Manipur actor kum 3 chhung lemchan khap

Manipuri actor, Soma Laishram chu kar liam taa Delhi-a 'beauty pageant' buatsaiha a inlan avangin, Imphal-based civil body, Kangleipak Kanba Lup (KKL) chuan kum thum chhung lemchan leh, public event-a a inlan an khap.

Soma Laishram hi an state-ah buaina leh harsatna a la thlen chhunzawm reng avangin Delhi-a programme neih turah hian inlan lo tura ngen a ni a, mahse, Talkatora Stadium-a North East Students' Festival-a programme buatsaihah hian show stopper-ah ṭangin, he hun hi an state-a buaina thleng mek sawi chhuah leh, boruak ṭha leh muanawm a awm theihna atana pui tura ngenna remchangah a rawn hmang thung a ni. "Professional actor leh social influencer ka nih angin, he hun hi Manipur chungchang sawi chhuah leh midangte hnena ngenna siamna tur platform atan ka thlang a ni," tiin a sawi.

Film Forum Manipur (FFM) chuan Soma chungchanga KKL thiltih danah an lungawi loh thu sawiin, a ṭul anga hma lak ve an tum thu leh, Soma tan an din zel tur thu an sawi a ni.