AP CM-in Donyi Polo prayer centre a hawng

Arunachal Pradesh chief minister Pema Khandu chuan Upper Subansiri district-a Kuporijo hmunah Donyi Polo Khumko Naam (prayer centre) a hawng. Prayer centre-ah hian Nyibu (puithiam) chuan Donyi Polo hnena malsawm dila ṭawngṭaina leh serh leh sang tihna hun a hmang nghal a ni.

Donyi Polo hawnna hunah hian Khandu chuan thu sawiin, hmasawnna chu nun bul pakhat ni mah se, an state-a hnam awm sa dik takte chuan an lo chhuahna leh an hnam serh leh sang an zah a, an chawi nun tlat a duh thu a sawi. Hnam ṭawngte pawh naupang zawkte'n an thiam ngei theihna atan hmang uar sauh sauh turin a chah bawk. Khandu chuan,"Nyibu (puithiam) te hi Tani hnam culture leh nunphung vawngtu, venghimtu an nih avangin state mipui aiawhin lawmthu ka hrilh duh che u a ni," tiin, an hnam serh leh sangte chu an tel loa a kim theih loh avangin mipuite chu Nyibu te zah a, dah sang turin a fuih bawk.

"Sorkar chuan ram mi leh sa dik takte veng a, hum tlat turin hma a la reng a, keimahniin kan tum leh tum lohah kan hnam nihphung leh nihnate a ral leh ral loh hi a innghat a ni," tiin CM chuan a sawi. Donyi Polo hawnna inkhawmah hian tourism minister Nakap Nalo bakah, MLA Rode Bui, Nyato Dukam leh midang eng emaw an tel.