Manipur-ah curfew bawhchhiat vangin MLA an man

Manipur-a BJP MLA, Khumukcham Joykishan chu Imphal hmun hrang hranga Code of Criminal Procedure (CrPC ) section 144 tlawhchhana, curfew puan a bawh-chhiat avangin kar kal ta Inrinni khan police te'n an man.

Imphal West district, Thangmeiband bialah BJP worker te chuan curfew hi bawhchhiain MLA Joykishan hoin Thangal Bazaar panin kawng an zawh a, chawhma dar 10 vel khan MLA hi man a ni.

Nagamapal-a RIMS damdawi kawng pengah BJP worker te hian sit-in protest an huaihawt bawk a, mahse police te chuan tui kahchhuahna leh mittui tlakna hlo hmangin phungkhawm te hi an hnawtdarh a, an innawrnaah mi pasarih velin hliam an tuar.

Joykisan hian Thang-al Bazar kawngpuia temporary-a bazar shed siam chu a dodal a, bazar shed siamna hi hmun danga sawn a phut.

MLA Joykisan hi man a nih aṭanga rei loteah Chief Judicial Magistrate court chuan thubuai siam-sak zui loin a chhuah nghal.

Kar kal ta Zirtawpnia state sorkar thupuangtu, M Okendra-a'n thu-chhuah a siamah Thangal Bazar kawngpuia temporary-a bazar shed siam a nih chhan tarlangin, January 4-a lirnghingin bazar buil-ding a tihchhiat avanga thil zuar hmeichhia 1,872 te awm lailawkna atana temporary-a bazar shed siam an ni tih a tarlang.