Dimapur-ah Dengue epidemic-a puan rel

Nagaland Health department leh District Planning and Development Board (DPDB) chuan Dimapur-a dengue leng mek a ziaawm theih nan epidemic-a puan an rel.

Thawhlehnia DPDB meeting hi advisor for Labour and Employment & Skill Development, Excise leh DPDB chairman ni bawk, Moatoshi Longkumer chuan kaihruaiin advisor vek, Hekani Jakhali nen, dengue pu darhtu, thosi inthlahpun theihna ang chi tihrem vat a ṭul thu an sawi. Dimapur-a dengue tireh tur chuan Dimapur district chhunga council member leh zirtirtu zawng zawngte nen meeting neih a ṭul thu sawiin, meeting neih dan tur lo buaipui tur leh kaihruai turin Dimapur DC leh Medical superintendent te chu medical department nen mawhphurna pek an ni.

Dimapur-ah hian dengue vei an pung chho chak hle. Dr. Kivato chuan hmalakna dang zawng zawng aiin mipuiin an chanvo an hlen a, sorkar hmalakna an ṭanpui ve a pawimawh ber thu a sawi.