PHE tui pek a thianghlim tawk: Meghalaya sorkar

Khun Hynniewtrep National Awakening Movement (KHNAM) Youth Wing-in Shillong khawpuia Public Health Engineering department tui pek ei atana a him lo tia a tarlan chu Megha-laya sorkar chuan chhang-letin, PHE tui pek chu mihring ei atan a thianghlim tawk a ti.

PHE Principal Sec-retary (in-charge), P.W. Ingty chuan mipuite chu an tui ei avanga hlauhthawng lo tura ngenin, PHE department-in an tui pek chu a enfiah leh tawh thu leh a thianghlim tawk tih an hmuchhuak tawh a ni, a ti.

KHNAM Youth Wing chuan Greater Shillong Water Supply Scheme tuizem aṭanga tui sample lain King Edward VII Memorial Pasture Institute and Medical Research Institute, Shillong-ah a enfiah tir thu a lo tarlang tawh a, tui sample endiktu mithiamte chuan tui chu a al lutuk tiin, an tui pek pH value hi 5.7 a ni, an ti.

Tui pH value 7 chin hi tui thianghlim ei tlaka ngaih a ni a, hei aia a hniam a nih chuan tui chu a al a, ei atan a thianghlim tawk lo a ni.