NE-a Food Testing Laboratory hmasa ber hawng
Tripura Lok Sabha MP, Jitendra Chaudhury chuan Thawhlehni khan Bodhjungnagar industrial estate-ah national level Food Testing Laboratory a hawng.
Chaudhury chuan National Accreditation Board for Testing and Calibration Laboratories (NABL)-in laboratory hi a pawmpui tih a sawi a, laboratory chu hmarchhak biala a hmasa ber a ni, a ti.
"He laboratory hi export leh import agency te pawhin an chhawr thei ang a, rel kawng lian hawn thar nen
ṭangkawpin Tripura chuan sumdawnna lamah bung thar a kai dawn a ni," a ti.
Silacherri leh Karbuk inkarah bazar siam belhna tur ruahmanna a awm thu te leh Bodhjungnagar-a growth centre, food park, rubber park leh Export Promotion Industrial Park (EPIP) Bamboo park te siam mek a nih thu a sawi bawk.
Hetihlai hian central sorkar chuan he hmun tih hmasawn nan hian Modified Industrial Infrastructure Upgradation Scheme hnuaiah hmalakna siam a ni a, industrial area tih len nan cheng vaibelchhe 60 dah a ni tih a sawi bawk.