HC thuchhuak KHADC-in khinglet dawn

Khasi Hills Autonomous District Council (KHADC) Chief Executive Member (CEM), P.N. Syiem chuan headmen (Rangbah Shnong) te thuneihna khuahkhirh dan tur leh dan hmanga pawmpuina tur chungchangah state sorkarin thuneihna a nei lo tih sawiin, hemi chung-changa High Court-in thuchhuah a lo siam tawh chu Supreme Court-ah Special Leave Litigation thehluta khinlet a tum thu a sawi.

Headmen te thuneihna dan hmanga pawmpuina tur leh an thuneihnate khuahkhirh dan chung-changah tun hnai khan Meghalaya High Court chuan state sorkar chu dan siam tura thurawn pein, headmen te chungchanga inhnialna awmte chu chingfel thuai turin a hriattir a ni.

Chief Justice Uma Nath Singh leh Justice T.N.K. Singh te awmna division bench chuan state sorkarin headmen te thuneihna neih dan chungchangah dan a siam a nih loh chuan Justice S.R. Sen awmna, High Court single bench-in December 10, 2014-a headmen te thuneihna a lo hnawl tawh chu kaltlangpui rih a ni ang, a ti.

Court chuan headmen te rorelna chu sorkar inrelbawlna bul ṭhut a nih avangin Right to Information Act huam chhunga dah a rawt bawk.

Headmen chu sorkar inrel-bawlnaa an tel dawn avangin ‘Public Servant’ anga pawm a ni ang, tiin High Court chuan a rawt bawk.