Assam : Ṭhalaite puihna tur scheme siam dawn

Assam sorkar chuan state chhung ṭhalai hna nei lote'n eizawnna kawng an dapna tura ṭanpuina tur, self-employment scheme a siam thar dawn a, he scheme hnuaiah hian ṭhalai chu an hmalakna tur atan ṭanpuina sum, Rs nuai 2 a pe dawn.

Chief minister Himanta Biswa Sarma chuan an scheme thar, 'Mukhya Mantir Atmanirbhar Asom'-a in register theih hun hi September 23 aṭangin hawn a ni dawn tih a sawi a, in register-te aṭangin ṭanpuina dawng turte hi thlan an ni ang.

CM hian nimina New Delhi-a Assam House conference hall aṭanga chief secretary leh senior official-te video conference a hmanpuinaah he thu hi a puang a ni. He scheme hmang hian ṭhalai nuai 2-te hnenah ṭanpuina, Rs nuai 2 pek an ni dawn a ni.