat tur a ni lo: Swu
Nagaland Roads and Bridges Minister, Y Vikheho Swu chuan mahnia intodelh a pawimawh thu sawiin, Naga mite chu sorkar laipui sum pekchhuahah ringawt an innghat tur a ni lo, a ti.
"State sorkar sum 90% vel hi sorkar laipui aṭanga kan hmuh a ni a, tuna state sorkarin sum lama harsatna a tawh mek hi NITI Ayog-in kalphung la chian loh vang emaw special category status tihtawp vang ni loin Nagaland-in sum a thawhchhuah ve loh vang a ni," tiin Swu chuan a sawi.
Sumi Aphuyemi Ki-phimi Kuqhakulu (SAKK) general confe-rence vawi 44-na hawnna inkhawmah Minister Swu chuan he thu hi sawiin, village council te kalphung din thar leh zirlaite leh sorkar hnathawkte chuan mawhphurhna sang tak an nei a ni, a ti.
Hmasawnna progra-mme hrang hrang kalpui kawngah village council te chu din thar an ngai a ni, tiin langtlang leh rinawm taka hna an thawh a ngai a ni, a ti.