Dan phal loha lungalhthei laihchhuah ngaimawh

Nagaland Parliamentary Secretary for Geology & Mining, Imtiwapang Aier chuan dan phal loha lung-alhthei laihchhuah chu a ngaimawh thu sawiin, envi-ronment-ah nghawng ṭha lo tam tak a thlen a ni, a sti.

Parliamentary Secretary Aier chuan Mokokchung, Mon leh Longleng district-a lungalhthei laihchhuahna hmunpui a tlawh ṭumin he thu hi a sawi a, khaw tina village council (VC) hruaitute chu an huam chhung ṭheuha dan phal loha lungalhthei lai ṭhinte chunga action la tura ngen an tum thu a sawi.

Aier chuan khaw ṭhen-khat VC te chuan no objection certificate (NOC) pe chhuakin, lungalhthei laihchhuah hi an phalsak ṭhin a ni, tiin hei hi dan phal loh thil a ni, a ti. Hemi rual hian dan phal loh thiltihna tihtawp kawngah VC te chuan sorkar an thlawp ngei a beisei thu a sawi.

Geology & Mining de-partment chuan hemi chung-changah hian VC te chu hriattirna a pek tur thu sawiin Aier chuan dan phal loha lungalhthei lai ṭhinte chu dapchhuak a, an chunga ac-tion la turin VC te chu hriat-tir an tum thu a sawi. Dan phal loha lungalhthei lai
ṭhin environment-a chhiatna a thlen ṭhin chungchangah 'environment awareness programme' kalpui an tum thu a sawi bawk.