Gogoi-a'n inthlan neih tur chungchang Rahul a sawipui

Assam Chief Minis-ter Tarun Gogoi chuan Congress vice president Rahul Gandhi chu Ningani khan New Delhi-ah hmuin, Assam Assembly inthlan neih tur atana inbuatsaihna chungchang a sawipui.

Gogoi hi Assam Pra-desh Congress Committee (APCC) president Anjan Dutta-a'n a ṭawiawm.

Rahul nen an inkawm hnua chanchinbu mite a kawmnaah Gogoi chuan Rahul chu state Assembly inthlan neih tura Congress dinhmunte a hriattir thu a sawi.

"BJP chu mi chi hrang hrang inpawlh awm-khawmna a ni a, Congress chu lungrualna avanga intelkhawm kan ni. Congress chuan Assam-ah thil tam tak a hnutchhiah tawh a, BJP chu party hrang hrang kalkhawm
aṭanga hruaitu thar nei an nih avangin thil tum hrang ṭheuh nei an ni," a ti.

"Inthlan tur atana party manifesto buatsaih dan tur chungchangte Rahul hi ka hrilh a, hmasawnna nasa tak kan lo thlen tawhte pawh tarlan kan duh a ni. Inthlan atana kan inbuatsaihna lam kan sawidun tam ber," tiin Gogoi chuan a sawi.

Party dang nena thawh-dun dan tur chung-chang an sawi em tia chanchinbu mite zawhna chu Gogoi chuan chutiang lam an sawidun loh thu a sawi a, party dang nena thawhdun chungchang chu Rahul pawhin a sawichhuah loh thu leh thawhdun tur chungchangah chuan state Congress-in thutawp a siam tur thu a sawi.