MLA hlui manna tur tihkhawtlai vangin police 2 suspend

Tripura sorkar chuan police communication division-a hnathawk pahnih chu CPI-M MLA hlui, Manarajan Achar-jee man tura Tripura High Court thuchhuak an tih-khawtlai vangin a suspend.

Ni thum chhung judicial custody-a Acharjee dah tura Tripura High Court leh local court-in thuchhuah an siam hnuah police communication wing chuan court thuchhuak hi tihkhawtlaiin, a tukah chauh Acharjee hi man a ni.

January 12 khan High Court chuan a thuchhuak an zawm loh avangin Tripura police department hi a sawisel a, a thuchhuak tihkhawtlai chungchang hi chhui chiang turin Director General of Police (DGP) a hriattir nghal.

High Court thuchhuak tihkhawtlai a nih chung-chang chhui chiannaah Superintendent of Police office-a, Communication wing chuan Acharjee man tura High Court thuchhuak hi darkar 30 dawn a tihkhawtlai a ni.

Police communication wing-a hnathawk pahnih hi- Supervisor (Operation) Chayanpada Bhattacharjee leh Wireless operator Sujoy Bhattacharjee te an ni tih police senior official chuan Pathianni khan a sawi.