M'laya-a Kristiante minority-a ngaih chi an ni em - Supreme Court

Punjab-a sakhaw lian tak, Sikhs sakhaw zuitute'n 'minority status' an phut chungchang a ngaihtuahnaah Supreme Court chuan Meghalaya-a sakhua lian ber, Kristiante chu minority-a ngaih chi an ni em? tiin zawhna a siam.

Senior advocate Rakesh Dwivedi-a'n Punjab-a Sikh sakhaw zuitute tana 'minority status' a ngen chungchangah Chief Justice T.S. Thakur leh justice F.M.I. Kalifulla, A.K. Sikri, S.A. Bobde leh R. Banumathi te awmna, constitution bench chuan state pakhata sakhaw lian tak, sakhaw dangin a chim buai lohte chu 'minority status' pek chi an ni em? tiin a tarlang a ni.

"Jammu and Kashmir-ah Muslim te chu minority an ni em? Hetiang hian Nagaland leh Meghalaya-a sakhaw lian ber, Kristiante chu he hmarchhak state pahnihah hian minority an ni thei dawn em ni?" a ti.

Supreme Court chuan kum 2007-a Punjab High Court-in Shiromani Gurdwara Parbhandak Committee (SGPC) zirna inte hnena ' minority status' pek dilna a lo hnawl tawh chu a thuchhuahah hian a tarlang bawk.

Meghalaya-ah pawh Niam Khasi leh Niam Tre te'n minority status an dilna hi High Court-ah chinfel lohin a la awm a, hemi chungchangah hian Meghalaya High Court chuan January 13 khan Ministry of Minority Affairs secretary, Amarendra Sinha chu court-a inlan loh avangin 'bailable warrant' a siamsak a ni.

Meghalaya High Court hian Niam Khasi lehNiam Tre hnamte hi minority status pek a thlawp a ni.