Tharum thawhnain harsatna a chingfel thei lo: Ibobi

Manipur Chief Minister Ibobi Singh chuan tharum thawhnin eng harsatna mah a chinfel theih loh thu sawiin, hnam hrang hrangte lungrual taka chenho a pawimawh thu a sawi.

Imphal West, Longa Koi-reng khuaa Koren (Koireng) Youth Organisation (KYO) general conference vawi 46 hawnna inkhawmah Chief Minister Ibobi chuan he thu hi sawiin, Manipur-a hnam hrang hrang te an sakhuana avanga enhran an tawk ṭhin tia sawi awm ṭhin chu a pawm loh thu a sawi.

Tharum chu harsatna chin-felna a nih loh thu sawiin, Manipur-a hnam hrang hrangte chu lungrual taka chengho turin a ngen.

Ibobi chuan Patsoi Lamkhai-Chiru Lamkhai inkalpawhna kawngpui siamṭhat hna chu state sorkarin bawhzui thuai a tum thu sawiin, Longa Koireng kalpawhna kawngpui leh health centre te tihchangtlun thuai a nih tur thu a sawi.

KYO general conference hawnna inkhawmah hian Chief Minister Ibobi hi Irrigation and Flood Control Minister, Ngamthang Haokip bakah sorkar official leh police hotute'n an ṭawiawm.