Assam Assembly inthlanah Congress an mal tan dawn

Kumina Assam Assem­bly inthlan neih turah Congress party chuan mal ṭan a tum thu a tarlang.

Assam Congress Mino­rity Cell hruaitute chuan he thu hi Nilainia Congress vice president Rahul Gandhi an hmuh hnuah an sawi a, Assembly inthlana mal ṭan an rawtna chu Rahul hian a lo pawmpui tih an sawi.

Wajed Ali Chowdhury kaihhruai, state Congress Minority Cell hruaitute chuan Badruddin Ajmal-a kaihhruai, All India United Democratic Front (AIUDF) chu inthlan lo awm turah thawhpui an duh loh thu an tarlang.

Congress hruaitute hian Rahul Gandhi an hmuh hnuah Prime Minister hlui, Manmohan Singh pawh an hmu bawk a, inthlana mal ṭan an duh chhante an hrilh.

Assam Lok Sabha MP hlui, Abdul Hamid chuan Congress party chu Assam-a hnam tlemte zawkte'n an la thlawp ṭhat thu sawiin, AIUDF chu thlawp enah an en loh thu a sawi a, hei vang hian inthlanah mal ṭan an duh zawk a ni, a ti.

"Kan mal ṭan avangin kan chan phah dawn lo a, Assam-a hnam tlem zawkte'n Prime Minister Narendra Modi kaihhruai, BJP sorkar beilet tura Congress party an rintawk avangin Assam-ah chuan Congress chauhin BJP hi an khinglet thei a ni," a ti.