Tuki-a'n MoRTH office sawn chhuah duh lo

Arunachal Pradesh Chief Minister Nabam Tuki chuan Itanagar-a Ministry of Road Transport & Highways (MoRTH) regional office Assam, Tezpur-a sawn chhuah tumna chu a dodal thu a sawi.

Union Minister of Road Transport & Highways, Nitin Gadkari hnena lehkha a thawnah Tuki chuan a ministry-in MoRTH regional office Tezpur-a sawn a tum chu a duh loh thu tarlangin, Arunachal-a kawngpui project hlawhtling taka kalpui mekte leh Trans-Arunachal Highway project kalpui mek nen pawh thil inhmeh lo tak a ni, a ti.

"Prime Minister Narendra Modi-a kaihhruai NDA sorkarin hmar-chhak hmasawnna atana inkalpawhna kawngpui tihchangtlun kawngah theihtawp chhuah tura a intiam laiin regional office sawn tum a ni ta hi hriatthiam a har hle," tiin Tuki chuan a lehkha thawnah a tarlang bawk.

"Regional office sawn chhuah hian Trans-Aru^-nachal Highway project kalpui mekte leh kawng-pui project dang kalpui mekte a tihbuai a hlauhthawnawm hle a ni," tiin Union Ministry thutlukna chu ennawn tur-in Gadkari a ngen nghal.