Rahul Gandhi chungchanga a thusawi avangin Uttarakhand court-a inlan turin Assam CM ko
Assam chief minister Himanta Biswa Sarma chu kum 2022 Uttarakhand assembly election campaign-naah, Congress hruaitu Rahul Gandhi chungchang mawi lo taka sawia puh chungchangah Uttarkhand court-a inlan tura koh a ni.
Uttarakhand Congress thupuangtu, Ganesh Upadhyay chuan Sarma lakah hian complaint theh lutin, kum 2022 February thlaa public rally a neihnaah Assam CM chuan Gandhi thlahte bakah Rahul Gandhi nu, Sonia Gandhi chungchangah ṭawngkam mawi lo tak a hmang a ni, a ti. Sarma ṭawngkam chu huatthlala tak leh, Information Technology Act dik lo taka hmanna a ni tih a sawi bawk.
Rally-ah hian Sarma chuan General Bipin Rawat kaihhruaina hnuaia India-in Pakistan-a surgical strike a neih chu Rahul Gandhi chuan a tihchianna, proof a phut a ni tiin a bei zui a ni. Congress hruaitu hi tu fapa nge a ni tih leh, a nu leh pate fa ngei a ni em tih finfiahna kan dil ngai em ni? tiin, Rahul Gandhi chu armed force-te hnena finfiahna phut turin eng dikna chanvo nge a neih tiin a chhal zui a ni.
Uttarakhand-a Udham Singh Nagar district and sessions court-a additional sessions judge Udham Singh Nagar Meena Depua chuan puh a nihna chungchangah Assam CM hi hriattirna pein, September 21-a court-a inlan turin a ko.