Garo helte'n Assam sumdawng 7 an rubo

Garo hel nia rinte chuan kar kal ta Zirtawp­ni khan North Garo Hills, Kharkutta hmun aṭanga Assam, Doranggre khua pana kal, Assam sumdawng pasarih an rubo.

Doranggre khuaa sumdawng rual chuan Kharkutta, Dokongsi bazar-a weekly market an hawnah an thil neihte zuar turin an kal a, an khaw pana an kir lamah helte hian an rubo ta a ni.

Assam sumdawngte hi silai keng, mi pathum hmai tuam te'n Rongcheri leh Kalawe inkarah lo tidingin an hruaibo tiin North Garo Hills district SP, Ramesh Singh chuan a sawi a, sumdawng pathum chu an man loa an chhuahtir thu an sawi.

Assam sumdawng pathum, man loh te hian kar kal ta Inrinni khan thilthleng hi North Garo Hills police te an hriattir a ni.

District police hotu, Singh chuan pawi­khawihtute chu an umzui nghal thu sawi­in, a ruahmantua rinhlelh pakhat chu an hriat­chhuah tawh thu a sawi.