Tripura-in bird flu vangin ar 8,000 a suat
Tripura tlak lama, Gandhigram-ah 'bird flu' a len leh avangin kar kal ta Inrinni khan ar leh varak 8,000 chuang suat a ni.
State sorkar hnuaia awm, Animal Resource Development Department (ARDD) director, Manoranjan Sarkar chuan Inrinni khan ar leh varak te hi an suat
ṭan thu sawiin, ar suat hna chu zo thuai tura official te an hriattir thu a sawi.
"Ar, varak leh sava ṭhenkhat chu an damlo tih hriat a nih hnuah an sample chu Bhopal-a National Institute of High Security Animal Disease Laboratory-ah enfiah tura thawn a ni a, sorkar enkawl farm-a ar leh varak zing aṭangin bird flu natna vei an awm tih finfiah a ni," tiin Manoranjan chuan a sawi.
"Natna darh zel tur ven nan ar leh varak te chu suat vek tura thuthlukna siam a ni a, sorkar farm aṭanga artui thar chhuahte pawh tihchhiat vek tura tih a ni," a ti.
Kum 2008, April leh May thla khan Tripura-ah hian 'bird flu' hi a leng tawh a, ar leh sava lam chi, farm-a vulh chi nuai chuang chu suat an lo ni tawh a ni.