Inquiry panel-in Assam sorkarah Mukroh report theh lut

Justice Rumi Kumari Phukan (retired) awmna, one-member inquiry commission chuan Assam sorkar hnenah kum 2022, November thlaa Mukrah khuaah inkahna thleng chungchang report a theh lut.

Assam leh Meghalaya ramri bul, Mukroh khuaa Assam police-te silai hmeh puah avangin buaina a chhuak a, civil mi panga leh Assam home guard pakhat an thi a ni. Civil mi thite hi Mukroh khaw mi vek an ni. Inkahna a thlen tuk, nikum November 23 khan Assam sorkar chuan thil thleng chhui chiang tur hian inquiry commission hi a din nghal a ni. Report theh lut tura hun a pek hi ṭum hnih a pawh seisak tawh bawk.

Inquiry commission chuan Nilaini khan additional chief secretary (home and political department), Assam hnenah report hi a theh lut a ni. Thil thlen dan a chhui chiannaah, Commission hian witness eng emaw zat thu zawh fiahin, document-te a enfiah bawk a ni.