Delhi Police atan hmarchhak mi 441 la

Hmarchhak state pariat aṭanga mi 441 chu Delhi Police-a lak an ni a, he zinga 33% hi hmeichhia an ni.

Delhi Police, Deputy Commissioners of Police (DCP) hoin Recruitment Team pariat chuan hmarchhak state pariatah police lak runpui hi tun hnai khan an buatsaiha, thla khat chhungin police-a tlingte hming hi tarlan nghal a ni.

Delhi IGP, North East People in Delhi-a nodal officer, Robin Hibu chuan police lakna felfai tak an neih theih thu sawiin, complaint a awm loh thu a sawi a, langtlang taka hnalak an kalpui thu leh interview a awm loh thu a sawi.

Hibu chuan hnalak exam-naah biometric leh OMR sheets an hman thu sawiin, answer paper pawh computer veka en a ni, a ti.

"Police-a lakte chu Delhi-a training turin koh thuai kan tum a, state police te;n an nungchangte an enfiahsak mek a, an tih zawh thuai kan beisei a ni," tiin Hibu chuan a sawi.

Nanakpur-a Delhi Police Special Unit for North Eastern States chuan an training tura thil ṭulte a buaipuisak dawn a, physical trai-ning bakah Delhi khawpui nunphung hriattir leh Hindi ṭawng te pawh zirtir an ni ang.

"National Security Guard (NSG) bakahMinistry of External Affairs leh central department danga deputation-a an kal theih nan Delhi Police commando ni thei tura tuai hriam kan tum a ni," tiin Hibu chuan a sawi bawk.

Delhi police-a lak tharte chenna atan hian Delhi Police thuneitute chuan DoNER Ministry-ah fund a dil mek a ni.

Training an zawh hnuah police-a lak tharte hi Delhi-a hmarchhak mite chen tamna veng hrang hrang- Munirka, Kotla, Khirki Extension, Safdarjung, Sunlight Colony, Jamia, Janakpuri, Burari, Mukherjee Nagar, Civil Line, Timarpur, Mahipalpur, Vasant vihar, Ambedkar Nagar leh hmung dangahte venhimna pe tura dah a ni ang.

State tin aṬanga lak dan

State Mipa Hmei- Total

chhia

Assam 65 22 87

Arunachal Pradesh 54 26 80

Tripura 33 11 44

Manipur 33 16 49

Meghalaya 24 9 33

Mizoram 34 16 50

Nagaland 33 15 48

Sikkim 34 16 50

Total 310 131 441