M'laya Kristian te'n minority status nei lo:- State sorkar

Meghalaya sorkar chuan state chhunga Kristiante emaw Niam Khasi te'n minority status an neih loh thu Nilaini khan a tarlang.

State Law department-a official chuan he thu hi sawiin, "Meghalaya Kristiante chu Scheduled Tribe (ST) an nih avangin minority status pek an ni lo," tiin a sawi.

Official chuan ST leh minority status pek kawp theih a nih loh thu sawiin, danin a phal lo tih a sawi a, hei vang hian Meghalaya-a Kristiante hi minority status pek an ni lo, a ti.

Supreme Court Constitu­tional Bench chuan Thawh-
ṭanni khan Punjab-a Sikh sakhaw zuitute'n minority status an phut chungchanga petition an thehluh ngaihtuah­in, Meghalaya-a sakhaw lian ber, Kristiante chu minority-a ngaih chi an ni em? tiin zawhna a siam a ni.

Hetihlai hian official chuan Meghalaya-a Niam Khasi leh Niam Tre hnamte'n minority status an phut chungchangah state sorkar chuan Niam Khasi leh Niam Tre hnamte chu leilung fa an nih vang leh eng sakhua pawh vuan se ST status an neih tawh avangin minority-a a ngaih loh thu a sawi.