Arunachal-ah school a kang

Arunachal Pradesh, Pasighat-a Daying Ering Higher Secondary School building chu Pathianni khan a kang.

Kangmei hi chawhnu dar 2:35 velah a inṭan a, kangṭhelhtute'n darkar thum dawn an beih hnuah pawh ṭhelh mit thei loin, class room pahnih, teacher common-room, exam-cell, office establishment room pahnih, vice-Prin-cipal office leh school lehkha pawimawhte chu a kangral vek a ni.

School principal leh vice-principal chuan school lehkhaw pawi-mawh zawng zawng a kangral vek chu pawi an tih thu sawiin, February 1 leh March 1-a ṭan tur, pawl kua leh pawl sawmpakhat internal board exam paper pawh a kang tel vek a ni, an ti.

East Siang district, Deputy Commissioner (DC), Isha Khosla chuan school hi tlawh nghalin, zirlaite'n khailak loa zirna an chhunzawm theih nan principal leh vice-principal chu school auditorium-ah ruahmanna siam turin a hriattir a, kangmei chhuah chhan chhui turin police te a hriattir nghal bawk.