BTAD hmasawn nan BJP nen kan thawkdun: Brahma

Bodoland People’s Front (BPF) vice chairman, Chandan Brahma chuan Bodoland Territorial Autonomous Districts (BTAD) huam chhunga mipuite hmasawnna atan Assam Assembly inthlan lo awm turah Bharatiya Janata Party (BJP) nen an thawhdun tur thu a sawi.

Brahma chuan BPF hian Assembly seat 16-ah candidate dah a tum thu sawiin, bial dangah chuan theihtawp chhuaha BJP thlawp an tum thu a sawi.

Prime Minister Narendra Modi Thawh-lehnia Kokrajhar a tlawh ṭuma BTAD
ṭan-puina tur, special package a puan loh chungchanga chanchinbu mite zawhna chu Brahma chuan chhangin, Parliament Budget Session neih hun puan a nih tak avangin Modi-a'n special package a puang lo a ti a, mahse BTAD special package chu kumin Union Budget-ah dah a nih tur thu a sawi.

BTAD hmasawnna tur chungchang chu January 17 khan BJP national president Amit Shah a sawipui tawh thu Brahma chuan a sawi bawk a, BJP chuan BTAD chu special package cheng vaibelchhe 1,000 pek a lo tiam tawh a ni, a ti.