NFR in Silchar aṭangin Special train tlantir dawn

Northern Frontier Railway (NFR) chuan vawiin aṭangin Silchar leh Guwahati inkarah 'special train' a tlantir dawn.

He rel hi Silchar aṭangin chawhma dar 11-ah a chhuak ang a, kawng lakah Badarpur, New Harangajao, New Haflong, Maibang, Lum-ding, Hojai, Chaparmukh leh Jagi Road ah a chawl ang. Vawiina chhuak tur rel zawk hian sleeper compartment 6, chair car 4 leh general compartment 8 a nei ang a, naktukah chhuak tur, rel pakhat zawkin chair car 4 leh general compartment 14 a nei ang.

Lumding-a NFR hotu, BK Mishra chuan January 18 aṭang khan ticket pek chhuah ṭan a ni tih thuthar lakhawmtu te hmaah a sawi a, rel compartment spare pawh vawiin leh naktukah Guwahati a dah tura tih a ni. Rel compartment te hi passenger te mamawh dan azira vuah belh tura dah tur a ni, a ti.

Silchar Railway Station hnathawh kal muan chungchanga zawhna chhangin Mishra chuan, "Silchar station cheitharna hna chu chawl lovin a kal reng a, zawh thuai beisei a ni. Hna zawh a nih hunah chuan 'A-Class' station a ni tawh ang," a ti. He station
aṭanga rel chhuak te hian passenger an nei ṭha a, ticket pawh book zawh vek a nih ṭhin thu a sawi bawk.

Railways hian Sil-char-Lumding-Guwahati rel kawng liana rel tlan apiangin ticket manah cheng nuai 2.5 a hmu ziah tih a tarlang.

Mishra chuan rel chhuah hun hma lutuk chu an chhui chian hnuah rel chhuah hun an sawn maithei tiin a sawi. Silchar station aṭanga ramchhung hmun hrang hranga tlan tur rel thar dah thuai beisei a ni.