Assam sorkarin district 34-na siam remti

Assam sorkar chuan Thawhṭanni khan Bajali chu district puitlinga  hlankai a remti. 

Bajali hi Barpeta district hnuaia sub-divi­sion a ni a, chief minister Sarbananda Sonowal kaihhruai cabinet meeting-in district puitlinga hlankai a remtih tak avangin Assam-a district 34-na a ni dawn ta a ni. 

Thawhṭannia cabinet meeting hian State Disas­ter Relief Force (SDRF) company pahnih siam belh a remti bawk a, state chhunga private school-te fee bithliah saktu tur committee dinna tur reso­lution pass a ni bawk. 

Cabinet chuan kum nga chhung atan state chhunga bus 688 tlan belh tirna turin ‘Uberization’ Scheme of Assam State Corporation Limited (ASTC) hman a rel bawk. Heng zinga bus 233 chu state khawpui, Guwahati-ah tlan tir an ni dawn a, 147 chu short distance-a tlan tur niin, 238 chu long distance-a tlan tur an ni ang. Bus 50 chu khawpui lian zual hrang hrangah tlan tir an ni bawk ang.