Manipur-a BJP kaihhruai Sorkarin fiahna paltlang

Manipur-a BJP kaih­hruai ṭangrual sorkar chuan Thawhṭanni zan khan fiahna a paltlang ta. Chief minister N Biren Singh-a'n confidence motion a put luh ngaihtuah turin Thawhṭanni khan special session neih a ni. 

Motion putluh hi hun rei tak sawiho a nih hnuah, Thawhṭanni zan rei tawh takah vote lak a ni thei chauh a, sorkar chuan fiahna hi a paltlang thei ta a ni. Motion put luh a nih hian House-ah rorellai MLA 28 an awm laiin, eptu lam party member 16 chauh an awm thung. Voice vote hmangin motion hi pass a ni ta a ni.