Hmarchhak aṭangin Sipai lachhuak ṭhen dawn

Indian Army chuan hmarchhak state ṭhenkhat, hel awmna hmuna sipai dahte chu lakchhuah ṭhen a ni dawn tih a sawi. 

Eastern Army commander Lieutenant General Anil Chauhan chuan heng sipai an dahluhna state ṭhenkhat dinhmun chuan ṭhat lam a pan zel avang te, tharum thawhna thleng pawh a ziaawm chhoh zel avangin sipai ṭhenkhat  hi lakchhuah an ni tawh dawn tih a sawi a ni. 

Assam khawchhak lam bial dinhmun pawhin ziaawm lam a pan avangin sipai battalion hnih chu lachhuakin, barrack lamah dah an ni tih a sawi bawk. Chauhan chuan Nagaland leh Manipur pawh kum 2018 leh a hma lam dinhmun ngaihtuah chuan hma a sawn tawh hle niin a sawi.

Hmarchhak state ṭhenkhat, disturbed area-a puanah chuan sipaite hnena thuneihna sang pekna, Armed Forces (Special Powers) Act hman mek a ni. Heng hmunahte hian sipai eng emaw zat dah a ni. He dan hian sawisel a hlawh fo a, AFSPA  hnuaiah hian sipaite chuan thuneihna sang tak neiin, warrant telloin an duhna hmunte an dapin mi an man thei a ni.