Tripura-ah ralthuam tawlh rutu man

Tripura-a Jirania rel station-ah Railway Protection Force (RPF) te chuan ralthuam tawlh rutu ni ngeia hriat an man.

Station dap hna an thawhna aṭangin RPF te hian factory-made pistol 7.65 mm pahnih leh magazine pali an hmu chhuak a, pistol pakhat hi US siam niin pakhat hi China siam nia hriat a ni.

RPF Inspector Dipak Datta chuan an mi man chu Dipankar Sen, Tripura-a Sepahijala district-a cheng niin a sawi. Sen hian heng ralthuamte hi Dimapur, Nagaland-a Biswadeb an tih hnen aṭangin Rs. 30,000 in a lei niin an sawi bawk. Sen hian Assam-a Lumding station aṭangin Kanchanjunga Express-ah chuangin, a ralthuam kawlte chu Agartala rel station-a Nandu Paul hnena hlan chhawng tur a ni a, Nandu Paul hian Bangladesh-ah a tawlh lut ve leh dawn nia hriat a ni.