Meghalaya sorkarin hna siamna tur CM-elevate program tlangzarh

Meghalaya chief minister Conrad K Sangma chuan Ningani khan Shillong-a Vivanta-ah Meghalaya mipuite tana hna tam zawk siamna tur atan CM-Elevate program a tlangzarh.

CM Sharma chuan CM-Elevate programme chu Meghalaya ṭhalaite entrepreneurship hmanga hui khawm a, hna pek a, tihchakna tur a nih thu sawiin, Meghalaya-in sumdawnna lama a mamawh phuhrukna tur a nih a beisei thu a sawi bawk. "Kum thum chhungin mi 20,000 chuang tan sector hrang hrangah entrepreneurship lama bul ṭanna tur siamsak theih kan beisei. He programme atan hian Rs. vbc 300 ruahman a ni bawk," tiin a sawi. "Harsatna awm thei leh risk tihniam turin entrepreneur-te puihna atan bank nena thawkhoin sum faia ṭanpuina pawh kan pe. He program hian sum sen tur 95% tumsakna tur loan pek chhuah bakah, loan rulh hun chhung rei zawk pek leh a pung hniam zawk thlengin a huam dawn a ni," tiin, sorkar chu public leh private bank-te nena thawkhoin, entrepreneur-te puihna tur atana awlsam zawka loan an lak theihna tur ruahmanna siam a nih thu a sawi.

Tourism minister Paul Lyngdoh pawhin thu sawiin,"CM-Elevate program hian Meghalaya ṭhalaite dinhmun siam ṭhat leh an hmalam hun ngaihtuah kawngah sorkarin hma a lakna nasa tak a lantir a ni. Tourism Department hnuaia scheme pathum kaltlang hian ṭhalaite'n direct leh in-direct-a an hnathawh theih tur 2,000 chuang siam theih kan beisei a ni," a ti.